زيدان إبراهيم «كلمات الأغاني»

معاك قضيت عمر السنين

عاك قضيت عمر السنين *** أفرش طــــريقك بالــــــــورود
أبنى فيك سور الامـــــانى *** ما حاسى بى زول فى الوجــود
عمــــــرى ما فـــكرت أنك *** يـــــــــــوم حتـــخــلف للــوعود
لكـــــنى ما فـــــاقد الامـــل *** يمـــــكن تحـــــــن ترجع تعــود
يا زهرة أيامى وربيـــــعي *** كونى ردتك شـــــــــئ طبـــيعى
جرحى مين غيرك بداويهو *** ومين سواك بمـــــــسح دموعى
قبلى ما تــــــروى الحكاية *** خليك مخـــــلص يا منــــــــــاى
يمكن تكون أوهـــام ظنون *** يمكن تكون ساكــــــــــت وشاية
العــوازل دارو بــــــــــيها *** خـــتوا لـــــريدنا الـــنهـــــــاية
فكر أحـــــسن فى مصيرك *** فى هنآك وفـــى هـــــــــــــناى

قلبك ليه تبدل

قلبك ليه تبدل
قلبك ليه تبدل صدا وليه تحول
انا طول عمري مخلص يا اخر حب واول
،،
إيه الشفتو مني من حبي وحنيني
ايامي القضيتا من عمري وسنيني
اعبد في جمالك ياملهم فنوني
إنتا خلاص نسيت البينك وبيني
مابنساك وحاتك يا اخر حب واول
،،
يابهجت شباب واملي العشت بيهو
سقيتو الطيف حناني وانت حياتي فيهو
روحي حولو حايمة حولو والروح تسال عليهو
قلبي الحب سامي مشغول ديمه بيهو طول وحيات شبابك قلبك ليه تبدل
،،
قول وحيات عيونك حبك في دمايا
سامر جوة قلبك وعايش في خيالك
انا لسه عندك حبيبك وكل امالك إنتي خلاص نسيتني شاغل ريدي مالك
مابنساك وحاتك يااخر حب واول

أغنية في بعدك يا غالي

في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
*
من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور
*
لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب
*
لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن

أغنية فى الليله ديك

كلمات: بابكر الطاهر
ألحان: عمر الشاعر
أداء: زيدان إبراهيم
في الليلة ديك

في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك
ومديت يميني بلا كلام ما قدرت قدامك أقيف
ورجعت حابس أدمعي في الليلة ديك
في الليلة ديك والناس تشارك فرحتك
حسيت بإني غريب هناك وغريبة إنتي في دنيتيك
حسيت معاني الفرقة
حسيت بالوجود ماخذ سواد من حنتك
شفت الدموع خلف الرموش مكبوته بي حسرة وضياع
ورعشة الكف الخضيب مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك

بقيت ظالم

بقيت ظالم

بقيت ظالم نسيت الناس ياسيد الناس

جنبك عمري كان املا مفرهد يا غرام الروح

زهور بتملاء دنيايا بالاماني تفوح

وبعدك ياما بتالم حزين وانوح

غريب انا من غير اهل

وقلبا حزين مجروح وحيد مجروح

**********
بحبك عمري ما اتنكرت ما جافيـت

حرام ياغالي انا طول عمري ما حبيـت

لغيرك يوم ولا اتمنيــت

خلافك ريده ما حبيــت

ولا غنيت اغاني الفرحه وما اتهنيت

وقبل دا انا ما حسيت

بطعم الدنيا من تبيت