عائشة عابدين« اشتقت ليك »

اشتقت ليك
*********


وانا بين عيونك
وامتدادات شجونك
وانتظارى على ضفافك
وانكسارى عشان ودادك
ما حلمت الا بيك
وما حفظت غير وشيك
والامل كلو املى فيك

ابقى واصل
وخضر البينى بينك
وفى عيونى شوف دليلك
وشوف كيفن بريدك

ما انا الجايه ليك
وشاربه الهوى من كفتيك
وما انا كلى ليك
واحساسى نابع من مصبك
ومافى غيرك
ومافى زيك
عشان يعزو او يدى حبك
بس لانو باصم انو
يعيش فى ظلالك
ويبقى منك
ويبقى اصلك
وكلو ودو انو الاهم
يشوف رضاك
ويشوف دلالك
ويبقى سارح
ويبقى هايم فى مدارك