الهادي حامد "ود الجبل" «كلمات الأغاني»

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الهادي حامد "ود الجبل" «كلمات الأغاني»

    الوعد المستحيل


    أنا كنت قبلِك.. لا غريب !!
    ولا كنت عارف لي دار
    لا عرفت معنى دهشتين
    ولا ضقت طعم الإنتظار
    صدقت وعد المستحيل
    بنيت على الأوهام مزار.
    *************

    قلت أغني !!!
    صوتي ضاع وسط الزحام
    كانت الأحزان معاي
    في سكتي وجوّه الكلام
    لا الهوان قادر عليه
    ولا الفرح في حضني نام
    *************

    في زمني الحزين
    تاره للترحال بداية
    الخطى التواهه لاقت
    والأماني علينا جايه
    لا الزمان حسيت مداه
    لا حروفي لقت نهاية


  • #2
    بفرح بيها
    بفرح بيها
    البنيه الهاجده في احضان خواطري ..البشتهيها
    بفرح بيها .. بفرح بيها
    البنيه اللامست ايد السعاده..وضجت الاشواق عليها
    الحبيبه .. الايقظت
    نبض الحروف .. في قلوب صدر الكلام
    القريبه .. الزيي لي
    في عيونها برتاح الهيام
    دي الشوقها نص الليل بصحي
    غامض الغمضه وجليها
    وبفرح بيها
    ليها بتحن القوافي ... فيها تندس المرافي
    الجمال الشايفو فيها
    في رحاب دنيتنا مافي
    جايه من فووووووووووووق البنيه
    ولامست إيد السعاده .. وضجت الأشواق عليها
    بفرح بيها .. بفرح بيها

    تعليق


    • #3
      المدينه
      الهادى حامد ودالجبل

      طـلـعـــت مــــن جــــوه احــــزانـى الـــعديـــده
      نجـمـة تحى بتــضــوى فى دجى الليلات وحيده
      فكـرة فـنــانه وجــديـدة نـظــــره لـماحه وفريده
      فـتـشـتـــا عـنـهــا فـى الــقــــري النـائية البعيده
      وســألــتــا فـى بـــلاد ومـــدن عديده
      ابحرتا فى كل الموانئ اكـوس عليها
      أهـــــاتــــى بــيـــهـــا وانـــاجى فيها
      مـشــتــاق علىّ المهـا احتويها اشمها
      بالـحــنـــــان الــعـــنـدي كلو أضمها
      وصـــدفــه فى ابعد وفى اجمل مدينه
      وإلــتــقـينا والدهشه هى اللى اتكلمت
      وقـبــل الأيــادى العيون هى السلمت
      مـــن شـــــدة الأفــــــــراح بـكـيــــنا
      الـــمـــديـــنــه نـيـله صفاق ليله فتان
      والــفــــرح فــــــاض بــيــهــــا دفاق
      والــخـــــيــــال والــــوادى فــتــــــان
      طارت الأحـلام عـصـافـيــر غناء للعش الغدير
      جنـت أوتــار الطنـابـيـر هـزت النشوة المزامير
      وانا بين مصدق وما مصدق إنى بلقاها إلا ياها
      هـى ذاتـه حـبيبتى ذاته اللحظة نازل فى حماها
      وفى ضـراهـا واتـقـاسـم واتقاسم الاحلام معاها .

      تعليق


      • #4
        آخرى معاك
        ك / عزمى احمد خليل غ / الهادى حامد ودالجبل

        مـا اتـعــودتــا اخــاف مــن قـبـلـك إلا معاك حسيت بالخوف
        أعـمــل آيـه ما القسمه اختارت وكل الناس حاكماها ظروف
        عــارف ويــن خطواتك ماشه وآخري معاك هو المامعروف

        يـامــا كـتـيــر فـكــرتـه اصــارحــك واستـنـيـتك تبدأ السيره
        لا أتكـلــمــتــه ولا لـمــحــتــه ولا بـيـنـتــه الـريـــده مصيره
        والحـنــيــه الكـنــت بـديــتــهــا هـســع بـقــت بتشوفه كتيره
        وزي خليتنى اشك فى ريدتى وخفته تكون مشغول بى غيره
        أنـا مـن قـبـلـك مـا اتـحـيرتا جيت وريتنى دروب فى للحيره

