كلمات مدائح اولاد حاج الماحي

الهي صلي على الخيارا
*********
الهي صلي علـى الخيـارا محمـد الجانـا بالبشـارة
شرعتو مدحـا باسـم ربـي إلهنـا المنهـو الجبـارة
واحد الحق جلالو جـل وفـي غناهـو العبـاد فقـارا
ومالـك الملـك والملـوك وجاعـل الليـل والنهـارا
دحا الأرض بالجبال رساها رفع سماها حاكم البصـارة
ثنيتا بـي صاحـب الرياسـة محمـد الأتـى بالنـذارا
شفيعنا يوم موقف القيامة نهار يقوموا الخلوق حيارى
ملجمين بالعرق عرايا وشاخصـات العيـون سكـارى
من العلينا جميع بكينـا محانـا طـال الوقـاف فتـارا
على الرسل جملتم شكينا بلاهـو مـا عندهـم قـدارا
وبعد ذلك أتينـا عيسـى وقـال يـا أمتـو البشـارة
يا قوم ذك الرسول محمد وصاحـب الشامـة الأمـارة
مشينا زفة على المصفى جلـى الوجـوه بعـد غبـارا
حبيب لي ربو خر ساجد وقالوا قـوم هيلـك الخيـارا
وأنت يا الشافع المشفع تنال مـرادك فـي ذا النهـارا
نعيمي بيك وخلقتو ليـك علـى الأمـم أمتـك بـدارة
مع عجبنا يزيـد طربنـا يزخرفولنـا الثمـان ديـارا
معاهو فزنـا نعيـم حزنـا لابـس العـز والافتخـارا
مسك تراب الحسان شبابا صبايا عين كلهـن صغـارا
بناها عالي وسكونا فالى بناهـا لا نسـوم ولا تجـارة
بناتا بكـر طعامـا سكـر عقودنـا اللولـي والكنـارا
وجوها تضوي وحجولا تعوي وتدهشك من حسن وقارا
وقت يجنـك يعجبنـك مساويـات مـا فيهـم قصـارا
في كل اصبع مسوي خاتم تجيك تال ايـدى بالسـوارا
ولا في ضربا ولافي حربا ولافي غصبا ولا في غـارة
يجيه المسلمين جميعا صليحـو فـاز كردفـان وبـارا
سواكن البر صعيد وسافل شروق غروب لعرب فـزارا
بجاهك إخواني بيك تمنو اويس مع شنـدي والحـوارا
ولد سعد ود بليل وصالح يفـوزا فـي زفتـك بـدارا
لبيبك الماحي فيـك ظنـو عبيـدك العايـب الخسـارا
ذنوبو خايف يجرسنو طبايعـو افسـل فيهـن حـرارة
نهار سقيم شفو أعفو عنو عند الممات لا يضوق مرارا
في قبر حور يآنسنـو مطيعـة مـا بعرفـن الضـرارا
صلاتي ترضي بعد فرضي عليك يـا مركـز الحيـارى
نبات الأرض نبق وقرض تفوق على القطرة والمحارة
تقول في عرض حوين تقضي لبيبكم عـاوز الإجـارة

