كلمات مدائح اولاد حاج الماحي

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كلمات مدائح اولاد حاج الماحي

    شوقى لى نور الحقيقة - حاج الماحى

    شوقى لى نور الحقيقه النبى الجاب الطريقة
    يامفرج كل ضيقا غايث الأمة وشفيقه
    ثبت القلب المحيقة صوبنو صفو من الدقيقة
    اثنى بنور الحقيقة النبى الجاب الطريقة
    سيد الحرى ورقيقة شافع الامة وصديقة
    الرسول ريحتو العبيقة جين تشمها تستسيقا
    ان بدت من نوروا زيقة ضوت الدنيا وفريقا
    شوقوا شاوى الجوف حريقة يدهش الزول ماب يفيقا
    بصيرى والبرعى عشيقا تاهو فى بحرو العريقة
    شوفوا ها النفس المعيقة مابى تقنع بى حقيقا
    صونا واربط لى حليقة التموت بى هذا ضيقا
    وبخ الشينة العميقة لاتحوم تأخذ الغريقة
    هينة سوفيها البديقة قوداً بى حبلاً وتيقه
    سوت الوسواس رفيقة قايمة لى قافة فريقه
    حين تسوقا على المضيقا تنصرف تابا الطريقة
    ياتروح شيل وريقة حدث اثمارى وشريقا
    البروح فاس والعتيقة ماب يجيب هاذى الطريقة
    سبحتا الكلمة الحقيقه والرسول تفصيل ابيقه
    شيخاً الكلقة الحقيقه والرسول تفصيل ابيقه
    شيخاً ابن ادريس صديقا والرشيد ظهر عميقا
    سبحتا الكلمة الشريفه العظيمية واللطيفا
    يامشكك فيها اقيفا لاتخوض قولك ضعيفا
    سبحتا الكلمة الختاما والرسول تفصيل نظاما
    البكتر فى كلاما مابيهم يوم القياما
    شيخا مسرورا مهنا ربى اظهروا فى زمنا
    كيف مجالسوا تسر عقلنا قولوا كلو دليل وسنه
    شيخا مسرور الضمائر تلقا مبسوط ديمة ناير
    كاسولى جيرانوا داير يسقى لى من جاهو زاير
    شيخاً مابسب البقذفو وباطنوا الناس مابتعرفوا
    بجروا طامح مالى جرفوا فيهو ياريافه اغرفوا
    بحروا طامح يقسى سادر والرسول فى محالسو حاضر
    البشوف ديك البنادر ماب يهم يوم الدرادر
    بحرو طامح فوق جزايرو يافقير ماشف بشايروا
    يامشكك فيهو سايروا طوبى لى من جاهو زاير
    البحرما الليل دميرة حكمة وانواراً كثيرة
    شوفتو بى عين البصيرا للمفتح والضريرا
    البحر بحراً طهورو كون مشمر لى حضورو
    كاسوا داير للبدورو حكمة يجلى الطلمه نورو
    البحر بحر الصحابه بالدليل سنه وكتابة
    ناسو فى الخلوات جذابة شيخاً مقبل لى شرابا
    البحر بحر المحبة اصلوا نوراً فوقوا قبة
    كاسو داير مالو عبة يارشيد جيب منهو شربة
    الطريقة الاحمدية شيخاً مابحب الدنية
    يشهد الله العليا ماشى فوق أثر النبى
    الطريقة احمد أساسا والرشيد يعرف لباسا
    ناساً كمل فى الفراسة والعلوم رسخت فى راسا
    يالرسول كاب الضعيفة ناس مقاشى بدوروا ضيفه
    ازرقم حسن اللطيفا يبقوا فى الزمرة الشريفه
    يالرسول كاب الضعافه امن الكروا من مخافه
    تبتم ناساً ضعافا ضيفن غاية الضيافة
    يالبلاك مالى ملاجا لم جماعة الدتى عاجا
    يوم يقوموا الناس حراجا كون ضمينا انت وسراجا
    يالرسول كأب العديمة جيت وقيع بى ناس كريمة
    الجميع من الجحيما ينجو سكنم أم نعيما
    الماحى قال لك يرءووفو ديمة يمدح بالدفوفو
    قول لى ياسمح الوصوفو عين جزاك الناس تشوفوا
    الصلاتوا الوف الوفو والسلام عدد الحروفو
    توصل ام شباك وغوفو يدخر كل حين تطوفوا
    صلا رب الناس وسلم لى رسول الله المعظم
    والسلام كالدر منظم جابا عبداً قالوا أيكم

