حسين شنقراي «قرفنا»

قرفنا
القرفان: حسين شنقراي
يا الحاكممنا
رغم أنِفنا
من شوفتكم
نحنا قرفنا
مهما جرينا
تعبنا نشِفنا
لا بد يرميكم
منو كتفِنا
ما بهم القادم
لو ما ينصفِنا
بس شيلتكم
هي تكيِفنا
قرفنا قرفنا قرفنا
----------
قرفنا و قرف
السودان
من أوسخاكم
يا كيزان
أقتلوا أضربوا
بالبنبان
بقت الثورة
في كل مكان
أحسن تهربوا
بالإحسان
قٌبال ما تكونوا
خبر كان
يلا قٌعادكم
ما بشرِفنا
قرفنا قرفنا قرفنا
---------
قرفنا وطلع
الشعب خلاص
ما بحكموا زول
رقاص
و الوالي بتاع
الباص
بقي للدم
مصاص
والحزب الوطني
الكان بلباص
الليلة في بحر
الثورة إتماص
والوسخ الفيهو
عِرِفنا
قرفنا قرفنا قرفنا