صلاة وسلام لي محمدا

صلا وسلام لى محمدا *** خاتم الرسل سيدي أحمدا
ثم ..كعادته يبدأ بتمجيد الله سبحانه وتعالى
يا لساني قول الله واحدا *** حاشا لم يلد لالُو والدا
واجب الوجود باقي مفردا *** أنفى للشريك عَنْهو وأبعدا
مالك الملوك سامع الندى *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا
نمدح الرسول ديمه سرمدا
ثم أيضاً كعادته يُثني بالرسول صلى الله عليه وسلم
أثني بالرسول المؤيدا *** التقي الرؤوف الممجدا
كامل الخصال والمحامدا *** صاحب الِلو وصاحب الرِدا
ليلة الولود خَرّ ساجدا *** طاهراً نظيفاً مُبرّدا
مكسي بالجمال وجهو يوقدا *** أفلجاً كحيل غير أثمدا
حاجبو كالهلال قارف النِدا *** نورو بَقّ في الكون ضوّا من بدا
فاق على السما حتى أصعدا
ويبلغ منتهى الجمال حينما ينبري واصفاً
ولمعجزاته معدداً مستعملاً الموسيقى الداخلية للأوزان...
طاهر الأكفاف يا محمدا *** كامل الأوصاف يا محمدا
أنت أبي الشراف يا محمدا *** سيد الأمة كاف يا محمدا
قلبك الرءآف يا محمدا *** تَرجِب البخاف يا محمدا
نورك الرفراف يا محمدا
ليلية الوٌقاف يا محمدا *** للكرب كشَّاف يا محمدا
السلام أرداف لى محمدا *** مِنّي ليك آلاف يا محمدا
حابّك الجليل يا محمدا *** نخبة اسماعيل يا محمدا
أنت خير الجيل يا محمدا *** صاحب الخليل يا محمدا
سيد لِوى الإكليل يا محمدا *** وجهك الجميل يا محمدا
طرفك الكحيل يا محمدا *** شَرعك العديل يا محمدا
حاشا ما ب يميل يا محمدا *** جيتنا بالدليل يا محمدا
ليلة الزِلْزِيِل يا محمدا *** يا التخمْد الويل يا محمدا
الجذع بكا لى محمدا *** جَاز وانتكا لى محمدا
الجماد حكى لى محمدا *** والبعير شكا لى محمدا
جَلْ ربَّكا يا محمدا *** عَلّا قدرك يا محمدا
أين مثلك يا محمدا *** الرُسلي سابكا يا محمدا
مافي بعدكا يا محمدا *** وافي وعدكا يا محمدا
ضاوي وجهكا يا محمدا *** فاق جمالكا يا محمدا
المباركا يا محمدا *** لينا ادركا يا محمدا
الجِذع رزم لى محمدا *** جَار بالبرم لى محمدا
الجماد نظم لى محمدا *** لا لسان لا فم لى محمدا
المُنير قَسَم لى محمدا *** خَرْ وانقسم لى محمدا
القَصِير أب دم لى محمدا *** قاّلو فيَّ دم لى محمدا
ذلك الأصْم لى محمدا *** إن وِطاهُو جَمْ قول محمدا
كم وكم وكم لى محمدا *** لا عدد لا كم لى محمدا
طاهر القدم يا محمدا *** اللَّى الرسل ختم يا محمدا

شوقك شوى الضمير
الشيخ /حاج الماحي
.......................
شوقك شوى الضمير أطراك مناي أطير
أنا حابك من صغيـــر بريدك يالبشيــــر
***
بسم الله يــا قديـــر يا عــالي يا كبيـــر
يا جابر الكسير دبرنا يا بصيــــر
بي أحسن التدبير من فضلك الكثير
جود يا كريم بي الخير
أنصرنا يا نصير
ويسر لنا العسير
ثنيت بالبشير محمد النذير
شفيع القمطرير يوم موقف الهجير
والشمس تستدير يجري العرق خرير
تتفلت أم زفير جانا النبي الأمير
بي كفو حين يشير يخمد حمو العسير
***
يا فمي جيب تشكير لي الكمل أهل الخير
ناس سيدي بابكر
كان للرسول وزير
الفاروق مع الحبر
لا زالوا بي تكبير
الرابع القاهر كرار علي الظاهر
زام صدرو بالكرير بي سيفو ذو الفقير
كم رامي لي زنطير قال فاسق الحمير
أخير لنا الفرير قاليهو يا خنزير
ما بينفع التعذير جنزر كلاب النير
ملاهم جنازير
***
وين ستت التدبير السامو للعمير
ناس طلحة والزبير سعد و سعيد صفير
ياعبيدة العمير عمار بن ياسر
الكندي متبدر ضرغام ضرار شاطر
سيدي ابن عوف عاشر كاد بولس العوير
ابن الوليد نادر في حمزة يستتر
هو الحلل الكشير الصقر اب قراقير
فوق العلوج نفير
***
ياخواني لا البااقير لا قوز البسابير
مويس والسناهير السيال مع الجوير
كرقوس والمغاوير الدامر والعشير
الباوقة و البنقير مقرات مع اب سدير
بي داير المناصير جيراني الكجاجير
قريب الكواوير جريف الحواج نير
سقاي ولاد بشير عمران و السواعير
دويم ود حاج شهير تنقاسي و القرير
الدتي و الحجير حلة ولاد بصير
جزيرة ود سرير عربان الهواوير
في أبقش التجاجير لاتنس الجبابير
سوابق والبدير لا أرقو و الحفير
ابريم كنوز والدر مايشوفو زمهرير
في زفة الوزير
***
صليت ألوف تكرير سلاما غير تعبير
بي عد التفاسير عدد الدواب و الطير
الصقور و الزرازير الجراد و العصافير
ونبات و العتامير القوي والقرير
الحنطة و الشعير من عبدك المحيسير
الماحي المغيرير خايف من الكرير
يوم يقطع الفرفير داير الرسول يحضر
عن ضمة القبير يحبس سؤال نكير
في بيتو مستتر لا يومت النشير
في تاجك ننحشر