  • #2
    واشوقى لى الجاه الملك - حاج الماحى

    واشوقى لى الجاه الملاك الاحى قنديل ام شبك
    بسم الله بادى القول سلك بالله واحداَ مالو شك
    خالق البحار مجرى الملك غايث الدواب عايث السمك
    ثنيت بالجاهو الملك الماحى قنديل ام شبك
    خير الخلوق غالى الترك شافعنا فى يوم الدرك
    يوم العزق فار وانلك واقفه العصاة اهل الشبك
    يوماً عبوس مافيهو مك جانا الرسول حل الشبك
    فى الرسلى كان مين يقدرك اياك سكونن والحرك
    انت الأصل هم عسكرك اخذوا العلوم من دفترك
    جسمك عليهو النور سبك فوقو الذباب ماحام ورك
    عنقك قزاز ريقك عجك شعرك سماحتوا بلا ودك
    بالجنة ربنا بشرك خصاك وولاك وكبرك
    هناك واعطاك كوترك الشوم على من كاذرك
    يوم العرق فار واندلك خايف معاى ناساً لكك
    النوبة لا ود أب حنك يبروا البراق قبل الشبك
    الماحى فى العيب انهمك كان فى الشباب تارك ترك
    من كونوا فى مدحك مسك ساند عليك ماعندو شك
    صليت والتسليم سبك عدد البحار عدد الملك
    عدد السباع عدد السمك لى المكسى بالنور مو فرك

    تعليق


    • #3
      عيب شبابى الاتحبس - حاج الماحى

      عيب شبابى الاتحبس والله لى سيد أنس
      بسم الله يامالك النفس ياغايث الصيد فى التبس
      اغنينا من بعد الفلس نقنغ بما تعطينا بس
      ثنيت بى سيد أنس شافع النهار الاتحبس
      يوم الخلائق فى جرس لولاهو ماب نلقا النفس
      ملك الحقيقه الما اتلبس بى رشوة ماقالوا التمس
      الجدُ هاشم ماهو دس راجى الكرم والعز حرس
      كم عافا لاصحاب سلس رد الصبى الكان جرس
      بارك قليلا ليهو مس يغُنى العديم بعد الفلس
      خضرلو يابسا اندرس شال الوضيب طاع وانفدس
      صاح الجدع يبكى الحسس قال الرسول منى اتحبس
      ثُب اب جهل قلبوا اتعكس اللعنه فوق وجهو انطمس
      راح فى القليب عكروت ترس مسجون ذليل كلب الحرس
      إسيادى للكرنه ام طوس فوق العلوج سيفن ردس
      ان شفت لى روس الرخس فى القاع مجضمه كالنجس
      كرار على للعوق كبس هان الملوك جساها جس
      حين يلطم الزول والفرس فوق النصف حساهو حس
      من شد على العاتى الكلس شق القفار والتيه كرس
      فى الروضه فوق الغوف جلس فى الدورق الصافى اتمعس
      يامسلمين اطروا الكبس لايبقا مافيكن حسس
      توب واغتسل يالفيك نجس فى قفلة ينصب الانس
      اين الملوك اهل الحرس حال الزمان ليهن عكس
      كم راح شبابا فى ملس انقلا فى الحيبة اندمس
      يا اخوانى لا دار المحس انشاء الله نسلم من جرس
      قول لينا ياسيد انس آمنتوا مافوقكم سلس
      الماحى فى مدحك بحس فاشبيهوا باين ماهو دس
      نقر طبول العز حرس والسمعو صح من نوموا حس
      صليت والتسليم هجس بى عد جبرا ما درس
      وام روح جميع حتى التبس والغلة والفول والعدس

