محمد حسن عمر «من عرفتك»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محمد حسن عمر «من عرفتك»

    مِن عرفتــــــــــــــك
    =
    الشعر خليتـــو بدرى ... هجرتو من زمنــاً بعيــد
    من عرفتك دابى بكتب ... وأبــدأ مِـن أول جديـــد
    فيك بقول كل القوافى ... أجبــر الحـــرف العنيــد
    تانى شيطان شعرى يرجع ... تبدأ قصة ريد جديد
    لا تقول نحن إفترقنــا ... وعشت إنت براك وحيد
    إنت فى جوَاى عايش ... جـــارى فى دم الـــوريد
    فيكَ أصبَحْ كُل منايا ... بيكَ هّـــلا صبـــاحى عيد
    العذاب لملم خطاهُ ... رَجـَّـع البـــــــال الشـــريــد
    أشرقت دنيايــا دابــا ... طببــت جـــرحى الضميد
    يا قليب الريد أفـرح ... كَتِـــر الأشـــــواق وزيـــد
    عِيــش لدنيـــاك السعيده ... أبنى عهداً من جــديد
    خلى شتل الريد يفرهد ... والحنان يكتــــر وزيـــد
    =
    Azizwagali


يعمل...
X