طيبة

الجميل وساما يا ليله جات نساما صلاه عليه وسلاما
يــا ليـلـة ولــدك وافــي فــى الـحــج وقـفــوف وطـوافــا
يسـعـى ومـنـى وإزلافــا زمـــزم يـشــرب لـــى سـلافــا
يــــا لـيـلــة لـيـلــك جــافــا ولــــدك حـكـايـتـو خــرافـــا
نـاقــص خـشــوع ومـخـافــه واقــــع لــقــي الاشــرافــا
يــــا لـيـلــة دى الاوصــافــا يــاتـــى الـقـلـيــل وكـفــافــا
صــاحــب اســيــد وحــذافــه انــــور جـمـيــل وقـيــافــه
دا الـحـجــا بـالانـصـافــا فـــــى الـمــلــه ولا الأحـنــافــا
دا الاكـــــرام الاضـيــفــا ود هـــاشـــم عـــبـــد مــنــافــا
الــوجـــه نـــــور كـشــافــا يـالـيـلــه ديـــنـــو نــضــافــا
الــفــات الـجـنــة وشــافــا قـطـعـولــوا مـــــن اقـطــافــا
يــــوم الـخـلــوق اوقــافـــا يــســـر ويـمــيــن وعــرافـــا
نــــادوا الـبـزيــل الافــــا نـصـبـولـوا لــــواء الـخــلافــا
صـلـيــت عــــدد آلافـــــا عـــــدد الـخــلــوق وصـنــافــا
يــــا لـيـلــة نــطــوى مـسـافــة بـالـنــون قــبــال الـكـافــا

ياربي فرج همنا

فــي جــاه نبيـنـا تلمـنـا
بـسـم الله ننـظـم نـمـنـا بالله الـمـفـرج هـمـنـا
عالـم عددنـا وكمنـا كـل سـاع رحمتـو تعمنـا
أثـنـي الـكـلام لــي الأمـنـا أدم أبيـنـا وأمـنــا
أحمـد كسبنـا وخمنـا فـي جاهـو ربـي يلمـنـا
ليـلـة وقـافـنـا وطـمـنـا نـنـفـر ابـيـنـا وأمـنــا
حـر الهجيـرة يحمنـا جـاه أب علامـة يعمنـا
ايـاك ضرانـا وضمـنـا ايــاك كـشـاف غمـنـا
لــولاك يــوم ملمـنـا الجـنـة خـيــرا يسـمـنـا
ايـاك مياهنـا وجمـنـا وايــاك عطـانـا وكمـنـا
سيـد لحمنـا ودمنـا وشوفنـا وسمعنـا وشمـنـا
لـيـك بـنـردف نمـنـا تـفـرج صـلاتـك هـمـنـا
يانـور قلوبنـا ويمـنـا مـدحـك جبـرنـا وتمـنـا
أصحابو روحا مثمنا هم باعوا وهو المضمنا
كـرار يقـول متيمنـا نسقـي البطاريـق سمـنـا
الماحـي قـال لـك لمـنـا نـحـن وأبيـنـا وأمـنّـا
خالنا وجدودنا وعمّنـا فـي الراحتيـن تضمّنـا
الصّلا والسّلام من فمّنا بي عدد عددنا وكمّنا
ما صبّ وابل وجمّنا لي طيب زمانـا وشمّنـا

الحليم

الحليـمَ صاحـب الخُلـق العظـيـمَ الـفـي طيـبـه
هــب نسيـمـه جــوف اللـيـل صــرت ازيـمـه
اشفـي قليبـي السقيَـم غيـر سـوحـو مــا بقـيـمَ
احسـن اقـوم اتوجـه لـى شروقـو الفـى طيبـه
نبـي الله الحالـى ذوقـو رحيمـا بينـا وشفـوقـو
بلودو ابطـل ديـن اليهـودو خيـر الله الـودودو
لا حـــنــــلــــوا فـــــــــــوق خــــــــــــدودو
طال الاكوان نـوروا جـاب الخيـر والسـرورُ
حامـد ربُ وشـكـورُ زال الـشـوم والـشـرورُ
صاحب التاج والعمامه المخصوص بالزعامه
يوم فى الغار جو اللئما باضت فوقو الحمامـه
صاحب الجود والصخاوه الجالس ليهـو نامـه
المسـك ليهـو اواى فـي مجلـس ليـهـو ســاوا
هـاك مـن آيـهُ الجزيلـه درا الـشـات الهزيـلـه
جـاب الامطـار كفيلـه إلـى أن قالولـوا زيـلـه
يا لسان قول يا الاصيلا اشكى حالتـى العليـلا
فـي ظـل تاجـك نقيلـه نشـرب مــن سلسبـيـلا
فى بدر النصـر بانـت وجـات الافـلاك اعانـة
ديـل اصحابـو الحسانـه فـرق جيـش الكهـانـه
صلـى المولـي العظيـمَ علـى المختـار الحليـمَ
عد ماهب النسيـم بخيـت محتـاج فيـك عشيمـه