      تعليق


      • #4
        عيب شبابى الماسفر - حاج الماحى



        عيب شبابى الماسفر والله لى غالى النفر
        يانفيس بُوصيك الحزر سمى الله واجتنبى الزفر
        من قبلك ابليس كم ضفر كم غش كم وهط حفر
        كم ضل كم عاش كم مكر كم لز فى طبقات وكر
        خرب القلوب زادن سكر بالشرك لى فرعون هكر
        كم غش لى امما حسر هندسلهن بدعو ونشر
        ودر مسيلم واب فشر فى اسفل النيران حشر
        لعنو الاله افعالوا شر مطرود من الرحمة اتقهر
        يا نفس اوعى من الضرر كيديهو مقبوح الصور
        ان رمتى ياغافلة السهر بى شوية بتنالى التجر
        صلى على البدر الظهر فى الجنه تلقى الخير صبر
        ان طرتى راجيكى القفر باقين لك الحفاظ غفر
        اجتهدى فى زاد السفر وانتبهى لى ذاك المقر
        زايلا العبوس نخلاً وتمر صافيها ساعة يكون عكر
        روح شبابى الما انستر وليت بشوف حيلك فتر
        كم سوا فيها بنا وعمر قبال يتم معنا اتقصر
        كل يوم كلابوا تزيد سعر راحوا الرجال اهل النظر
        كم من ملوك لابسين حبر راكبين خيول ليهن غرر
        بعد المخدات والصفُر سكنوا التراب لمحة بصر
        مثل الرسول غالى النفر ماجابن النسوان ذكر
        والله فى الكون ماظهر الا انسمع لا انتظر
        الماحى صابون الصقر ساق اللسان المافجر
        صدروا الوسيع علموا البحر فاق جودو لى وابل المطر
        سمح الثنايا الما كشر حين فر لى اسنانوا الدرر
        شتن الكفوف سمح الشعر فوق جسموا لاح النور بهر
        فى الجلسه تلقاهو ان حضر بين الكرام كيف القمر
        فى اوصافوا لاعلى والنفر سابق قبيل حسان قصر
        ركبوا الكرام ولد البطر صديق مع الفاروق عمر
        عثمان يوهن فى الوكر عزوا الرسول دينو انتصر
        كرار ركب قارحوا ودفر بى سيفوا للفرسان كبر
        عوق النجوس شافوا انكسر طاعوا الكلاب ختو المهر
        ياربى حل قيدى الكجر قبل الممات اعبا السمر
        فى مكه اقبل للحجر فوق ام رمال امحا الوزر
        زرت الرسول خاترى انجبر انصابا فى السهوة ام اكجبر
        إن مُت هناك نعمة الجور وان جيت بزيد الناس بغر
        يا لماحى فحلك كلو شر فى اطباعك ان كان افتكر
        مادام بيك هذا الحقر تلقابو خير ان كان صبر
        والله فى عقل الختر غير مدحو مالقيت لى تجر
        ارجز حمد ربى وشكر انجابو اوفوز يوم السكر
        ياربى صلى كما امر تسليمى لاطول الدهر
        عدد السمع عدد البصر ترضى وتكوى لمن كفر

        تعليق


        • #5
          فوق سديس


          الشيخ حاج الماحى

          فوق سديس لزيارة السيد ياجليس نيتى قبل الموت
          ياعليم بالمخفى الدسيس يا امان الخوف يا انيس
          نيتى فوق مكلوفا سديس لزياره سيد اويس
          ثانى جبت القول بتفريس للرسول مشهود ما دسيس
          ينسبق كالدرالنفيس كيتين للكافر التعيس
          يوم نهار مكلوب الشمس والامم واقفى محابيس
          جاء الرسول سيد موسى وادريس
          المرقى غالى الجنس المقدس سر وتقديس
          للرسل والنبيان رئيس فى جنات الفراديس
          السوا الكنز الدسيس معجزاتو كثار مالا قيس
          ان مرقب الوادى اليبيس ليهو تلك الحين يبقى ديس
          قلبو فيهو الجود مغرس كفو كان للعطى ما بيقيس
          المنير فوق ابا قبيس خرشافو الغالى ورخيس
          جبر المكسور بالمسيس وفتح العميان بصرو ليس
          النبى كان يبارك الزاد باللمس ويرحم العدمان ومفلس
          اب جهل منعول قولو بيس الشقى الكلب المطيميس
          ضل هو وقومو المعاكيس ودرم غشاهم ابليس
          مرحب الصديق الجليس قام عمر بى رايو السديس
          والحبر عثمان للدرسو للشدايد كرار عريس
          ستاتم للرؤؤس دواويس قامو دينن ماتحانيس
          ربى الم سته وسبعه كيس واشرى جملا كبيرى تيس
          جانا بابور تالا السويس بى رواج نكرى الواويس
          فىالشروق امره غير هلس قابل البدوان المعيس
          امشى اشوف حرمو اب حراريس عند ضايف ليلة الخميس
          جيه الاخوان لامويس الغرب وام دوم والرويس
          قال بخاف الماحى الماحى تجريس من نكير وضربو اب فراديس
          صلاه وتسليم مالا قيس بعدد علم الله النفيس
          عند رقيب تكتب كراريس وتمحى سيئات المراريس
          فوووق سديس لى زيارة السيد ياجليس
          نيتى قبل المووووت

