تويت
عائشة عابدين« ما يهمك »
ما يهمك
******
ما يهمك لو بقيت من غير مكان
المهم قلبك نضيف
مالى عزه
ومالى نور
مالى حنيه وحنان
ما تلتفت لى اى كلمه تجرحك
ماالدنيا لسه فيها خير
والدنيا لسه ببهجتا
وما لسه دورك ما انتهى
وراجينك نحنا من زمان
راجينك فى ضل الضحى
اوعاك تبالى بالحصل
سيب الحصل
وخليك سعيد صافى المقل
خاتى الفرح عنوان كبير
شاقى الطريق
لى فرحه يمكن تكتمل
وانا والمعاى بنهديك عشم
عشم الحب البيصل
عشم الوفا والامل
عشم البريدك والاهل
عشما يواصل فى الدرب
تلاقيهو انت فى سكتك
يمسك يديك
ويديك كلمه بالدم تنكتب
لازم تصل لازم تصل
