ثنائى العاصمة «كلمات الأغاني»

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    ثنائي العاصمة " أغنية حيرت قلبي معاك"


    حيرت قلبي معاك..خليتو بيك مشغول...

    يا أحلى من ضماك..ما بصح عذابو يطول...

    وتطول ليالي نواك..حيرت قلبي معاك...



    ياما قضيت أيام..أبني الأماني عليك...

    وأترجم الآلام..غنيات عسى يرضيك...

    أخفي الدموع عنك..وأضحك أمام عينيك...

    وتفيض عيوني حنان..لمن تعاين ليك...

    أصلو العيون حاباك..حيرت قلبي معاك...



    يا عاطفة في الوجدان..يا صورة ساكنة العين...

    يا من بنور محياك..أسعدت كل حزين...

    طاوعت ظنك ليه..فرقت بين قلبين...

    وقطعت حبل الود..الكان زمان موصول...

    يا حبي ما أقساك..حيرت قلبي معاك...



    عاهدت قلبي أعيش..راضي السهاد والبين...

    يمكن أصل في يوم..غاية الأمل يا زين...

    وآخر طريق الشوق..السرت فيهو سنين...

    بين الأمل يا حبيب..والخوف من المجهول...

    من أني ما ألقاك..حيرت قلبي معاك...

    تعليق


    • #17
      ثنائي العاصمة " أغنية حــــــــــرام"


      صحي البيناتنا أصبح كان...

      وكل الريد عليكم هان...

      وكل العشرة والأشواق...

      صحي نسيتوها يالحبان...

      صحيح غدارة يا دنيا...

      وأمانك مافي ليهو أمان...



      قضينا ربيعنا كلو دموع...

      وما عاد لينا غيرا وليف...

      نشوف ماضينا كالأوهام...

      وباكر زي خيال الطيف...

      نمر بي دمعة واحدة نفوت...

      ونحضن دمعة تاني نقيف...

      وليه بالله ما تورونا ننسى الريد ونهجر كيف...

      ونحنا الزادنا في دنيانا كلمة حب وقلب رهيف...



      حرام..عشنا السنين ليهو...

      حرام..يا دنيا تطويهو...

      حرام..نتلاقى زي أغراب...

      وزي أغراب نحييهو...

      وين..وياليل..وين حبي...؟

      وين..وياليل..ألاقيهو...

      وين..وياليل..ياليل..

      وين..وياليل..ألاقيهو...

      وأغني غرام وأحلى كلام...

      وأفرو جناح وأطير ليهو...

      وأنادي وأقول..لي كل الناس..

      أنا المقتول..أنا المقتول وحي بيهو...

      أنا المقتول وحي بيهو...

      أنا المقتول وحي بيهو...

      أنا المقتول وحي بيهو...

      تعليق


      • #18
        ثنائي العاصمة " أغنية بـــــــلادي"



        بلادي..بلادي..بلادي...

        بلادي يا أحلى نغم يا بلادي...

        يا أغلى غرام ضماهو فؤادي...

        يا مفرد عز وشموس وبوادي...

        أعيش وأموت في اسمك أنادي...

        يـــــــــــــــــــــــــــــــــا بلادي...



        عشقت نخيلك ونيلك وليلك..زي أولادي...

        وفيك سهادي..معنى ودادي..وخيرك وزادي...

        بلادي يا حرة..يا أجمل درة...

        يا نور في جبين الدنيا وغرة...

        الله معاك..ونحنا فداك...

        تحيي وتسلمي لي بلادي...

        يـــــــــــــــــــــــــــــــــا بلادي...



        بلادي بلادي..بلادي بلادي...

        بلادي يا أمي..مناي تضمي...

        رفاتي ودمي..زي أجدادي...

        بلادي تنادي..أنا الحرية...

        سمايا مشاعل..ليك مهدية...

        وأرضي عزيزة وسودانية...

        واستشهادي فداك يا بلادي...

        معنى وجودي ويوم ميلادي...

        يـــــــــــــــــــــــــــــا بلادي...

        تعليق


        • #19
          ثنائي العاصمة "أغنية بعادك طال"

          بعادك طال..كفاية تعال...

          شغلت البال..بألف سؤال...

          عمرنا بمر..وإنت بعيد...

          نضوق المر..ومر المر...

          ونحيا وراك على الآمال..كفاية تعال...



          بحبك ووالله مشتاق ليك...

          وحتى الشوق سألني عليك...

          محل ما أروح أعاين ليك...

          زي اللاقيك وما لاقيك...


          كفاية الليل يجيني براي...

          حليل ليلاتي وإنت معاي...