          تعليق


          • #6
            *^* الحجاز فيهو البريدو *^*
            الشيخ / حاج الماحي


            *^*^*^*^*
            الحجاز فيهو البريدو
            الله يدني لي بعيدو
            *^*^*^*^*
            بادي بي الله القصيدو
            بي الكريم ربي المجيدو
            حكمو جاري على عبيدو
            جل يفعل مايريدو
            *^*^*^*^*
            بثني بي النبي البريدو
            العظيم عند الله سيدو
            فيالقيامة نهار وعيدو
            و الله سووا الريسة في ايدو
            *^*^*^*
            سيدي يوم الهم شديدو
            كفو يطفي النار بعيدو
            خيرو لي المخلوق عديدو
            جاهو عم الرسل هيدو
            *^*^*^*
            صادقاً في القول رشيدو
            ومن مجالسو يستفيدو
            فايق القبلو ونديدو
            والخصيم يكوي و يكيدو
            *^*^*^*
            الوحوش في البر وصيدو
            و الطيورتالفو و تريدو
            النخيل شال مستقيدو
            تاق و ميح بي جريدو
            *^*^*^*
            النبيالمصباح بريدو
            للجنان مفتاح بريدو
            سيدنا يا مداح بريدو
            قوموا ليهو الراح بريدو
            *^*^*^*
            سيد الأملاك بريدو
            شافع الادراك بريدو
            قبرو في أم شباك بريدو
            يا الامين قوماك بريدو
            *^*^*^*
            سيد الوراق بريدو
            نورهو البراق بريدو
            فيˇ قيد مشتاق بريدو
            حلو يا خلاق بريدو
            *^*^*^*
            شوقو جالب الناس بريدو
            من صليح دار الصعيدو
            حرك الزول من بليدو
            يفرق الابو من وليدو
            *^*^*^*^*
            رب سألك يا مجيدو
            نيتي اجلس في مسيدو
            امشي شوف شباك حديدو
            في المدينة اوافي عيدو
            *^*^*^*^*
            عبد الماحي البليدو
            خايف الموت الشديدو
            يالرسول احضر وعيدو
            خت يمينك فوق وريدو
            اخوتي الهنا والبعيدو
            من عرب حاج لي اب سعيدو
            اكرم الخير حبو زيدو
            و الامين فوق حقو زيدو
            *^*^*^*
            الصلاة بلا و عديدو
            و السلام كل حين يزيدو
            عد ما علم المجيدو
            للنبي الحباهو سيدو

            تعليق


            • #7
              من مكة سارى
              الشيخ / حاج الماحي
              *****


              من مكه سارى للبريدو شوقى وحسارى
              ***
              ياربى البارى ليك أفتقارى شوقى وحسارى
              جود ياغفارى دوبا ومحص لوزارى
              ***
              ثنيت مسدارى فوق الخيارى
              يومانكسارى النبى أحمد جبارى
              ***
              ليل يوم السكارى وكمان شابو الصغارى
              كنزالدخارى النبى لينا بيضارى
              ***
              ليل عند الكبارى وكمان أهل العبارى
              وجهه وقارى النبى يغفى النهارى
              ***
              لينا ماحى الوزارى وكان للغيم يبارى
              نطق الجدارى وكمان صم الحجارى
              ***
              ليل من مكه سارى وكمان شاف ناجى البارى
              ود الفخارى النبى حاز وأستخارى
              ***
              لينا قال البخارى النبى ركب الحمارى
              يسعى ويشارى وكمان خاطبي الإبارى
              ***
              ليل من شدو شارى كمان عتق بدارى
              شق الغفارى فات البحارى
              ***
              ليل نمرق نكارى وكمان عرب الشبارى
              نحرم منارى وكمان أبرد حسارى
              ***
              ليل الماحى طارى وكمان خايف الوخارى
              قول أنت بارى النبى من أمشرارى
              ***
              ليل مدحك تجارى وكمان شغلى وكارى
              لولاه حارى وكان مقطوع خبارى
              ***
              ليل صليت لسارى وكمان تسليم جارى
              عدد الاقطار وكمان موت البحارى

              تعليق


              • #8
                *القام منسرق*^*

                حاج الماحي

                نعم نعم القام منسرق
                زار محمد خير الخلق
                يا كريم الحال يتفق
                والسان ينطق بالصدق
                نزكرك كونك مستحق
                الحمد فضلك منبثق
                بابك المفتوح ما غلق
                ونسألك تيسير الرزق
                القلب يا حنان يرق
                للرسول بالشوق والعشق
                اثني بيك يا نبي الشرق
                يا محمد خير الخلق
                طه بن عدنان يا حذق
                في الوجود قبل ادم خلق
                الامين الما بتحمق
                جاشا نبي الله ما زمق
                وجهو عند الجود ينطلق
                ويكرم الايتام بي رفق
                وصفو واصل ما بتلحق
                كم شحن في بحوو وغرق
                حسنو في النبيان باقي شق
                ومن جمالهو يوسف فرق
                كان بين الناس ان عرق
                منهو زاكي الطيب يتعبق
                نور جبينو الباهر يبق
                وحين يفر تبسيمو البرق
                البعير قال جيت منسرق
                يا محمد داير العتق
                بالعطش والجوع منصفق
                حلاهو سار مسرو منطلق
                الجذع يبكي ويتخنق
                بالحسار والشق متقلق
                البكار قدام الخلق
                لي رسولكم جات تنسبق
                الكرام فرسان الزرق
                ضربهم تب تب مو فلق
                آل خيبر راسهم زلق
                جابم الكرار في ربق
                قلبي طال بالشوق متحرق
                نيتي فيكم قولاً صدق
                راجي ربي الحال يتفق
                ونحن وانتم ما نتفرق
                يا الرسول لم ناس الشرق
                والغرب وابدوم لا سلق
                خوة الاسلام حر و رق
                يا كريم في الجاه نندلق
                قال بخاف الماحي السحق
                وفي الفساد والعيب متخمق
                لي ذنوباً وازق وزق
                ويا الرسول فيكم معتلق

