عبدالمنعم الخالدي «كلمات الأغاني»

**ضى القمر** · 07-19-2011, 01:53 PM

حُب ما إعتيادي

يا الجمالك زينة بادي في رضاك غاية مُرادي
بتكفي منك إبتسامة ويا المعاك راحة فؤادي
حُبي ليك حُب ما إعتيـــــــادي
****************************
قلبي بلقي الفرحة جنبك لو تحن وتسيب عنادي
عارفوا بتقسيهوا قلبك ليه بتتعمد عنادي
****************************
زيد في دلك وزيد في تيهك وبرضوا ما بغيير في ريدي
بس كفاية عليي أشوفك ليه ونظره منك فيها زادي
****************************
كلوا إحساس جوه قلبي بغني ليك ويقول وحيدي
إنته ألحان عمري كلوا وإنته أنشودة وجودي

**ضى القمر** · 07-19-2011, 01:56 PM

عزيز وغالي

انتي عارف مكانك جوه قلبي عزيز وغالي

ديمه يا المالك فؤادي حبي ليك دايماً مثالي

لما اول مره شفتك رقه قلبي حنه ليك

زي كأنوا زمن بعرفك وما غريب لو يحتويك

يغمرك بفيض حنانو يلقي نفسو يميل عليك

لو تبادلوا حنان وإلفة وبرضو يلقي الإلفة فيك

يا زهر يانع في غصنوا والبيقطفوا يبقي جاهل

وما حتزبل أي زهرة لما اسقيك من حناني

تعرف إنو كتير بريدك حتى لو جار بي زماني

يا السكنتا قلب مريدك ويا الزرعتا الفرحة تاني

**ضى القمر** · 07-19-2011, 01:57 PM

غيابك يا اعز الناس

غيابك يا اعز الناس ما معروف يكون لمتين

قول الناس وهجرك لى بقيتو على اتنين

رغم القالوا فيك الناس لا بسمع ولاني بشوف

لأني اسيرة بين ايديك وكل الناس ليها ظروف

لو ما وقفتا فيها معاك اقيف مع مين وعيني تشوف

سعادتك وكل قاسية تهون ويبعد عن طريقنا الخوف

بكل احساسي فيك بدوب واغالب الشوق بصبر ايوب

ويلهب جرحي غاية شوق ظن توهتو ديمه لعوب

ما بين القاك وما القاك اخاف يوم بكره يبقي كذوب.

**ضى القمر** · 07-19-2011, 01:58 PM

بس انت آيه الغيرك

ما نسيت انا لسه بحمل ليك حنان

بس انت آيه الغيرك بالله يا زولى الزمان

كيفن لقيت من دوني للأيام حلى

وين عشرتي وكيفن رضيت تتجاهلا

وانا ليك بسعي عشان صلاتنا نواصلا

انا آيه جنيت عشان تجازيني الجفا

وفي قلبي ليك رغم الصدود كل الوفا

وفي عطفي ما قدست يوم يا العني شخصك اختفي

في كل بذكر واقول حبيبي على يطوف

اصلوا البحب ما برضي في حبو تتحكم ظروف

وين عطفك البتكنوا لى لو كنتا لسه على عطوف.

**ضى القمر** · 07-19-2011, 01:58 PM

ليه يا حبيب ما جيتا

ليه يا حبيب ما جيتا حجبوك ولا نسيتا

آمالى وآمالو وافكارى وافكارو

محبوبي هاجرني وخلف الوعد مالو

لو نعرف الاسباب عن الحبيب لو غاب

امكن يكون متألم وما بيشكي للأحباب

لو كان صحيح حجبوك ومن الوصال منعوك

اوعابوا ليك الحب بس اكيد خدعوك

يا شاغل افكاري ويا مورد اذكارى

انا في انتظار لى شوفتك لو تطفي لى نارى

متمني لى تعود وبرجي ديمه تجود

نبنيها جنة ريد ونحقق المقصود.

**ضى القمر** · 07-19-2011, 01:59 PM

أغنية ظلمتني يا ظالم والله

ليه يا ظالم ظلمتني يا ظالم والله عالم

انا الفى هواك هايم وما بصح تبقي ظالم

زي ما انت عالم سعادتي بقت معاك

لكن معاك ظلمتني يا ظالم

قالوا الحب إراده قلوبنا خلاص ابداها

سلمتك قليبي يا ملك السعاده

تبيع من كان معانا في صباحانا ومسانا

لو عارفين جفانا بتحلف ما برانا

لكن براكا ظلمتني والله عالم

سيب قول الاعادي يا ظبي البوادي

احفظ لى ودادي ونمرح في هناكا

**ضى القمر** · 07-19-2011, 02:01 PM

جيت مهاجر من بنادر

فوق جناح غيمة بشاير وفوق عباب دفقة مشاعر

في غمار صفحة خواطر بي فرح منساب وغامر

جيت مهاجر من بنادر تايه في ليل العدم

لى عوالم في عيونك فوق نزول شاشاي ونم

في عيونك شفتا نبع الطيبة جانى

وهدءة الليل في الصحاري

وروع النيل في العصاري

وغيمة تمرح فوق رحاب فاصل مداري

شايله طيف نسمة تباشير الخريف لبلاد جفت حقوله

وحركت في ليله كامن وايقظت اشجان طفوله

في عيونك فرحة مشتاقة وخجولة

في عيونك قصة متابعات فصولة

وكلمة تبحث عن مخارج نحن ما قادرين نقوله

**ضى القمر** · 07-19-2011, 02:04 PM

حُب الناس

إتعلـــــــــــــــــــمنا من ريـــدا بنــــــحب الدنيا ونريدا
ونرحل في عيـــون الناس نشــــــيل لي كل زول ريدا

