حسين شنقراي «سقط الحاكم»

سقط الحاكم
كلمات: حسين شنقراي
هبي نسايم
الثورة السمحة
وأكتب يا تاريخ
وأقلب صفحة
سقط الغاشم
وعمت فرحة
---------
هب الشعب
وهب خلاص
ضد الظالم
ضد القناص
الثورة أشتعلت
وما في مناص
ومهما تحرق
وتضرب بالرصاص
لاهاي سكنك
وحتفك يارقاص
----------
ثورة شباب
صغار وعوين
ثورة بتهزم
تجار الدين
والناس الكانوا
زمن ساكتين
هل ربيعهم
فرحه وياسمين
دا الصوت الكاتم
ليهو سنين
شعلل فيهم
ولع بالبنزين
لا أمن بصدوا
ولا دبابين
--------
ياما كانوا
عصابة ومرتاحة
كل يوم
بتزيد في وقاحة
والشعب الصابر
وساكت في سماحه
فاض بيهوا
ومرق الساحه
كيف ورونا
حتنجوا من الكتاحه
----------
خلاص وخلاص
منك ياظالم
لابنفاوض تاني
ولا بنسالم
هلَ علينا
الفجر الحالم
هتافنا يدوي
سقط الحاكم
سقط الظالم