                تعليق


                • #9
                  فوق مطايا

                  كلمات حاج الماحى




                  فوق مطايا اسرى الليل لحجايا
                  العاجزين العرايا
                  عدمانين السعايه
                  قول ببركه حجايا
                  وصارت ناسا غنايا
                  تلك الحين للغلايا
                  لز الغيث السمايا
                  انت الساس والبنايا
                  انت الظل والغطايا
                  انت صباحى و مسايا
                  دافع الشروالبلايا
                  وللاسلام باقى تايا
                  ياطبى ويادوايا
                  ياقوتى وياشفايا
                  وكابى وشدة قفايا
                  ياحرزى من الازايا
                  بيك الله اراد نجايا
                  فى مقصودى ونوايا
                  اسرى الليل فوق مطايا ا نشاء الله انزل والقى الرمايا
                  شرقى المرمن بدايا
                  فى وبان الضحايا
                  فرض الحى نقضى غايه
                  اقدم لى يثربايا
                  ولى مروادالعمايا
                  سرقلبى ونور ضيايا
                  شوفتو بتبرد حشايا
                  جاب الماحى النهايا
                  عبدفاعل الخطايا
                  جيت واقع بالمعايا
                  بى والدى وجنايا
                  وجيرانى ونمسايا
                  والاخوان واصحبايا
                  والاسلام جمله غايه
                  قول الكل فى حمايا
                  الصلوات ايه ايه
                  والتسلين عد دمايا
                  عدريح الصيف والشتايا
                  عدالحب والنوايا
                  والبتا والشرايا
                  والمرمدوالسنايا
                  والحنتوت والارايا
                  والعيش والسعايا
                  صنف الطير للقطايا
                  مافى الارض والسمايا
                  علم الله لانهايا
                  ليك ياخير البرايا
                  اقبلا ورد لـــــــــــــــــى جــــــــــزيــــــــــــــــــــا
                  للــــــــــمحبـــــــــوب فـــــــــــوق مطــــــــــايا
                  اســــــــرى اللــــــــيل لــــــــــى حــــــجــــــايا

                  تعليق


                  • #10
                    صاحـب النـصــر

                    حاج الماحى

                    :::::::::::

                    صلاتى لامدت العمر ضنانى شوق صاحب النصر
                    شرعت فى اول السطربعالم السروالجهرهوالذى ينفع ويضر
                    اتانافضلابلاعبرورزقن لامدت العمرنحمده ونسرى بالشكر
                    ثنيت بواسع الصدرشفيعنافى موقف اب هجرنهارلاينفع العذر
                    محبسين والعرق يخر اتى البشير سلى كالامر لواه ظل للجميع ستر
                    فى يوم البعث والنشروجوهنافى حاله كترعلى سراط رقيق حدر
                    اتى النبى اللقلوب يسر
                    كرقناجاهو البلا قصرشفاعتو لى شارب الخمر
                    مصفى هاشمى وقريشى حرسلاله العز والفخر
                    معظم الشان والقدروجبين لاخافى للبدر
                    فطامو احلى من التمرمفلجا والثنايا قر
                    حسين الخلق البلا قهر ونافى للظلم والفجر
                    حاشا مابيجور يخدم العشريمينو مهجور من الصبر
                    عمامه للصايبو الفقر اتالو بعد العسر يسر
                    معاجزو المالهن عبر بى مسو ضرع العجوف يدر
                    له المنير ينقسم يخردخل فى الغار لامو بابكر
                    نسج له العنكبوت ستر ركة الحمام كى للكفر
                    صاحبتو الدين نشع جهريشققو الحافى للزمر
                    يجاهدو لا ساعه الظهر ضنانى شوق صاحب النصر
                    على الصميم فى الملاذ يكر مكرما فوق وشى النصر
                    حسارى زاد قلل الصبروحرقنى فى جوفى كالجمر
                    صلاتى لامــــــــــــــــدت العــــــــــمـــــــــــــــــــــــر
                    بشاشى الى مالقيت ختر شبابى راح مسنى الكبر
                    منايا احادى القطار وجرولم لى عبادى للخبر
                    نزلنامن قوش شرينادر
                    ساقن الجمال دقن الكدر ونزلنا كارينا لى ابكر
                    وقطعن بحــــــــــــــــــرا مياهو مــــــــــر
                    يجونا زملا البدو الحمرطلعنا بى جنبو عدسمر
                    وصلنا دارا تقى وطهر دخلنا دارا تقى وطهر
                    نزور قمر يثرب البدر مقامو نعمه وكواكبو در
                    عبيدك الماحى جاب شكربخاف من الغيبه والحزر
                    اغثنى فى حال السكراموت شهيداعظيم اجر
                    مع السؤال يسهل الامرحواك انثنى فى القبر
                    صلاه وسلام بلاعبرعددثواب ركعات الفجر
                    القيام مع الشفع و الوتر سباع والطيرلى اب الدبر
                    الفرات وسيحون ونيل مصـــــــــــر
                    صـــــــلاتى لامــــــــدت العــــــــمـــر
                    ضـــــنانى شـــوق صـــاحب النـصــر

