تويت
عائشة عابدين« بت القلب الاخضر »
بت القلب الاخضر
*************
انا بت القلب الاخضر
بتًا صابره وعيون ما بتفتر
بتاً شامخه عزيزه قويه
وبتاً فيها بحور حنيه
انا بت القلب الاخضر
مزروعه جذورو فى كل النيل
وفراستو تفوت فراسة الخيل
وكرمو وفير زى السيل
وسحرو يقوى ويشد الحيل
انا بت القلب الاخضر
جايه حبيبه لكل الناس
وخاتى امانى ما تنداس
ودافنه همومى بى حراس
وباقيه تكيه وباقيه امل
لى كل محتاس
انا بت القلب الاخضر
لا شوك يطرانى
جوه فى قلبى
ولامره اقول
فى حد جارحنى
وصبرى معاى ما يفارقنى
وحلمى اكون مفتاح الخير
وشجرة الضل لى كل مستنى
