ميرغني النجار «شرفت جيت» "حلقة أماسي الحنين"
تقليص
X
-
يا مرحبا شرفت جيت
اهلاً حباب نور العيون
®®®
شوفتك بتفرح للقلوب
بستان بيحمل كل لون
يانسمه شايله دعاش خريف
جزلانه راقصت الغصون
يا نغمه في الليل والسكون
رنّة في جوف وتري الحنون
®®®
ياحبي يا كل الزمان الماضي
من عمري السعيد
ياشوقي يا خاطري النّدِي
وكل لحظه فيها اعيشا عيد
يا سعدي يا مستقبلي
ويا سر جمال صبحي الجديد
®®®
الليله وين القي الحروف
شان اكتب الافراح غناء
وارسم دواخلي في لوحه ليك
بي كل خواطري الوّنه
يا بسمه يا فرحة عيون
سِعْدت بعد قاست عناء
يا ما بكت جور الزمان
والليله يبكيها الهناء
تعليق