حسين شنقراي «يا تاريخنا أحكي»

يا تاريخنا أحكي
كلمات:حسين شنقراي
يلا يا تاريخنا أحكي
أحكي جيلا بعد جيل
عن شباب بلدي بالبيشكي
وأصلو في شكواهو أصيل
أحكي للعالم ده كلو
أحكي يا تاريخنا قولو
البفوت حدو بنزلو
وياما بالسيف كم نفلو
ونحنا نرديو قتيل
---------
والبحب دارنا وخدارنا
وبهوي عيون صغارنا
فينا ما بيعيش ذليل
وأحكي عن أكتوبر قبيل
والجاي ياما يكون جميل
--------
أحكي يا تاريخنا قول
أحكي كلم كلو زول
نحنا غيرنا الفصول
الربيع جبناهو صيف
والظلم كان لازم يقيف
والجفاف يصبح خريف
ما الثورة أزهارها بتطول
--------
أحكي للناس المعانا
نحنا غيرنا المعانه
شوف ربيعنا الليله جانا
والشباب للثورة زانه
والشمس مابتعرف أفول
ويلا عن أفراحنا قول
وأحكي كلم كلو زول
نحنا غيرنا الفصول
والظلم لابد يزول
والظلم حتما يزول
والظلم حتما يزول