لما لقيــــــــــــــــــــــنا عيــــــنها لقيــنا الدنيا وافراحا
ولـــي الامال فتحــــنا دروب لي احلامــــــنا كم ساحه
غـــــــــــــريبه الدنيا جمعـــــــتنا وبقولوا عليها رواحه

وجانــــــــــــا الريد يعلمـــنا نعــــــيش الدنيا بالإحساس
نســــــــــامح بي قليب طيب نشـــــيل الريد لكل الناس
عرفنا الريده في الطــــــيبه حلاوه الريدة في الاخلاص

أ ريــــــــــــد كل زول تايه يلاقـــــي الريدة فــي دربوا
عشـــــــــان الناس تحب الناس و زي عيــــــنينا يتحبوا
ما اصـــــــــــلوا البزوروا الريد حُب الناس بزور قلبوا

**ضى القمر** · 07-19-2011, 02:07 PM

خصل شعرك

خصل شعرك حروف شعري البيوصف حالي شوق وحنيـن
ولون شعرك سواد حظي أنا معاك في الريدة سبعة سنـــــيـن

عندي يقين أمل في بكرة بالتحسين...

نسافر في بحور عينيك نخاف الموج نصد راجعــيــــــــــــــن
نطوي شراع ملاه الريح نسيبو سفرنا تاني سنيـــــــــــــــــــن
نسافر كيف وليل عينيك محيط يهدر علي الشطيـــــــــــــــــن

بين أمرين بقينا وحالنا محتارين...

نخاطر و نركب المجهول نسافر في بحور العيـــــــــــــــــــن
نلف الليل معاه نهار... معاه نهار وبين ليليــــــــــــــــــــــــــن
أخير ارجع واسود قوام أطوف بالهند ونهر السيــــــــــــــــن

خصل شعرك حروف شعري البيوصف حالي شوق وحنيــن
ولون شعرك سواد حظي أنا معاك في الريدة سبعة سنيــــــــن

**ضى القمر** · 07-19-2011, 02:08 PM

ماهويــتك
ماهويتك وانت عارف نار غرامك بين ضلوعي
كنت قايلك عارفو ريدي وبكرة تمسح لي دموعي
**************
ماجنيت غير المزلة وغير عزاب ضيع سنيني
وكل يوم ضايع وحاتك وكل يوم بزداد انيني
وبرضو بهواك وانجرحت والسعادة انا مابتجيني
وشوف سنين الغربة طلت كنت دايرك لي معيني
*************
انت هدمت البنيتو ومافضلي غير حنيني
العزاب انا ديمة سيدو بالدموع مليانة عيني
وكنت قايل الحب سعادة تدوم معاك وارفع جبيني
انا مالقيت في الحب مرادي واصلي تائه وكلو مني

**ضى القمر** · 07-19-2011, 02:10 PM

يا دروب الشوق
لمتين تودينا
ما خلاص تهنا
وضاعت أمانينا

كم مرة أوعدنا
واخلف مواعيدهُ
وكم مرة حاولنا
ننسى ونسيب ريدهُ
لكن بدون نشعر
تلقانا بنريدهُ
مكتوب علينا هواهُ
مصيرنا في ايدهُ

جنيت علي يا قلبي
ورميتني في حبه
وانت عارفه زول قاسي
ما بحن ليك قلبه
دا ناس كتير حبوه
وما اتهنوا بقربه
والله أحسن ليك
تنسى وتسيب دربه

**ضى القمر** · 07-19-2011, 02:11 PM

اصلو الريد قسم

لا زمنى ابتسم
ولا فارقت هم
اصلو الريد قسم
مقسوم لي الم
يابدر الليالى
حبى ليك مثالى
ارحم وحن لحالى
مادام البينا غالى
لا اغرونى غيرك
ولا خليت مصيرك
للسا مازال قليبى
للسا مازال اسيرك
ساعى دوام لقربك
ودايما عنى باعد
ومرة تحن عليا
وكتير مرات تعاند
لا زمنى ابتسم
ولا فارقت هم
اصلو الريد قسم
مقسوم لي الم

**ضى القمر** · 07-19-2011, 02:12 PM

الاميرة

كل ما اقول ليك حنى بميعاد يوم يا الاميره
وبس تقولى لليا اصبر باكر الايام كتيره

زى كانك ماعرفتى ريدى ليك يا الحلوه انتى
ماحكيتو ليكى قلتو فى عيونى براكى شوفتى

والا يظهر يا الاميره زى عيونى عيون كتيره
ابقى راجى يوم تحنى ويوم تكونى قريبة منى

لو بتعرفى ريدى ليكى اصلو ما بتغيبى منى
سيرتى ليك كان تبقى سيره بتعرفى الايام كتيره

يا حليل قلبى اللى رادك وديمه بحلم بميعادك
ربى ما يوريك شقاوه وتلقى انتى الفى مرادك

ولو بتبقى علي حيره ابتسامتك لي كتيره

عبدالمنعم الخالدي «كلمات الأغاني»

عبدالمنعم الخالدي «كلمات الأغاني»

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق