تويت
قسم الله ودعوض2
ياماشي للرسول رد السلام وقول
جيناك ياالمصباح ياوالد البتول
...
بسم الله يامداح راوينا هااليقول
يبسط كلامه فوق المابيراه ذول
خالق الانام ياناس عرفوه بالعقول
حيا قديما لابيموت ولابيزول
في حقه العشرون والواجبه للرسول
لوذوبو ياغناة تلقوبه كل سول
يوم العباد واقفين واليوم يحر ويطول
يوم يبرز الطايعين بالغره والحجول
كيف الخلاص لولاه يسجد صديق القول
لي ربه شاحدا يشيل لنا الحمول
...
ثاني الكلام ياناس ثنيت بالرسول
نبيا جميل في الذات ومجمل الخصول
مربوعه قامته مابين القصر والطول
مفلج الاسنان من الكريم مكحول
نبيا يواصل الجار وان مر بالسهول
يبراه السحاب بي دعاه صب جاب سيول
نبيا شريعته الواقفه وحكمه بالاصول
نبيا بيشاور اصحابه الساده العدول
نبيايصلي اوقاته ويطلب القبول
نبيا حسينه اخلاقه وحاشا موزعول
...
ميلاده في ربيع وقيل بالاثنين
حاضراه الملايكه وحضرنو الحور العين
حضرنو اسيا ومريم مؤكدا بالعين
قالن جلوسافي يوم الوضوع حاضرين
شفنا لنا شيئا ماشفناه قبل الحين
لانشعر الابالنور البقه بالليدين
الضوي لي كنعان وضوي اليمن والصين
شفنا الغلام الساجد ويدعي للدارين
قال يااله الناس تجعلنا مستورين
شفنا الملايكه تزور وتقبل اليدين
...
قالت حليمه وزوجها كنا فقرانين
غير الشياه العاجفه وحمارا ليا سنين
اعرج لابيشيل لاركب الحسنين
جبنا الحمار شدينا وقمنا فرحانين
طابت كراعه وشال حمله ومشي ذين
ووصلنا بيتا فيه ارباحنا في الدارين
رديت سلامي ابتسم ناير الخدين
ضميته لي صدري ورضعته باليمين
ياطوبي ولي المادحنو والسامعين
...
صاحب المعاجذ الابتنعد ولابتنقاس
لابالقلم واللوح ولابيحصره الكراس
الا البقول يتبرك بالمديح لابأس
موسي بيقول في اللوح شايف لي ناس
من اوصافا اجعلني ليهم راس
قال امه اللي غيره الحجب مابتنداس
ذوالقبه الخضرا وذوالحله ليه لباس
طلب الكليم الليم قال ببني فوقه الساس
هذا الزي لولاه في الاخره مافي خلاص
ياطوبي للصلو بالحمدو والاخلاص
...
اصحابه كل من يجيك من الفراس
شايلين من الاسياف اليخفن الامواس
ودعمه طالب وناس الحمذه والعباس
خلفا الصديق عمر عثمان دراس
باب العلوم الرابع ابوالحسين جلاس
قادو الصحابه شيع ذكرهم لي فاس
تبعو الرسول بي قلوبا خاتيات وسواس
قاسو الشدايد وجابو الجنه للوراث
اجعلنا يامولاي ليهم من الجلاس
بي حق من وليته علي الخضر والياس
....
قسم الله قالك ياذا نظره الجليل
جيت بي جنا العباس الهاشمي الاصيل
قدامنا المجذوب ميذانا لايميل
والشيخ الطاهر من رضاكم ينيل
والشيخ معاه خليفته الوكيل
عبدالله شيخنا ياصاحب الخليل
قول لي غوثا وعمره طويل
يوم القيامه في تاجنا الظليل
يردو معاك الحوض العينه سلسبيل
للجنه يفوزو قبل الميزان يكيل
....
ياذو البريق اللاح من جيهة المقام
ياذو العروج بالليل وولوك صليت امام
جيت بي جريف بله حلتنا والقدام
فوق الحنيوه وحوش عجيب بلاكلام
والخلوه وحيرانا والشيخ ينيل مقام
فوق الرفيداب والحصايه ليها اكرام
حوتابنا والقرباب والجريف قول لي تام
جيناكم معتوقين من اشهر الصيام
...
قاسم برب البيت والمشعر الحرام
ماخاب من بيك يلوذ يامن يامنسل الكرام
...
صلي عليك الله وصلي عليك جبريل
وصلو الملايكه والتسليم موقليل
ياايها الناس صلو إلا هاالبخيل
عدد القلم مايجر في حروفه والتشكيل
عدد جروف القرأن وتوراة والانجيل
كتب الاحاديث الجايز والمستحيل.
...
صلي وسلم وبارك
اهداء لكل اعضاء المنتدي الكرام وللأهل بالعكد العزيزة
جيناك ياالمصباح ياوالد البتول
...