        والله عـشــانـك يـامــا صـبـرتـه لـمـا الصبر فتر من صبري
        ولـمـا نـسـيــت الـدنــيـــا وحاتك من أعمارنا سنينها بتجرى
        لا اتـلـومـتــه مـعـاك لا لـمـتـك وقلته براك بتحـس بى قدرى
        وقـلــتــا عـلـيـك بـكـره بتتغير وألقى فى ريدك فرحـة عمرى
        إلا لــقـــيــــتـــك لـســع تـايــه فـى دنـيـــاك ومـتـــوه أمـرى

        كـم حــاولــتـــا أعــانــد ذيـــك واقـســى عـلـيـك بكـلمة شويه
        إلا وحــاتــك غـصـــبـــاً عـنــي قـبـــل عـنــادى تجـى الحنيه
        ودربـــاً سـرتــو مـعــاك بـى قـلــبى منو بلاك ما بتبقي الجيه
        مــا فــارقـتــه فـى يــوم ذكــراك وأنـا ذكــراي عـندك منسيه
        أنــا مـجــبـــور أسـتـنــى رضــاك وانت أريتك ترضى علىّ

        تعليق


        • #5
          فاتت


          فاتت وفى السحاب مسراها
          لملمت السحاب فى عينى
          شان القاها
          فاتت فاض فى عينى حنين
          وغازل للبرق بضياها
          ستفت الفرح لى لقاها
          وما لاقت خطاى خطاها
          ومن حزنى العلى غنيت
          ضحك فى صحوى حزن رؤاها
          فاتت يا شوق الولف فى غنايا
          ويا حزن الرحيل فى غناها
          ولو يسعد خطى الترحال
          بيوسع فى مداى اساها
          مهما يتوهه الترحال
          يهوم بالغياب جواها
          فاتت حاترجع هى زى أول
          وتفتح بالفرح دنياها
          وتقدح قلبى بالآمال
          وعارف نبضى جوه دماها
          طويل خطو الأمل ممدود
          أكيد فى يوم القاها .. فاتت

          تعليق


          • #6
            زهرة
            يا زهرة معبأة بالعيد وماخصه كل البستان
            يا مدهشة للنسمة الهابة حامياها عن الهببان
            حتى اليد الممتدة بالقطف الفوري معطله فيها القطفان
            يا زهره اهواك اشعلتي غناي في الزمن القش
            صحيتي الظلمة غسلتيها نفضتي غبار الوعد الغش
            اهواك اهديتي الزغب الريش والغنوه الكانت بيشيش
            شوفيها إستخبت شقيش وإنتظمت كل الألحان

            تعليق


            • #7
              الليلة مابى لى
              الليل مابى لي
              عجبونى تيرانى
              ياقاصدين لميا طرقو لسانى
              ماشوفنا الاسد بيلاعب الجاموس
              وما شوفنا المرق بيدخلو عرق السوس
              عجبونى تيرانى
              ياقاصدين لميا طرقو لسانى
              الليلة العيال اتكاملو البارود ويوت
              من كان على صف الحرابة يزود
              عجبونى تيرانى
              يا قاصدين لميا طرقو لسانى
              مك ود مكوك من اربعين طاقية
              و ابواتك قبيل جابوها بالزندية
              عجبونى تيرانى
              ياقاصدين لميا طرقو لسانى
              ارباب الملوك البي لقاك فرحنا
              كم جزيت صبحتهم فوق محنة
              عجبونى تيرانى
              يا قاصدين لميا طرقو لسانى
              حلال المضيق وقت الخيول يتشبكن
              رباى للضعيف قشاش دموع الببكن
              عجبونى تيراى
              يا قاصدين لميا طرقو لسانى
              نركب صافنات نجيبا ضرعانية
              اصلو الزول بيموت والذكرى تصبح حيا
              عجبونى تيرانى
              يا قاصدين لميا طرقو لسانى
              حلال المضيق وقت الخيول يتشبكن
              رباى للضعيف قشاش دموع الببكن