                    تعليق


                    • #11
                      عيب شبابي الما سرح

                      الشيخ حاج الماحى

                      عيب شبابي الما سرح والله لأب شوقاً جرح

                      قام العِبيدْ من نومو صَحْ لقا جنبو لبناً في قدح
                      سَمّى وشِرب زيّن اتنتح حمد الإله حالو إنصلح

                      جَدْ في السؤال لى ربّو لَحْ قال يا كريم بابو انفتح
                      أعطوه تفاحات بلح حين ذاقا قال دمّاعو تح

                      رادلو الجليل قلبو انشرح طاب قلبو مسرور بالفرح
                      جاب لى شفيع الناس مدح شتمو الهبيش دق ونبح

                      السمعُو في جوفو انجرح من شوق حبيبو يسوي أح
                      قام همّل العقبات رَوَحْ في شرقوا بالوديان سرح

                      شاف كوكبو الضاوي إتضحْ في الروضة فوق غوفو انبطح
                      شاهد رجالاً غير جٌنحْ ماسكا الدلائل والسِبحْ

                      ثنيتو بالنبي النَصًحْ الدينو للبلدان صَلَحْ
                      صادق اللسان الما فَشَحْ بالحق يقول حتى إن مزح

                      والله مثلك ما نجح بالرسلي ميزانك رَجَحْ
                      يومت وجوهنا بِقتْ قَبَحْ جاهك يعم الاتفضح

                      نوراً قديم في الكون سَطَحْ صلى الأله ليهو ومَدَحْ
                      في مكة جاب لينا المِنحْ في طيبة قبرو الانطَرحْ

                      الدنيا خيرا يزول لِمحْ تعكس عليك بعد الفرح
                      يا ناسي فرضك وانسدح الموت وراك إن طِرْ سبحْ

                      كم من عزيز فات وإنشتح بارودو يبكي تَرحْ تَرحْ
                      حين يومو تَمْ قَنَت وقح ْ في غفلة جا اللفّاح لَفحْ

                      كم من شباب قالب الكشح فوق البريم لابسا التَلحْ
                      راح في التراب فوقو إنكتحْ زيو المليحْ غَبّا وانقبحْ

                      يا الماحي كسلك ما بيصح شوف الدقوني الفوق نَجَحْ
                      رحم الله للعاقب بَرحْ في وصفي انا الدون والأشح

                      يا ربي صلّي كما شرحْ تسليمي عد برقاً لَمحْ
                      عدد العنب عدد البلح للمِنْ بهامو النيل طمح

                      تعليق


                      • #12
                        الدنيا ولت

                        الشيخ حاج الماحى


                        :::::::::::::::

                        الدنيا ولت والله العظيم اخبارو قلت

                        نفس الماحى ياخوانى ولت فى الهوى واللعوب شرب وعلت
                        عد الشيب دنت للاخر ولت راحت شدتا الفى عضاها قلت

                        شوفوا الدني يخوى ولت كم هانت عزيزا ليهو ذلت
                        ماسك فيها بى حبلا متلت اصبح منقطع محسور مسلت

                        كم غشت رجالاليها زره قالت ليهها هذا شطيرى در
                        تم الكاس شرب عقلوا استسر فى الحين تتقلب وتبقلو مره

                        كم هانت صعا ليكا صناقى تشرب تبسط تضحك تقاقى
                        كم غشت رجال ليهن طواقى فارقوا للحبايب والسواقى

                        القول ليك يالشايل كتابك فى المجلس تصور لى خرابك
                        خاف من الله وختشى من عذابك ان لاقيت ربك شن جوابك

                        توب ياهذا واجلس فى مسيدك طيع الله واعبد المولا سيدك
                        لاخوان لا تكتر شديدك واصلن البعاديك والبريدك

                        عند الا صفرار بقيت عقابا ولت وادبرت وموعود خرابا
                        ان كان ياالعبوس عندك لبابا كنتى تدومى للنبى والصحابه

                        شوف الماحى من كتره حماقتو طربان فى العبوس نا خلا قاقتو
                        الكان مو نقاص عقلو شلاقتو وين شاف المريض بى يطب رفاقتو!!