          بدورك جمبي ديمة حداي...

          كفاي الضقتو في دنياي...


          تعال لي يا الحنان والريد...

          تعال يا الفي قليبي وحيد...

          يا فرحة ليل وصابح العيد...

          يا روح روحي البريدو شديد...

          تعليق


          • #20
            ثنائي العاصمة "كلمات أغنية بدر سامي علاهو"

            بدر سامي علاهو...ما بطولو سماهو...

            حبو شاغل فكري...وكيف أميل لسواهو...

            وكيف أميـــــــــــــــــــل..وكيف أميل لسواهو...



            بدر ساطع نورو يفتنك تصويرو...

            تسحرك نظراتو ويسحرك تعبيرو...

            في الشعور والرقة..ما وجدت نظيرو...

            الجلال بذاتو..بس صعب تفسيرو...

            في فؤادي أحسو..وفي عيوني أراهو...

            وفي عيونــــــــــــــــــي..في عيوني أراهو...



            لو تكلم غنى صوتو كلو محنة...

            أو تبسم تنظر في ابتسامو الجنة...

            أو تمايل عودو..كالغصون يتتنى...

            زاهي بين أقرانو...بالشباب والجنة...

            ده الفريد في حسنو..مافي زول بسواهو...

            مافـــــــــــــــــــــي زول..مافي زول بسواهو...



            في مفاتنك بشهد إنت أصلك مفرد...

            من مشاهد غيرك ما بطيب لي مشهد...

            شوقي لي لقياك..كل يوم يتجدد...

            وإن وصفت جمالك..الخدود تتورد...

            أو وقفت حيالك..قلبي وين ألقاهو...

            قلبي ويـــــــــــــــــــــــــــن..قلبي وين ألقاهو...

            تعليق


            • #21
              ثنائي العاصمة " أغنية بحبك"


              بحبك...بحبك...بحبك...بحبك...

              بحبك بكتبا وأقولا...يا أحلى سنيني وفصولا...

              بحبك ديمة في لساني...وجوة قليبي مشتولا...

              وحبك قصة أيامي...كتابا وصحفتو الأولى...



              بحبك ما بداريها...وكيف أقدر أداريها...

              وريدة وغنوة في عيوني...عيوني بتحكي بالفيها...

              تعال نحكيها للدنيا...وخلي الدنيا ترويها...

              قلوبنا التايهة ليها سنين...تعال نرسى ونرسيها...



              منو البقدر...يجافي حبيب...

              حنين وعيونو ريادة...

              يقول ويضوي...النجوم كلمات...

              محبة وريدة وقادة...

              هوانا العلم الأيام...وأهدا الدنيا أعيادا...

              محال نهجر...دروب ريدو...

              أنحنا الريدة أسيادا...

              أنحنا الريدة أسيادا...

              أنحنا الريدة أسيادا...

              تعليق


              • #22
                ثنائي العاصمة " أغنية إنت المرمر والياقوت"


                إنت المرمر والياقوت..وإنت المعدن جوة بيوت...

                إنت الخاتم والسيموتة..وإنت اللحظة الما بنفوتا...

                إنت الريدة..المافي نديدا..ريدة فريدة..نملي جديدا...

                إنتي الساحة..وإنتي الراحة..وإنتي عيون مليانة سماحة...

                إنتي عيون مليانة سماحة...

                إنت حراير فارس وروما..وإنت الرقة الما بندوما...

                إنت زبرجد..وإنت العسجد..وإنت الفاصلة..وإنت الموعد..

                يا بلورة..وأجمل صورة..إنت الطلسم في أسطورة...

                إنت الطلسم في أسطورة...

                *****

                إنت الكلمة الضاحكة عيونا..وإنت النغمة السارية حنونة...

                إنت الشيلة..السابل سيلا..وإنت البوبا..عليك التقيلا..

                إنت حروفنا..وكل ظروفنا..وإنتي الشوف الفوق لي شوفنا...

                وإنتي الشوف الفوق لي شوفنا...



                إنت الدهب الشالع نورو..إنتي كلامنا البان مستورو...

                إنت الطلة..وإنت الحلة..وإنت اللغز..الما بنحلا..

                إنتي سمحنا إنتي...وإنتي ربحنا إنتي...

                إنت سمحنا..وإنتي ربحنا..وإنت البلسم يشفي جرحنا...

                وإنت البلسم يشفي جرحنا...

                تعليق


                • #23
                  ثنائي العاصمة "أغنية أمرك يا حلو"


                  مين يعصى أمرك..أمرك يا حلو...

                  كل شي يرضيك..نحنا بنقبلو...

