تويت
وفاء قاسم « من ذكرى الوجود »
من ذكرى الوجود
************
أمحيك من ذكرى الوجود
ألقاك بي حبك تجود
دة كتير علي
إتلاشى فارس ومعاه نجود
ألقاه حبك لي صمود
دة كتير علي
راحت سنين ومضت عهود
ألقى الوفا جواك خلود
دة كتير علي
كُتر المرار خلاك جلود
ألقاك حنين وكمان ودود
دة كتير علي
الفتنة زي حطب الوقود
ألقاه ريدك دون حدود
دة كتير علي
قلبك كبير وما حقود
في دربي إنت عايز تموت
دة كتير علي
كل السنين ما ليك وجود
ولسة جواك لي وِجود
دة كتير علي
أنا كنت ليك عدو ولدود
معقولة تاني نرجع نعود
دة كتير علي