يارحمن أرحم بي جودك

يارحمـان ارحم بى جودك دلى الغوث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
*****
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
*****
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
*****
يا الخلفا الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
*****
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
*****
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
*****
شئ لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
*****
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
*****
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
*****
شئ لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
*****
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
*****
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
*****
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
*****
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
*****
شئ لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
*****
شئ لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
*****
شئ لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
*****
شئ لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
*****
شئ لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
*****
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
*****
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
*****
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
*****
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
*****
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
*****
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
*****
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
*****
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
*****
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
*****
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
*****
شئ لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
*****
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
*****
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
*****
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا

القبة التلوح أنوارا

يا اخواني جاتنا عِبِارة
القِصص الِبقنْ في الدّاره

اسمعوا وشوفو يا حَضّارة
قالوا.. لا تمدحوا المختارا

المُداحْ صُغار وكبارَا
سابق ، لا حنين وبشار

حالف، شِل يمين تِكرارا
ما سِمعْ في المديح إنكارا

حتى إن كان تفور باقدارا
نمدح فوق رسولنا بَطارا

إن كان أخشى أخلّي الطارا
عُقبان اسم أبوي خساره

كاسو وعِدْموا فينا بَصاره
وراحو يحرّشو النظارا

العادانا فعلو عَرَارا
باقيلو المَغَسْ عوّارا

أحمد ، سيّد الأبرارا
صاحب الحِلة والأنوارا

أدرِكْ مادحك الشكّارا
في الياذاهو دق مُسمارا

وينكُنْ يا صديق الغارا
يا عمر الفشا الأسرارا

يا عثمان ويا الكرارا
يا خالد... تجونا بدارا

يا أعمام النبي الأحرارا
يا أهل البقيع والحارا

يا ابن ادريس اقيفوا جباره
هذى الفتنة خَمِّدُوا نارا

القبة التلوح أنوارا

سمح الوصوفو

سَمح الوصوفو يا رب نشوفو حَرَمو وسُرُوفو ..نَعقِبْ نطوفو
الماحي سَمّ ونقّر دفوفو *** مَدحاً مُوزّن ..فوق الحُروفو
بالألف. الله ربي اللطوفو
بالباء . بهلّو الأسرار في جوفو
بالتاء. توانى مِسْكو العَسوفو
بالثاء. ثنايا بَرقاً خَطوفو
بالجيم . مجمّل سمحات وصوفو
بالحاء . حُيُالو ضرع العجوفو
بالخاء . لخلقو ينظر يشوفو
بالدال . دَواياَ للصايبو جوفو
بالذال . لى ذكراً شاع في الخيوفو
بالراء . رءوفاً للناس عَطوفو
بالزين . لى زياً يوي العَكوفو
بالسين . يساعد للكان لهوفو
بالشين. شفاعتو يوم الوقوفو
بالصاد . صحابتو شايلين سيوفو
بالضاد . يضوّي بين الألوفو
بالطاء . مُطهّر قلبو الرؤفو
بالظاء. يظِلّو الغيم رفوفو
بالعين . علامتو فوق الكتوفو
بالغين . غَفَرْلو وأمّن لى خوفو
بالفاء . فصيحاَ للسر كَشوفو
بالقاف . يقفّل باب الخسوفو
بالكاف . لى كفاَ ينبع سُرُوفو
باللام . لِماهو يا رب نشوفو
بالميم . معاهو يوم الوقوفو
بالنون . نروّح لى ذاك غوفو
بالهاء . نهاجر ونسعى ونطوفو
بالواو . ولامِن آخر الحروفو
بالياء . يمينو يكرم ضيوفو