                  محال يا ملاك..نحن لي سواك...

                  بس ريدنا المعاك..تمو وكملو...



                  مهما يزيد..برضو بنحملو...

                  سيد الدلال..مين البسألو...

                  نصبر سنين..لمن يلين...

                  وصبر السنين..دابو في أولو...

                  *****

                  يوم ما بنقول..دلك بطلو...

                  زيدو وزيد..أوعى تقللو...

                  ليك يا وديع..كل ما تريد...

                  وريدنا الشديد..آخرو وأولو...

                  *****

                  غالي الوصال..كيفن نوصلو...

                  خايفين نقول..يمشو يقوّلو...

                  يحرمنا الكلام..والابتسام...

                  وحتى السلام..يمكن يبطلو...



                  مين يعصى أمرك..أمرك يا حلو...

                  كل شي يرضيك..نحنا بنقبلو...

                  محال يا ملاك..نحن لي سواك...

                  بس ريدنا المعاك..تمو وكملو...

                  تعليق


                  • #24
                    ثنائي العاصمة "أغنية الله عليك"

                    الله عليك...الله عليك...

                    الله عليك يا خاتي القول...

                    الله عليك...الله عليك...

                    الله عليك يا أجمل زول...

                    مهما أعيد أنا مهما أقول...

                    وصفك فات حد المعقول...

                    الله..الله..الله عليك...

                    *****

                    الله عليك..من عين الناس..

                    والله عليك..من عيني أنا..

                    إنت جمال..ريان احساس..

                    ورقة تشع في قلوبنا سنا..

                    والله الشوق فاض بينا خلاص...

                    شوقنا إليك فاض بينا خلاص...

                    نحنا الشوق فاض بينا خلاص...

                    وبقت أرواحنا معلقة بيك...

                    والله..الله..الله عليك...

                    *****

                    الله عليك يوم تمشي براك...

                    وكل الدنيا عيون حواليك...

                    ناس أرواحا تهيم في خطاك...

                    وناس مفتونة بسحر عينيك...

                    وإنت هناك لا ديل ولا داك...

                    زاهي في حسنك وما هاميك...

                    والله..الله..الله عليك...

                    *****

                    الله عليك يا شمس ونور...

                    والله عليك يا بدر بدور...

                    والله عليك يا الزول الناير...

                    وغرة عين قلبي المسحور...

                    نحنا قلوب في سماك بتدور...

                    شايلة الريد وتنادي عليك...

                    والله..الله..الله عليك...

                    *****

                    الله عليك...الله عليك...

                    الله عليك يا خاتي القول...

                    الله عليك...الله عليك...

                    الله عليك يا أجمل زول...

                    مهما أعيد انا مهما أقول...

                    وصفك فات حد المعقول...

                    الله..الله..الله عليك...

                    تعليق


                    • #25
                      ثنائي العاصمة " أغنية الدرب الطويل"

                      معاي معاي في الدرب الطويل...

                      نحنا في بداية طريقنا..ليه تقول لي مستحيل...

                      ليه..ليه..ليه تخلي الوحشة تملى..عشنا الهادي الجميل...


                      شوف عيونك فيها دفقات الأمل...

                      وجــنــتــيــك يا دابا ورتني الخجل...

                      لسة ما عرفت هوى..إلا نورا بيشتعل...

                      ياخي بدري على الهموم..بدري على الوجل...



                      أوعى تطرق باب قلوبنا قبل ما تعطف عليها...

                      خلي قلبك بي حنانو الفيهو يتشوق إليها...

                      وأطرا إنك كان لقيت الحب أو ما لقيتو فيها...

                      حبك إنت صار حياتا والحنان اخضرّ بيها...



                      يا حبيبي طل وشوف بي عينيك نور القمر...

                      مرة ما أخفى ابتسامتو وعمرو في حالة خضر...

                      هو زيك في ضياهو والدجى خصلة شعر...

                      نحنا أسعد منو لو..سبنا المقادير للقدر...

                      تعليق


                      • #26
                        ثنائي العاصمة " أغنية البينا عامرة"


                        لا..ما تقول نسيتك...

                        وما ممكن ده يحصل...

                        ونحنا البينا عامرة...وزي ما كنا أول...


                        أسأل قلبي تلقى...مكانك هو هو...

                        وأملي في اخضرارو...ما لي غيرو سلوى...

                        ما خنتك يا غالي...وبعتك للـ اليالي...

                        ولا استهواني تاني...وقلت عليهو غالي حد...

                        ونحنا البينا عامرة...وزي ما كنا أول...



