حجة آمنة «لما يبقى الشوق جريمة»

لما يبقى الشوق جريمة
****************

لما يبقى الشوق جريمة ...
انا بعترف
اسجنونى ...
فى العيون ...
شاحده ربى تكون رحيمه
لمن وشاح الحيرة يحضن عتمة احزان الليالى
يفرد جدايل الليل سهاد سهرانه ديمه
لما يبقى الريد جريمة ...
انا بعترف
عذبونى ...
خلو طيفو يكون مشاهد ...
والقلب خلوه حارس
قلبو مارس اقسى انواع العذاب
و التجاهل ليهو شيمة
لما يبقى الشوق جريمة ...
انا بعترف
اسجنو الورد البيوعد ...
عذبو الشمع البساهر دمعو شاهد ...
والحواس ...
كل المشاعر
قيدو القلب الجموح الما فتر ..
فقد العزيمة ...
لما يبقى الريد جريمة ...
انا بعترف
وبعترف...