ثنائى العاصمة «كلمات الأغاني»

**Nabil :: nabsho** · 07-05-2013, 08:56 PM

ثنائي العاصمة " أغنية طول مفارق حيو""

طول مفارق حيو..يا أخوانة كيف وإزيو...؟

من يوم فراقو ديارنا..ما شفنا زي زي زيو...

زولا ً حنين زي زولنا..والله ما بتخلى...

والحي مصيرو يلاقي..طال الزمن أو قل...

كانت قلوبنا تغني..لو جانا يوم أو طل...

يا حليلو شال أفراحنا..مسخ علينا الحلة...

حرام عليك يا زمان..تحرم قلوبنا جديدا...

عيوننا يوم العيد..ما تلقى نورا وعيدا...

وين بسمتو الضواية..والضحكة ديك وين سيدا...

حرام حرام يا زمان..العين تودع ريدا...

*****

طول فراقو علينا..وعارفينو ما بالإيد...

ولسة القلوب بتهاتي..بي زول بعيد وبعيد...

متين متين يا الله..يجينا أجمل ريد...

ويهل بنورو علينا..هلت قبايل العيد...

طول مفارق حيو..يا أخوانة كيف وإزيو...؟

من يوم فراقو ديارنا..ما شفنا زي زي زيو...

**Nabil :: nabsho** · 07-05-2013, 08:57 PM

ثنائي العاصمة "أغنية يانا الزمان يا ناس"

يانا الزمان يا ناس..مالكم نسيتونا...

بدلتوا ريدنا بناس..للدنيا سبتونا...

بس يعني ولا خلاص..بقى ما بتعرفونا...

يانا الزمان يا ناس..عشنا المحنة سوا...

وروينا بالإحساس..أجمل غرام وهوى...

كل ما الليالي تمر..نزداد لهيب وجوا...

للزي غرامنا محال..الفرقة تبقى دوا...

يانا الزمان يا ناس..بس السنين بتمر...

تسقي السعادة في كاس..في كاس بتسقي المر...

والطال غيابو وطال..لو انــكــتــبــلــو عمر...

بجي يوم يلاقي الناس..الشوفتم بتسر...

**Nabil :: nabsho** · 07-05-2013, 08:59 PM

ثنائي العاصمة " أغنية يا حبيبي وإنت غايب"

يا حبيبي وإنت غايب..قلبي وراني العجايب...

مرة شاكي..مرة باكي..

وعمري ما حسيتو طايب..وإنت غايب...

يا حبيبي...

يا أمل عاد لي بعمري..يا ربيع فتح زهوري...

كيف أحيد عن غرامك..وإنت في دمي وشعوري...

كل إنسان ليهو نجمو..وإنت نجمي وبيك مسيري...

وإن تضيع خلفك حياتي..راضي منك بي مصيري...

العواطف..والمشاعر..والأحاسيس النبيلة...

في عيونك يا حبيبي..زاد لياليّ الطويلة...

في ابتساماتك سعادتي..وإنت تخاصم مستحيلة...

وكيف أعيش انا غير ضياك..والظلام في كل ليلة...

من زمان ارتحت وارتاح من عذاب الماضي قلبي...

ومن جديد أصبحت أبحث عن حبيب يشتاق لقربي...

والـتـقـيـتـك إنـت لـكـن إنـت مـا صـدقـت حـبـــــــي...

يا حـبـيـبـي الـفي الضـماير خافـي يـعلم بـيـه ربــي...

**Nabil :: nabsho** · 07-05-2013, 09:00 PM

ثنائي العاصمة " أغنية وحياة المحبة"

وحياة المحبة وأشواقي وحناني...

وحبي الليك نابع من روحي وكياني...

ترجع يا حبيبي..وترجع لي تاني...

وترجع تملى قلبي..بالحب والأماني...

يا حبيبي...

وحياة المحنة..والعاطفة النبيلة...

وليالي التلاقي..وذكراها الجميلة...

وحياة شوقي ليك..وقلبي البين إيديك...

ما كان بعدي عنك..لو بي إيدي حيلة...

يا حبيبي...

وما بنساك وربي..لو لحظات شوية...

حبك مالي قلبي..وباين في عيني...

ودربي بلاك أظلم..وربي وحاتك أعلم...

وإنت بحالي داري..وما سائل علي...

يا حبيبي...

شوف الدنيا زاهية..بالحب والحنين...

وكم قلبي وقلبك..فيها مـأمـلـيـن...

وديك أيام جميلة..كانت يا حليلا...

تعال نبنيها تاني..عشرة تدوم سنين...

يا حبيبي...