                        ليه خليت غرامك...يخضع للظنون...

                        ما هماني غيرك...ومين زيك يكون...

                        لا..ما هان علي...أغيب عنك شوية...

                        وأرجع يوم أقولك...فؤادي خلاص تحول...

                        ونحنا البينا عامرة...وزي ما كنا أول...



                        إنت أماني عمري...وكيف أقدر أخونك...

                        وكيف تسعد سنيني...غير ما أشوف عيونك...

                        يا البسكر عبيرك...أنا مالي غيرك...

                        وباقية عهودنا باقية...مهما بعادنا طول...

                        ونحنا البينا عامرة...وزي ما كنا أول...



                        لا..ما تقول نسيتك...

                        وما ممكن ده يحصل...

                        ونحنا البينا عامرة...وزي ما كنا أول...

                        تعليق


                        • #27
                          ثنائي العاصمة " أغنية أسبر عيونك يا قمر"



                          أسبر عيونك يا قمر...وأنثر عبيرك يا زهر...

                          وأفرد جناحك يا سنا...الليلة ساحر الكون حضر...



                          الليلة أعياد للبدور...ومواكب أفراح للزهر...

                          وزي البشاير نورو لاح...تحلف تقول ليلة القدر...

                          والحسن بي حسنك زها...حتى السهى إزدهى وإزدهر...

                          الليلة ريدك بي فاض...بقى ريدة لي كل البشر...


                          الليلة حسنك وروعتك وبهاك ونورك ليك مدار...

                          خلى العيون مشدوهة فيك..مشدودة ليك بالإنبهار...

                          مسحورة بي لون النضار البحلى في عيونو الودار...

                          الليلة من دون الأيام...عند المغيب طلع النهار...



                          أسبر عيونك يا قمر...وأنثر عبيرك يا زهر...

                          وأفرد جناحك يا سنا...الليلة ساحر الكون حضر...

                          تعليق


                          • #28
                            ثنائي العاصمة "أغنية وطن المعالي"


                            يا أرض المعالي..يا وطني الحبيب...

                            غير ضلك ونيلك..العيش ما بطيب...

                            دايرنك تلالي..دايما ً في العلالي...

                            زاهي بكل غالي..وكل الفيك حالي...

                            ليلك كاللآلي..وشمسك لا تغيب...


                            يا السودان حبيبي..يا وطن الجدود...

                            يا معنى الأصالة..يا رمز الصمود...

                            أنحنا يمين معاك..وما نخليك براك...

                            نرفع لي لواك..وحتى الروح فداك...

                            وحتى الروح فداك..بس تسلم تطيب...


                            يا تاريخ شهودو..صحرى وغاب ونيل...

                            مروية بدمانا..وبالحب الأصيل...

                            لي وطن المعزة..دار تاجوج وعزة...

                            وشعبا ً كل عزة..لراية المجد هز...

                            لراية المجد هز..لي وطنو الحبيب...



                            ما بترد غريب..أشقاهو الزمان...

                            فيك يلقى المحنة..وفيك يقلى الأمان...

                            وفيك شباب أجلة..ما برضو المذلة...

                            هم في الحارة زاداك..ركازك عمادك...

                            ركازك عمادك..في اليوم العصيب...

                            تعليق


                            • #29
                              ثنائي العاصمة " أغنية يا الطيب شذاك ورد"


                              يا الطيب شذاك ورد..يا سكري وشهدي...

                              يا سوسني البندي..يا حظي يا سعدي...

                              أنا فيك لقيت زاتي..وذوبت فيك وجدي...

                              وكـــــــــــــــل الـــــــــــــــعــــــــــمــــــــــــر...


                              يالليك مشاعري شدن..وأحلى الكلام غنن...

                              جابن عبيرك وجن..شالني ليك ودّن...

                              وتر الحنان دندن..دمع الوصال هتّن...

                              والـــــــــــحــــــــــــب أمـــــــــــــــــــــر...



                              فيك راحتي ومهلي..وطيبة عيون أهلي...

                              بالنظرة تشدهلي..بالريدة تندهلي...

                              ويبقى الرضاب نهلي..يا دموعي انبهلي...

                              وأجــــــــــــــــــــــــرن بـــــــــــــــحــــــــــر...



                              ليك القلوب حنوا..معذورة فيك جنوا...

                              بقى ديدنن ريدا ً..في المهجة شايلنوا...

                              لي زول عيونو نهار..وأنهر عسل غنوا...

                              جابوا الحرير والليل..وبجيدوا جادلينوا...

                              في ضحكتو وسنو..يحلى الودر.

                              تعليق

                              يعمل...
                              X