إقبال سليمان عكود «ما تبكي»

ما تبكى
*****


ما تبكى و ليه تبكى ؟؟
صدقنى .. ليك تانى الرجوع
مابجيبو ذرفان الدموع ..
ما تبكى يكفينى الألم
خبيتو مابين الضلوع ,,
وقليبى لفاهو الاسى
يكفبهو هم يكفيهو لوع ,,
أشقيتو بى كل مالقيت
و عذابو كان من كل نوع ..
ما لآقى عندك يوم فرح ..
غير بس أسى و خسران و لوع
أشفيتو من حبك أتا
كيف تانى يرجع للخضوع ؟؟
وكيف تانى يرجع ينجرح
حافظنو منك بالدروع
وكيف تانى ليلك لى يعود
من بعد ما أختار النجوع ...؟
و الفجر بان لي مبتسم
مشرق منير بادي السطوع
ونسيت معاهو سنين جفاك
ونسيت كمان كلمة رجوع
ما تبكى !!