عفراء حسن «كلمة عشق»

كلمة عشق
*******

خليتنى فى ضل المسا
اهاتى فى ذكراك بشوق
اكتب حروف اسمك دوام
الفاهو فى كاسة الصباح
لمن خلاص بقا فى العروق


نسمات عبير هبت هنا
شايلا السلام منك الى
خلتنى فى حالة رهاب
لافى الارض لا فى السما
امشى وادندن فى الفرغ
ياربى قلت اشواقو لى ..
ياربى حاسى بالعلى ..؟

وارجع واقول
مشتاقة لى شوفه قليب
رويان دفا
مليان حنان وعطف ووفا
الاقينى فى لحظة عتاب
وكت القليب اسكنو الجفا
اشيل الهموم بى همسة بس
انسج فرح بى لمسة بس
الون قناديل الحزن بى ضمة فى عين الحسود
خمسة وخميسة معشرة


كلمة عشق
ياغالى من روحى اليك
مابتكفى لى الجوا القليب
من غيرة من شوق من عتاب
خلتنى دايما يالحبيب
اناجى طيفك
صبح ومسا