بسم الله يامداح راوينا هااليقول
يبسط كلامه فوق المابيراه ذول
خالق الانام ياناس عرفوه بالعقول
حيا قديما لابيموت ولابيزول
في حقه العشرون والواجبه للرسول
لوذوبو ياغناة تلقوبه كل سول
يوم العباد واقفين واليوم يحر ويطول
يوم يبرز الطايعين بالغره والحجول
كيف الخلاص لولاه يسجد صديق القول
لي ربه شاحدا يشيل لنا الحمول
...
ثاني الكلام ياناس ثنيت بالرسول
نبيا جميل في الذات ومجمل الخصول
مربوعه قامته مابين القصر والطول
مفلج الاسنان من الكريم مكحول
نبيا يواصل الجار وان مر بالسهول
يبراه السحاب بي دعاه صب جاب سيول
نبيا شريعته الواقفه وحكمه بالاصول
نبيا بيشاور اصحابه الساده العدول
نبيايصلي اوقاته ويطلب القبول
نبيا حسينه اخلاقه وحاشا موزعول
...
ميلاده في ربيع وقيل بالاثنين
حاضراه الملايكه وحضرنو الحور العين
حضرنو اسيا ومريم مؤكدا بالعين
قالن جلوسافي يوم الوضوع حاضرين
شفنا لنا شيئا ماشفناه قبل الحين
لانشعر الابالنور البقه بالليدين
الضوي لي كنعان وضوي اليمن والصين
شفنا الغلام الساجد ويدعي للدارين
قال يااله الناس تجعلنا مستورين
شفنا الملايكه تزور وتقبل اليدين
...
قالت حليمه وزوجها كنا فقرانين
غير الشياه العاجفه وحمارا ليا سنين
اعرج لابيشيل لاركب الحسنين
جبنا الحمار شدينا وقمنا فرحانين
طابت كراعه وشال حمله ومشي ذين
ووصلنا بيتا فيه ارباحنا في الدارين
رديت سلامي ابتسم ناير الخدين
ضميته لي صدري ورضعته باليمين
ياطوبي ولي المادحنو والسامعين
...
صاحب المعاجذ الابتنعد ولابتنقاس
لابالقلم واللوح ولابيحصره الكراس
الا البقول يتبرك بالمديح لابأس
موسي بيقول في اللوح شايف لي ناس
من اوصافا اجعلني ليهم راس
قال امه اللي غيره الحجب مابتنداس
ذوالقبه الخضرا وذوالحله ليه لباس
طلب الكليم الليم قال ببني فوقه الساس
هذا الزي لولاه في الاخره مافي خلاص
ياطوبي للصلو بالحمدو والاخلاص
...
اصحابه كل من يجيك من الفراس
شايلين من الاسياف اليخفن الامواس
ودعمه طالب وناس الحمذه والعباس
خلفا الصديق عمر عثمان دراس
باب العلوم الرابع ابوالحسين جلاس
قادو الصحابه شيع ذكرهم لي فاس
تبعو الرسول بي قلوبا خاتيات وسواس
قاسو الشدايد وجابو الجنه للوراث
اجعلنا يامولاي ليهم من الجلاس
بي حق من وليته علي الخضر والياس
....
قسم الله قالك ياذا نظره الجليل
جيت بي جنا العباس الهاشمي الاصيل
قدامنا المجذوب ميذانا لايميل
والشيخ الطاهر من رضاكم ينيل
والشيخ معاه خليفته الوكيل
عبدالله شيخنا ياصاحب الخليل
قول لي غوثا وعمره طويل
يوم القيامه في تاجنا الظليل
يردو معاك الحوض العينه سلسبيل
للجنه يفوزو قبل الميزان يكيل
....
ياذو البريق اللاح من جيهة المقام
ياذو العروج بالليل وولوك صليت امام
جيت بي جريف بله حلتنا والقدام
فوق الحنيوه وحوش عجيب بلاكلام
والخلوه وحيرانا والشيخ ينيل مقام
فوق الرفيداب والحصايه ليها اكرام
حوتابنا والقرباب والجريف قول لي تام
جيناكم معتوقين من اشهر الصيام
...
قاسم برب البيت والمشعر الحرام
ماخاب من بيك يلوذ يامن يامنسل الكرام
...
صلي عليك الله وصلي عليك جبريل
وصلو الملايكه والتسليم موقليل
ياايها الناس صلو إلا هاالبخيل
عدد القلم مايجر في حروفه والتشكيل
عدد جروف القرأن وتوراة والانجيل
كتب الاحاديث الجايز والمستحيل.
...
صلي وسلم وبارك
اهداء لكل اعضاء المنتدي الكرام وللأهل بالعكد العزيزة
ودحاج سعيد العكادي