تويت
ما كنت بعشق فيك جمال
لا شاعرة بي ريدي و هواي
لاهامة بي حزني وبكاي
لا بعجبك ترديد غناي
وانا ليك ادمنت الشجن
وفرحت بيك رغم الزمن
رغم العواصف والمحن
لكني في نظرك ضياع
بهتان وزور وخبال وظن
* * *
معاك لازمني العذاب
أفرش طريقك بالورود
وطريقي في الشوك
والهضاب
واضح معاك وصريح عديل
تقريني زي صفحة كتاب
ودواخلك القاسيات علي
دايما مرصعة بالضباب
وقليبي ليك مليان حنان
لكن قليبك لي خراب
خاتاني في الشوك والوحل
وانا ببني ليك على السحاب
من غير سبب دايما زعل
وسؤالي ملقي على التراب
راجيك اجني الريد ثمار
لكني جاري وراء السراب
* * *
ما كنت بعشق فيك جمال
انا كان بتعجبني الخصال
ما كنتي زي زهرة صباح
طيبة ومضمخة بالجلال
دايما بتهدي الناس ورود
عطرا يضوع وشراب زلال
لكني عندك جد بضيع
وسؤالي ما بلقى احتمال
لكني ما برضى الهوان
وأرجع اعود ابدا السؤال
وان كان طفح ريدي العظيم
بشويش بهدهدو بالمقال
وبحملو كل الصبر
ما اظن بيضعف في النزال
وانا تاني ما راجيك جد
وارجع اعود وابدا السؤال
ما خلاص قليبي معاك قنع
ودموعي تاني وراك محال .
لا شاعرة بي ريدي و هواي
لاهامة بي حزني وبكاي
لا بعجبك ترديد غناي
وانا ليك ادمنت الشجن
وفرحت بيك رغم الزمن
رغم العواصف والمحن
لكني في نظرك ضياع
بهتان وزور وخبال وظن
* * *
معاك لازمني العذاب
أفرش طريقك بالورود
وطريقي في الشوك
والهضاب
واضح معاك وصريح عديل
تقريني زي صفحة كتاب
ودواخلك القاسيات علي
دايما مرصعة بالضباب
وقليبي ليك مليان حنان
لكن قليبك لي خراب
خاتاني في الشوك والوحل
وانا ببني ليك على السحاب
من غير سبب دايما زعل
وسؤالي ملقي على التراب
راجيك اجني الريد ثمار
لكني جاري وراء السراب
* * *
ما كنت بعشق فيك جمال
انا كان بتعجبني الخصال
ما كنتي زي زهرة صباح
طيبة ومضمخة بالجلال
دايما بتهدي الناس ورود
عطرا يضوع وشراب زلال
لكني عندك جد بضيع
وسؤالي ما بلقى احتمال
لكني ما برضى الهوان
وأرجع اعود ابدا السؤال
وان كان طفح ريدي العظيم
بشويش بهدهدو بالمقال
وبحملو كل الصبر
ما اظن بيضعف في النزال
وانا تاني ما راجيك جد
وارجع اعود وابدا السؤال
ما خلاص قليبي معاك قنع
ودموعي تاني وراك محال .