تويت
مراسي العز
لا قــدر شــوقــك يـسيـبنـي
ولا فــتر مــشوار حــنيـنك
لا حــضن قـيفـك مـراكـبي
لا رسـيت فـي مـرفأ دونك
الــقلــيب الــصافــا ريــدك
أصـلو مـا مـمكـن يـخونـك
لــما تــفرحــي بـيك يـفرح
وديـمة حـزنـان لـشجـونـك
يــانــي مــا بــين هـم وآهـه
مـشتـاق دوام انـا لـعيـونـك
لا الــسفــر نــسانـي ريـدك
لا الــعمــر بــاعــد سـنيـنك
أصــلي مــا قـادر أفـارقـك
لأنــي مــا عـارف بـدونـك
مـاشـي مـنك وبـكره جـاي
لــيك يـا الـوضـاح جـبيـنك
تــــمســــح الـــهم والـــكآبة
بـسمة مـن أرداف سـنونـك
يــملا رب الـكون رحـابـك
ومن عيون الناس يصونك
يــا مــراسي الـعز وحـاتـك
أصــلى مــكتـول بـعيـونـك
الشايله من أسمك ملامحك
فـي هـداوتـك وفي سكونك