              تعليق


              • #8
                الأرباب أخوى
                ياالارباب اخوى سواك ما ارباب
                يا يالحرح الاصيل حاشاى ماكضاب
                ياالنيل الطمح غيرك بشوفو سراب..
                ياالكف الندى ايدك تملى عطية
                ياالمزن الهطل خلى الديار مسقية
                ياالشايل الحمل بيك الديار محمية
                ياود القرير فارسآ بساوى المية...
                .من ذمن بعيد الحكمة فيك ياالراسى
                للزول الضعيف تلقاك ديمة تواسى
                قدحك للضيوف كالبرمكى العباسى
                يااسد القرير فضلك دوام ماناسى

                تعليق


                • #9
                  وصونى عليك
                  وصونى ليك والبنفسج في ربيعه
                  لا اخون في يوم موال ولا زهر ريدك ابيعه
                  .لا ابيعه. الزهور الشايله منك روعه
                  اللون والاثاره والجروح المن عينيك
                  زاد خضاره وازدهاره
                  والقماري الراحعه تسرح لى دياره
                  ولي صغاره .وصونى ليك. وصونى ليك
                  وقالو لي ابقا عشره علي الاميره
                  خلي بالك لعيونا وابتساماتا المثيره
                  و كم سرح خاطر صباحك وعدا في ليل
                  الضفيره وابقا اكتب للوسأمه
                  ولى حلاوه الابتسامه وادعو ياالله السلامه
                  تبقا ما الرحله الاخيره وصونى ليك وصونى ليك

                  تعليق


                  • #10
                    سرحتي

                    سرحتي سرحتي
                    بين أعماقي قعدتي هجدتي
                    حس الحس الدافق نبعو
                    معاهو وتبعو
                    أصالة بلدي خايله معاك
                    وتوب العز لافحاهو عبايه
                    أخد معناهو من معناك
                    لا بكفيني ولا بكفيك
                    اقول يا غاليه جد بهواك
                    شفتك بين رهاب مجروح
                    حقيقتو بتشرحها الكلمات
                    شفتك في الحقيقه غنا
                    طريقتو بتفضحها الآهات
                    جيتي وجاتني حروفي
                    صحت لقيتا في حلق السفر سنوات
                    عشتك فرحة تدمي الجرحى
                    عايشه معاي زي ضلي
                    بعد ما تهت ساقني الليل
                    عرفت معاك بيت أهلي
                    ونبع الحب دفر غادي
                    غمر إحساسي بل كلي
                    شفت الدنيا كون في غنيه
                    فيهو سرحتا وإنتي مرحتي
                    بين أعماقي قعدتي هجدتي
                    ماااااا رحتي

                    تعليق


                    • #11
                      قول أنساك
                      اقول انساك وعارف أني ما بقدر
                      ومهما قساك علي يطول يزيد شوقي في هواك اكتر
                      اسافر في العيون وأسأل
                      وافتش جوة في اعماق والقاك عاطف تتفجر
                      يجني الماضي بالماضي واشوفك وانت كيف بادي
                      بالشوق الاصلو ما بعادي
                      اعود من تاني اتذكر يجني الماضي بالماضي
                      حبك عشتو من أول من زمن بعيد طول
                      ما بقدر اسيب حبك اغيب عنك بعيد ارحل

                      تعليق


                      • #12
                        اغنية بتفوت
                        بفوت ولا حتي تودع ساي
                        يا امل موعود يا طريق مسدود
                        ما راعي خطاي
                        كلمات لسي صداها جميل
                        دمعات لسي علي المنديل
                        يا القلت هوانا دا عمرو طويل
                        مالك فجاءة كدا بقيت نسائ
                        لو كان الناس قالو ليك عني
                        عارفني براك اكتر مني
                        بتشوفني بدون ما تشوف عينيك
                        بتسمعني دون ما

                        تعليق

                        يعمل...
                        X