**Nabil :: nabsho** · 07-05-2013, 09:01 PM

ثنائي العاصمة " أغنية وحــدوا بــيــنــا"

والله وحدوا بينا..البارحونا وراحو...

شالوا من وادينا..بهجتو وأفراحو...

بالكتير يا حليلم..يا حليل الراحو...

طال نواك وأنا قلبي..باكي ليل وصباحو...

في الضياع والحسرة..السنين كم راحو...

راحت الأفراح..قلبي عاش لجراحو...

من يكون لفؤادي..روحو زيك وراحو...

أنا قلبي اتصبر..لمن تعب صبارو...

نظرة باكية حزينة..كان وراها ودارو...

يوم رحلت وشلت..بهجتو وأنوارو...

لا ارتويت من عطفو...ولا اكتويت بي نارو...

*****

للقلبي الصادق..كنت نبعو ودارو..

كنت ليهو حبيبو..كنت أهلو ودارو...

فضحني عيوني..وكشفن أسرارو...

العيون لو رادو..ما بعرفو يدارو..

**Nabil :: nabsho** · 07-05-2013, 09:03 PM

ثنائي العاصمة " أغنية نهر الريد"

يا نهر الريد الصافي..ما تبقى ضنين ومجافي...

رسل من موجك حبة..تغمرني بكل محبة...

يا نهر الريد الصافي...

يا نهر الريد يا عابر..وقف وأسقيني حنانك...

أنا في العشاق عطشانك..عطشان لدلالك...

مشتاق للنسمة الطيبة..مشتاق لبر أمانك...

يا نهر الريد يا حاني..أرحم واسيني شوية...

نسيني مرارة ماضي..قضيتو دموع وأسية...

خليني أحب الدنيا..وأرويها هوى وحنية...

أنا بين الهم واللوعة..ضيعت شبابي الغالي...

أنا شلت عذاب الكلمة..على قلبي الوافي ليالي...

يا نهر الريد بالله..خلي الأيام تصفالي...

**Nabil :: nabsho** · 07-05-2013, 09:04 PM

ثنائي العاصمة " أغنية نـسـايـم الـلـيـل"

نسايم الليل روحي كلميهو ليه...

وللبريد روحو سلمي يا نسايم الليل...

*****

المناظر على التلال..والعيون طابعا الدلال...

والحواجب تقول هلال..وأحسن أحسن نقول حلال...

*****

شوفا كيفن منعما..وبالعفاف كيف مـعـمـعـما...

الحرير زي وأنعما..والحسود عينو بالعمى...

احمرارا ً مزج بياض..وتشبه الزهرة في الرياض...

آه أنا الضاق بي الفياض..شيخنا أحجبني ليك بياض...

بالجمال وجهك انغسل..والعيون طابعا الكسل...

المزمزم ضرب مثل..طيبة معطونة بي عسل...

**Nabil :: nabsho** · 07-05-2013, 09:05 PM

ثنائي العاصمة "أغنية ناس ناسيانا"

ناس ناسيانا من حنانا..وريدم بجري في دمانا...

سحابم مر وما سقانا..وراح..يا ناس..خلانا..برانا...

ناس ناسيانا وناسيا الريدة..وناسيا الناس في هواها شهيدة...

تقيد في قلوبنا النار وتزيدا..وبرضو قلوبنا يا ناس بتريدا...

ناس خطواتا تقول تنهيدة..واحدة تشيل والتانية تعيدة...

قلوبنا وراها تغني نشيدا..في ناس خلقوها يا ناس للريدة...

سنين راجين نسعد بلقاهو..ومشتاقين لي نور محياهو...

هو ناسي الناس والناس طارياهو..الزول الزيو منو البنساهو...

**Nabil :: nabsho** · 07-05-2013, 09:06 PM

ثنائي العاصمة " أغنية ناس قراب منك"

ناس قراب منك..عرفو سر حزني...

أسألم عنك..قالوا ما سمعوك..تسألم عني ليه...

قالوا في تيهك..تحيا هاني سعيد...

زي كأني معاك..ما كأني بعيد...

ومرة ما سمعوك..تطرا عهد الريد...

ناس قراب منك..أسألم عنك...

قالوا شايفنك..كل يوم مسرور...

أسألم عنك..قالوا شايفنك...

تقضي أوقاتك..في هنا وحبور...

وأبكي حرماني..وإنت لاهي قرير...

يا حليل حبك..لما كان صافي...

وينو لي قلبك..لما كان وافي...

كنت حاني عطوف..ليه بقيت جافي...

**Nabil :: nabsho** · 07-05-2013, 09:07 PM

ثنائي العاصمة " أغنية ما سألتم يوم علينا"

ما سألتم يوم علينا..وما عرفتو الجاري بينا...

