عائشة عابدين« اهات للوطن »

آه عليك انا يا وطن
يتفتت ترابك
وشاخت ملامحك من المحن
غرقت سهولك
وانتهى شموخ نخيلك
وانكتب على
كل باب وجع الزمن

وآه عليك انا ياوطن

وكم آهه طلعت من
زفير محموم يعانى
جرعات الم ميقنه
بى صبر حلمو
الوصول لى رعشة
نسيم هابه عليهو
من الوطن

وآه عليك انا ياوطن
من زمن قاسى عليك
شوه ملامحك البقت
زى صوره باهته
والوانا غاتمه
وفيها بس انسان
يعانى وبى الهم ادفن

وآه عليك انا ياوطن
ويا ريتا آهتى
فيها بس حبة عشم
وفيها بس لمحة جمال
تديك وهج فيه الشموخ
وتحميك من كل الجروح
والآهه تبقالك طريق
لى ناس يعرفوا يقيموك
وناس يعرفوا حق الجدود
وناس يستاهلوا
حق التراب
ومعناك انت
فى كل ذات
معناك فى
كل العيون
ومعناك فى
نبض الشجون
ومعناك فى كل
آهه كيف تكون