                        يامولاى صلى كما امرت ان عذبتا وان شيت وغفرت
                        مردوف السلام لى من امرت كونو هو الشفيع وانا اعتذرت

                        تعليق


                        • #13
                          ياماشى للشروق

                          الشيخ : حاج الماحى



                          :::::::::::

                          ياماشى للشروق شيل لى السلام مطبوق
                          كان قيدى مُو مغلوق والله نـاوى اســـوق
                          ****
                          بسم الله ياشفوق ياخالق الخلوق
                          يسرلنا الرزوق نجمع لنا حقوق
                          نقوم نحادى النوق نحمـلن علوق
                          عمودنا يمشى روق
                          نقيم الليل نسوق نسريبا للشروق
                          ****
                          اثنى الكلام مطبوق للصادق المصدوق
                          القلـبهو شفــوق الـزال لناالمـحوق
                          المسخى والفسوق الكفهو مطلوق
                          ما كنَّ لى حقوق
                          كان بابو مو مغلوق للسايح المريوق
                          ****
                          فى الحرى والواقوق صافى الخلوق روق روق
                          شاخصة العيون لافوق يجـرى العـرق سـبلوق
                          ضجـت وقـاف السوق العاصي صـاح مغلوق
                          النار لسانا توق
                          جاه اب علامه يحوق
                          لولا العلينا شفوق والله مافى مروق
                          ****
                          الجسمهو معبوق فوق الدلال مدفوق
                          تبسيمو كالبروق عـلى البـدر يفوق
                          يكيل صبى الموق العزو مو ملتوق
                          صاحب هديه النوق
                          سيد البراق ام طوق ياخوى عليهو الشوق
                          ****
                          اصحابو ماهن جوق فرسان تنادل العوق
                          صديق مع الفاروق عثمان الوفا يسوق
                          الليث على المذموق ملاّكا جابا ربوق
                          باعن رفيق فى السوق
                          الطير كبود وحلوق قط ما صبح مريوق
                          *******
                          يا اخوانى طال الشوق يبكى المحب معشوق
                          فاتوا الرجال بى فوق سايحـين لباسا دلـوق
                          قـيد اللـبيب مـغلوق صايبو الكسل موثوق
                          عازم يدورلو مروق
                          يارب يكون مطلوق
                          سيد المدينة ام سوق عن بابو اقيف واتوق
                          ****
                          الماحى يامحموق فعلك جميعو فسوق
                          دينك ضعيف متلوق حالك عليك مسروق
                          ان كنت ماك محوق ليش ما بتحادى النوق
                          قاعدعلى ام فاشوق
                          للسخرة والماروق
                          سَوْ مدحو ليكَ مَتُوْق ان كان تسير معتوق
                          ****
                          بختم صلاتي تفوق ثم السلام مطبوق
                          كالطيب عبيقو يفوق عد الزرع والسوق
                          ****
                          ماقام غروب وشروق الطير قطا وغرنوق
                          لى شافع المخلوق واصحابو جمله تحوق

                          تعليق


                          • #14
                            يا اخـواني جــاتن عبـارة
                            الشيخ / حاج الماحي
                            ..............................

                            يا اخـواني جـــــاتن عبــــــارة القصـص البقــن فـي الـدارة
                            اســمعوا شــوفوا يا حضارة قـالوا لا تمــدحــــوا الـمخـتارا
                            الـمــــداح صـــــغار وكـــبارا ســــابق لا حــــنين وبشــــارة
                            حالف شـيل يمين تكـراره ما سـمع فـي الـمـديح انكارا
                            كاسوا وعدموا فينا بصارة راحـوا يحـرشــــــوا النـــظارا
                            العـــــــادانا فعــــــلوا عـــرارة باقيـلوا الـمقــــص عـــــــوارة
                            حتى إن كان تفور أقداره بمـدح فــوق نبيـــنا بـي طـارة