ما سألتم..حتى مرة..عن حنيننا..الاستمر...

ونحنا نسأل في الليالي..عن حبايب ضحوا لينا...

كم سألنا..وما لقينا..اليحن..ويعطف علينا...

فيكم التفكير شغلنا..وما حصل فكرتوا فينا...

أنحنا ما..خلينا مشهد..في الغرام..كان دير ومعبد...

إلا سألناهو عنكم..عن قلوب كانت حنينة...

ما بنذكر..بي هوانا..ما بنفاخر..بي وفانا...

أنحنا بنراجع معاكم..قصة الحب الحزينة...

**Nabil :: nabsho** · 07-05-2013, 09:09 PM

ثنائي العاصمة " أغنية سكة سفر"

لمتين يا أغلى من النظر...

أنا بس وراك أبرا القمر...

لمتين يكون دربي الودر...

ودربك معاي سكة سفر...

لمتين أهيم أنا في شقاي...

لي مين وراك أقول غناي...

وين لي شوفتك يا مناي...

ولمتين تجي وتبرد حشاي...

يا سيدي بعدك والله حار...

فيهو الشقى وفيهو الودار...

بقضي العمر في الانتظار...

بالليل سهر وهم بالنهار...

راجيك وصابر بالسنين...

كل يوم بزيد ريدة وحنين...

يا الله سيد العارفين...

عجل وجيبم سالمين...

متين يا أغلى من النظر...

أنا بس وراك أبرا القمر...

لمتين يكون دربي الودر...

ودربك معاي سكة سفر...

**Nabil :: nabsho** · 07-05-2013, 09:11 PM

ثنائي العاصمة " أغنية زي عيني"

زي عيني وغالي علي...

فيك عاجباني مشاعر حية...

زي عيني..وغالي علي...

آه..زي عيني...

إنت شعاع انساب في قلبي...

نور لي مسارب دربي...

أبعد عني الليل الدامس...

وأبهج لي الزهر العابس...

وخلى مشاعري تفيض حنية...

زي عيني...

نال الشوق من جسمي براني...

وبرضو بحبك وما هماني...

يا نوارة وقلبي ربيعك...

رغم عذابي وهمي أطيعك...

يا النورت الدنيا علي...

زي عيني...

أروي شبابك..من أشواقي...

وأظل عطشان..مع أني الساقي...

في عينيك لاقيت أيامي...

بهجة عمري ودنيا غرامي...

عشت ليالي عزيزة علي...

عزيزة علي..وزي عيني..وغالية علي...

زي عيني وغالي علي...

فيك عاجباني مشاعر حية...

آه..زي عيني...

**Nabil :: nabsho** · 07-05-2013, 09:13 PM

ثنائي العاصمة " أغنية ربــيــع الــعــمــر"

كم باقي لينا من العمر...

من ابتسامة ومن شباب...

وكم من ربيع بكرة بيمر...

ويمر علينا أسى وعذاب...

فازرعني كرمة..على رباك..

واعصرني في دنك شراب...

وألحق معاي نور القمر...

من قبل ما نلقاهو غاب...

لا ذكرياتنا ولا الهوى...

أعمارا كانت بالسنين...

لو في البعاد عمري انطوى...

مين قبلي رجع عمرو مين...

ميلادي كان..بي يوم لقاك...

وأيامي ريدك..يا الحنين...

والضاع بكيتو سنين ندم...

لاقيتو في الصدر الأمين...

حيي كل جميل..في رحابو أقيف...

وغني للأنسام..وأسري زي الطيف...

وأروي أيامك..كل معنى لطيف...

بكرة ما برجاك..غير رهاب الصيف...

**Nabil :: nabsho** · 07-05-2013, 09:14 PM

ثنائي العاصمة "أغنية دنيا الريد"

دنيا الريد غريبة...سر ما بنفهمو...

ناس أفراحا زايدة...وناس يتألموا...

نبكي الليلة منو...وبكرة الشوق يزيد...

وا طول الليالي...للزول البريد...

ناس من كلمة عابرة...كل الريد يهون...

وناس في الريد تضحي...بالروح والعيون...

كنا بنشكي ليك...وكان قلبك حنين...

وإنت ظلمت ريدنا...عاد نشكيك لمين...

دنيا الريد سعادة...ودنيا الريد عذاب...

ناس تجني المحنة...وناس تجني السراب...

فيك يا ريدة عشنا...وضقنا هناك ومرك...

وتاهت فيك قلوبنا...وما عرفناهو سرك...

تشقي وترضي فينا...وتسوي البسرك...

ثنائى العاصمة «كلمات الأغاني»

ثنائى العاصمة «كلمات الأغاني»

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق