إبراهيم الكاشف «كلمات الأغاني»

**Nabil :: nabsho** · 11-17-2013, 08:07 PM

وداعاً روضتي الغنّاء

وداعاً روضتي الغنّاء .. وداعاّ معبدي القدسي
..........................................
طويت الماضي في قلبي .. وعشت على صدى الزكرى

وهذا الدمع قد ينبي .. بظلم المهجة الحيرى

لماذا الهجر يا حبي .. لماذا الهجر يا حبي ؟

لماذا دهرنا ضنّى .. وشبع روحي باليأس ؟

وداعاً روضتي الغنّاء .. وداعاّ معبدي القدسي
.................................................. ....
نسيتي الماضي ياليلى .. وماضي الحب والطهر

ليالي نقطع الليل .. بحلو النجوى والشعر

نسيتي ليلى إذ كنا .. نفدي النفس بالنفس

وداعاً روضتي الغنّاء .. وداعاّ معبدي القدسي
.................................................. ..
أظل أردد الشكوى .. على ما نلت من وجد

حبيب الروح لا أقوى .. على حمل الهوى وحدي

ولما لم أجد سلوى .. ولما لم أجد سلوى

كسرت ابريقي والدنا .. وسكبت على الثرى كأسي

وداعاً جنتي الغنّاء .. وداعاّ معبدي القدسي

**Nabil :: nabsho** · 11-17-2013, 08:08 PM

الحبيب وين

خدك السادة ** ولونك الخمري

خلقوك يا روحي ** لودار عمري
.........................................

لو جفانا .. ما بنحيد عنه

الحبيب وين ؟ ** نحن دايرنه
................................

يا السفروك ** بالقطر ودوك

شالوا القليب مني ** يوم ودعوك
..................................

شكلك ظريف ** دمك خفيف

محبوبي وين ؟ ** دا الساكن بري الشريف
.......................................

يا المسافر ** أوع لا تنسى

الحبيب وين ؟ ** الليلة كيف أمسى
...................................

الحبيب وين؟ ** قالوا لي سافر

**Nabil :: nabsho** · 11-17-2013, 08:09 PM

ارض الخير

أنا أفريقي أنا سوداني

أرض الخير ( سوداني ) مكاني

بلد النور والعزة مكاني

أرض جدودي جباههم عالية

مواكب ما بتتراجع تاني

اقيف قدامها واقول للدنيا انا سوداني

................................................

أنا بلدي .. بلد الخير والطيبة

ارضه خزاين .. فيها جناين

نجومه عيون بالخير بتعاين

قمره بيضوي ما بغيب ابدا دايما باين

نوره بيضوي ليالي حبيبة

عليها بغني واقول للدنيا انا سوداني

...............................................

شمسك طلعت وأشرق نورها بقت شمسين

شمس العزة ونورها الاكبر

هلت شامخة زي تاريخي قوية وراسخة

ملت الدنيا وخيرنا بيكبر

شمس ايماني باوطاني

ده الخلاني اقول للدنيا أنا سوداني

**Nabil :: nabsho** · 11-17-2013, 08:10 PM

يا صغير

يا صغير .. يا محيرني ومتحير

أنا عمري غرامك أنت .. وغرامك عمره قصير

*****************************
الريدة جديدة عليك .. بتبين في كلام عينيك

والشوق فضاح يا حبيبي .. أنا خايف يلعب بيكا

******************************
سبحان الخلقك زينة .. خلاك تتعالى علينا

تتباعد ليه ياظالم .. زي ما حبيت حبينا

******************************
يا الزينة وعاجبك زيك .. مين في الأحباب مين زيك

يا البدر العالي الغالي .. ياالزينة وباهي في حيك

**Nabil :: nabsho** · 11-17-2013, 08:11 PM

الليلة لاقيته

كلمات الشاعر سيد عبد العزيز

الليلة لاقيته

ملأ السرور قلبي

وبي أسمه ناديته

لها وأنشغل عنى لأنى غبيته

دق وخفق قلبي وغلبنى تثبيته

فضلت أتأوه وما قدرت أنبيته

من وقتها وعنها وطوالى حبيته

الليلة لاقيته

القلب حباه

وبالشكر واليته

ما عشقت هندامه وقامته وتواليته

أنا عاشق أخلاقه وقدرته جليته

ياليته يشعر بى ياليته ياليته

بالزمة با مدهش

وجدانى هزيته

منى الفؤاد بالصد صدعته وأذيته

وأن حلفونى بأسمك عن ضررى عزيته

ليه ودى بالهجران يا حبيبى جازيته

أنا لو ضمنت رضاك

كان شخصى هنيته

وبيك تم لى أملى

الفى الكون تمنيته

وأقول صريح للناس يا ناس السعد ظنيته

عرج على بعد ما خلاص العمر أفنيته

**Nabil :: nabsho** · 11-17-2013, 08:11 PM

المهرجان
كلمات السر قدور
الكاشف

رف قلبى لى جناح النسايم
راح وشافك وشاف جمالك
شاف جمالك وانت نايم
شافك لقاك...اجمل ملاك
وردة ربيع ...قطاك نداك
يا وردة أحلى من الزهور....
مالوا القمر ياحلوة خلاهو الظهور
رسلت قلبى ليك هناك
جانى ورجع محتار معااك
احتار انا ...احتار انا
انا حبى وين ....انا عمرى وين
عمر المعذب كم سنة ؟؟؟
احترت فى عمرك سنين
يوم الهناك ولا الهنا!!
اضحت حياتى مقسمة
نص فى الأرض نص فى السما
انت القمر وانا كلما زح السحاب ألقاك تميل...
فييك الدلال وأصلو الدلال حق الشباب
وانت السحاب حجبك كتير وانا فى الأرض يا روحى حارقنى الهجير
بتنسى ليه
وأنا قلبى بيتذكر كتير
يوم لقيتك ......وهويتك
وانت وريتنى الحنان
الحنان الفى أحلى نظرة .....وابتسامة
فى خيالى احلى ذكرى
بالأشارة ....نظرة عابرة
شفت حبك
كنت قايل ...كنت فاكر
الجميع عارفين محبك
والعيون راصدانى لمن ..ابقى جمبك
وتبقى ذكرى ..فيها انت وفيها قلبى وفيها قلبك
وفيها يوم المهرجان
أحلى من عمر الزمان

**Nabil :: nabsho** · 11-17-2013, 08:12 PM

الشوق و الريد
و الحب البان في لمستك
أغاني نقولا
أغاني نقولا نقول و نعيد
الدنيا زهور
الدنيا زهور في عينينا
تصبح كل يوم زي طفلي وليد

كل الأشواق
آهه بتجرح قلب المشتاق
ديل يا هاجر ليكي رساله
لو روحك يوم تنسى دلالها
تشوفنا قريب ما تتعالى
تسألنا و نسأل عن حالها
و نعيد الكان

نعيش نعيد الكان حليل الكان
نخلي الحب يسرح بينا
يلقى جناحينو يطبر بينا
نشوف الدنيا ربيع و زهور
نسكت و تتكلم عينينا
و نعيد الكان

ليك رساله
لو روحك يوم تنسى دلالها
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ

**Nabil :: nabsho** · 11-17-2013, 08:12 PM

أنا ما بقطف زهورك

أنا ما بقطف زهورك
بعاين بعيوني
يا الغصن الفي نهورك
و يا البدر الفي خدودك
مترقب ظهورك
أتأمل في محاسنك
و أتمتع بمناظرك
و أتوسع في فنوني
لعب بي دورك
و أصبحت مسحورك
و عرفت أوزانك
و عزفت ألحانك
أهات تواليني
لازلت مأسورك
و ما قادر أزورك
ملأ العيون نورك
كشف الظلام بسمك
و أتجلى لي رسمك
شخصك ملأ عيوني
أضناني تأثيرك
و ما بشكي لي غيرك
أعياني تفسيرك
يا الرمز الحيرني
و هواك صيرني
أتحدى العزلوني
يا الغالي موهوبك
يا الراقي اسلوبك
الناس يآنسوبك
يا العالي تعليمك
أنا من مظالميك
إيه ذنبي وريني

**Nabil :: nabsho** · 11-17-2013, 08:13 PM

الشال منام عيني

الشال منام عيني
و فؤادي جارحه
إنشاء الله يلاقيني
و بهواي أصارحه
نتقابل الإثنين
و أشكي ليه مر البين
لعل قلبه يلين
يعطف على المجروح
و الروح تناجي الروح
و العين تشوف العين
و الأيد تصافحه
أقول يا حبيبي
متين يبقى تقريبي
متين تبقى حاسي بي
ليك بالموده أبوح
بين الرياض و الدوح
جالسين و متآنسين
و أنا و أب عيون ناعسين
في الحب أفاتحه
نقيف في شاطي النيل
يعطف علي و يميل
و أقول له إنت جميل
يا بدر نور و لوح
يا زهر عطر فوح
و لا إنت إسمك مين
قال في إبتسام ياسمين
عبقت روايحه

**Nabil :: nabsho** · 11-17-2013, 08:13 PM

بـإسـم الـحـب أقــدم لـيك حـياتى

حـيـاتى ومـعـاها الـعـطف الـجزيل
بـإسـم الـحـب أقــدم لـيك حـياتى

عـليك يا حب تحياتى عليك أوقفت غاياتى
لـحبى أضـحى بحياتى أحب الحب وأيامه
وذكـرياته وأحـلامه ومـا يوحيه إلهامه

حـياة الـحب أسميها السعادة بكل معانيها
أقـيم ليلاى أغنيها روح يا لليل تعال يا ليل
أحـب فـى كل أوقاتى ألاقى حبيبى يوماتى
أقـول ليه ويقول لى العهود بيناتنا iiمرعية
أقـول لـيه تـعال لى نجلس جلسة غزلية