                            الليـــــلة حــــن قـلبـــــي ورزم عــلى الرســــول الفـي حـــرم
                            بســم الله يا باســط النعـــم ذو الفضــل معـروف بالكرم
                            واجب الوجود وواجب القدم ثابـت الغـــنى نافــي العــــدم
                            أنـت الـمفــــــرج كـــل هــــــم لا رب بــلاك بـس مـا قســــم
                            السـيد علي عبده إن حكم أيـــــــاه عـــــــدلا مــا ظلــــم
                            ثنـيــت بـي شــــافــــع النـــــدم يـــوم الخــــلائق فـي مــــلم
                            يبكي العصاة ريقم فحـــم جـــاه الرسـول يحوي الأمــم
                            ليـــــلة وضــــع طـاح الصـــنم طـــاب الزمـــــان زال النقـم
                            أصـبح بنـاء كسرى انهــدم النهــــر غــــاض إبليس هــرم
                            الأمــــي مـا خـــط بــي قــــلم الـمـــــولى ســـاقيــــه الفــــهم
                            معصــوم مـن اللـــوم والتــــهم صـــــادق مبــــلّغ مـا كــتم

                            عبــــــــــدا حســــــن رجـــــــا بنبيـــــــــك التـــــــجا
                            يــا قاصـــــــــــد النجــــــاة اعمـــــــــل بمــــــا بــه جــــا
                            صــــون نفســــــك واحلجــــــا بالخـــــــــوف بنِّـــــــجــــا
                            فـــرحـــــهــا بـالـرجــــــــــا خــــــــــوفا تحـــــــــــرجــا
                            بــي مهــــــــلة درجـــــــــــــا اتــرجــــى كـــل الرجــــــــــا
                            مــــــن ذنـــــــب فــالـجــــــــا طـــب غـــــــير معــــالجـــــة
                            قبــــلك قـتــــــــــــــادة جــــــا شـــال عيــــــــنو منـبعـجـــــة
                            رداهــــــا ذو البهــــــــــــــجـة صــارت كحـــــــلا ودعجــــا

                            تعليق


                            • #15
                              متين يا عاشقين
                              الشيخ حاج الماحي

                              ***************

                              متين يا عاشقيـن نحـدا الجمـال
                              على بلـد النبـي العتـق الغـزال

                              بديت بـي ربنـا النافـي المثـال
                              طـرح لـلارض راسيهـا بجبـال
                              رفع سمواتو سبحـان ذو الجـلال
                              العدم يا باقـي فـي حقـك محـال

                              ثنيت بالاسمو ميم حا وميـم ودال
                              قرن بي اسمو فـي اسـم الجـلال
                              على الرسل اجمعين ميزانـو مـال
                              يفـوق داؤود ويوسـف بالجمـال

                              وضع في مكة مـن نطفـة حـلال
                              مركب فرعو في النـاس الوصـال

                              عفـاف اماتـو وابواتـو الـدلال
                              ليـوث الحـرب فرسـان القتـال
                              طاهـر المنكبيـن طيـب السـلال
                              واعذب ريقو احلـى مـن الـزلال
                              مفلج سنـه اصفـى مـن الريـال
                              وفـر تبسيمـو برقـاً لاح وشـال

                              نبيـاً حاشـا مـو سلطـان كيـال
                              نبيـاً لا ظـلـم لا فــل مــال

                              غير ذكـرالله مـا عنـدو انشغـال
                              ظهر شاع دينـه للسـد والجبـال
                              عـرج للحجـب داسـن بالنعـال
                              وذات المولى شافو علـى الكمـال
                              ناجى البـاري محمـود الخصـال
                              خطـب واتانـا باحكامـاً عــدال

                              صحابتو الجملة مـا فيهـم خيـال
                              يسوقو الحافلـة فـي خيـلاً قـلال
                              يهينوا المشركيـن اهـل الضـلال
                              يهـدو اصنامـم العبـدو الهبـال

                              نسيـم القبلـة هـب لـي شمـال
                              شغف عقلي بقيت مـا فـي بـال
                              طريت يا اخواني نخلاً مـو طـوال
                              شراهو وسوقو لينا ان شاء الله فال

                              متين يا عاشقيـن نحـدا الجمـال
                              على بلـد النبـي العتـق الغـزال

                              نشوف ام قلة كيـف براقـا شـال
                              نجلس الروضـة واركانـا الظـلال
                              طلع نباهـو فـي موضـع بـلال
                              شهـر اذانـو فسـر فيهـو قـال

                              حضـر الوقـت قربـو يـا عيـال
                              تبين ام قلة تضـوي كمـا الهـلال

                              نزلنـا بجـدة والـربـان قــال
                              يقـرب جملـة الفـي ايـدو مـال
                              مشـرع لـي مصاريهـا ام حبـال
                              سواكن جينـا بـي بهجـة ودلال

                              يقول الماحي يـا صـادق المقـال
                              بخـاف المـوت وامـلاك السـؤال
                              وقيع بالخـوة والوالديـن وخـال
                              معـاك سكنـا فـي جنـات بـلال

                              بعـد الابـل والخـيـل والبـغـال
                              والطواف والحج علي عرفة ام رمال

                              تعليق

                              يعمل...
                              X