أمـتع فـيك عـيني أشوفك وأنسى ألامي
وأقول حققت أحلامي على تميل وعليك أميل
فـيك أمـعنت نظراتى وجدتك كل مسراتى
وأفـراحي وملذاتي أحبك وأنسى فيك ذاتي
حبيبي أراعى تقديسك ويرتاح قلبي لحديثك
حديثك يشفى العليل والله يا السامي الجليل
الـحب الـصادق قـليل البشبه حبي النبيل
فـبـدون جـمـيل أهــوى الـجـميل

**Nabil :: nabsho** · 11-17-2013, 08:14 PM

حبيبى أكتب لى

حبيبى اكتب لى وانا اكتب ليك
بالحاصل بى والحاصل بيك
الحاصل بي أنا شوق وحنين
واقيم الليل آهات وانين
فارقنى حبيب آلفنى سنين
ماليك أمن يا ده الزمان
يا ليالى زمان ... الله عليك
اذكر جلوسنا على الربي
نستعرض اسراب الظبا
نسمع لهمسات الصبا
ونحن فى فجر الصبا
ابسم إليك تبسم معاى ... تسمع غناي
وع صوت الناى وانا يا مناى
الطول حياتى بغني ليك
أنا اكتب ليك وانتا اكتب لى
يا حبيب روحى يا نور عيني
يا وحيد عمري المدمتا حى
اكتب لى عن كل شئ
أذكر ودادي وارحم فؤادي
ارع الوفاء ودع الجفا
وأذكر صفاء أيامنا ليك .

**Nabil :: nabsho** · 11-17-2013, 08:14 PM

حيرته أفكاري

حيرته افكاري معاك انت
انت وين يا سيدي

اخذ الرياض لطفك ا سيدي
و النسمه ن ذرفك يا روحي
اسكرني طيب نفسك يا سيدي

يا فتنه يا مغري
يا باسم الزهير
يا طلعت الفجر
يا دنيا من زهري
انت وين يا سيدي

يا الخمر في لونك يا سيدي
ساحرني بعيونك يا روحي
كل شائ جميل دوك يا بدري

يا فتنه يا مغري
يا باسم الزهري
يا طلعت الفجر
يا دنيا من زهري
انت وين يا سيدي

كل الشمس في علياك يا سيدي
سامي و جهرني ضياك يا احبي
اسكرني طيب رياك يا سحري

يا نوري يا ناري
بهماك و ما داري
ناسيني ليك طاري
و ساكن قريب جاري
انت وين يا سيدي

حيرته افكاري معاك انت
انت وين يا سيدي

**Nabil :: nabsho** · 11-17-2013, 08:15 PM

إفتتان

لى حق اذا اتهمتا
فؤادى عندك انت
ياحبيبى انا بيك انفتنتا

حبيب الروح سلمتا
انا بي لو علمتا
انا الامين وافى
وليك ودادى صافى
ياملهمى القوافى
ولكل معنى وافى
زى بسمة الازاهر
فى نظرى ابتسمتا
زي نقشة الخوات
م فى قلبى اترسمتا
ياحبيبى انا بيك افتتنتا

اقوليك اذا سمحتا
انا شايفك
حبيبى شايفك
انا شايفك تبهرج
كل ما ليك لمحتا
كضوء الفجر لحتا
كزهر الروضه فحتا
وزى اغصانا محتا
ياحلو المناظر
و ياساحر النواظر
ان نظروك فرحتا
و بلنذرات جرحتا
يا حبيبى انا بيك انفتنتا

بدر الحسن انتا
وبين الناس عرفتا
ان وصفوا المحاسن
بس معاهن وصفتا
انا بعيونى شفتا
وصادق ان حلفتا
من تاثير عيونك
خديتنى ورجفتا
ومن تاثير عيونى على خديك فقتا
انا انا انا نارى
انا ناري نارى يا تومي

**Nabil :: nabsho** · 11-17-2013, 08:16 PM

داخل روضه غني

داخل روضة غناء
ونحنا جماعة كنا

يوم فى الدهر فنا
شهدنا الزهر غنى

جلسنا مكان نزلنا
وقولنا بمن عزلنا
نحنا هنا أنعزلنا

وعلى نخب المحبة
كل زول حبه حبه

حسونا الود صافى
سمونا وما نزلنا

صاح شادينا صحنا

غنينا وفرحنا
أمسينا وصبحنا

ونحنا كما أنحنا

متقاربات عقولنا
ومتوافقات ميولنا

مع النسمات سبحنا
نروى بغير لحنا
ونشدو الحسن لحنا

قمنا على مهلنا
شيلنا ورحلنا
ناس رافعين جهلنا

ومتراوحين أهلنا
ودعنا المحلة

بوداع المحنة

ودعنا الأزاهر
بى لغة العواطف
فى أٍسلوب أحن

قمنا على مهانا
ماشين لاهلنا

إبراهيم الكاشف «كلمات الأغاني»

إبراهيم الكاشف «كلمات الأغاني»

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق