كلمات أغاني مجذوب أونسة

الارباب


في الارباب بقول شعري ولساني بسنو
طربانات بنات افكاري ليهو بيغنو
ده البحر المحيط والناس بتغرف منو
ولدا زيه ما اظن الحريم يلدنو
في الارباب بقول ...

شعري بقولو والارباب حقيقة بيحقو
دخري الحوبة ضوى بلدنا غربو وشرقو
ده رايه بيجبر كسر المبادر شقو
وبيتو بيامن الزول حتى ان رقد في شقو
في الارباب بقول ...

نفسو رضية لا فشار ولا بتعالى
وفوق الحارة بيدخل لو بقت منهالة
قاسيات الحمول يهز مدردب شالها
عندو عزيمة لو قصد الثريا مشالها
في الارباب بقول ...

سباق للفضائل وديمة بازل مالو
يتلافاهو ( يدي عطاؤه )بايدو اليمين وشمالو
تتعدد كراماتو الكتار افعالو
ما شفناها في الهسع ولا القبالو
في الارباب بقول ...

سائل المولى يا الارباب تطول ايامك
وتصحبك السعادة وتبتسم قدامك
في الحسنات تسوي ومافي زولا لامك
دنيا واخرة رب الكون يعلي مقامك
في الارباب بقول ...

اخر خبر

رضيت مشاعرك بالصفاء
وعمقت فيك روح الوفا
افراح خمايلي الوارفة
انا في عيونك شايفها

اخر خبر كتبو في جواب
عايز يقول ينسى العذاب
يترك سبيل قلبي الي داب
ما بين حنين ورقيق عتاب

ايه الحصل ما بين يومين
قسى القليب الكان حنين
خلاه يكتب لي كلمتين
زرفت وراه دمعتين

قال نحن ما بنقدر نسير
دي عاطفة مجهولة مصير
لو هو حكم للضمير
ما كان جرح قلبي الاسير

انا ما جبرتك يوم تحب
بس انت بي طيبة قلب
مشيتني في اطول درب
اطول درب مشيتني فيه ليه

جبروك خلاص تترك هواي
توهب قليبك لسواي
يا نار بتحرق في حشاي
مبروك عليك ده هناك هناي
حبيتك انت وقلبك ما معاي

حلم الصبا
استني يا حلم الصبا انا جايي ليكي
من زحمة الدنيا ودروبها المتعبة

انا عندي ليكي دروب جديدة
عندي ليكي اشواق جديدة
شوق بيتحدى الليالي بيهزم المدن العديدة
استني يا حلم الصبا

شوق بيصحي النجمة من تحت السحابة
يملا دنياك بالصبابة ويسعد الناس الغلابة
استني يا حلم الصبا

يهزم الظلمة المعشعشة في خطى الزمن النبيل
يا منابع حزني يا فرحي الجميل
جاي جمبك اسرتيح
من عذاب الغربة في قلبي الجريح
استني يا حلم الصبا

ياما كم عانيت وياما هاجرت مني السلامة
والدموع راحت وضاعت من عيوني الابتسامة
وصف الاف الصبايا
استني يا حلم الصبا
انا جاي ليكي شايل معاي حلم السنين المتعبة
استني يا حلم الصبا

وهسع جمبك يا صبية شفت باب الدنيا واسع
الصباحات الندية ساطعة في كل الاماكن
في حكايات الحيارى وفي الشوارع والمساكن
في خيوط النجمة في همس الحنايا
وصف الاف الصبايا
انا جاي ليكي شايل معاي حلم السنين المتعبة
استني يا حلم الصبا

بتقولي لي اقول

بتقول لي قول يا انت
اقول انا كيف وانا العمري ما قلت
اقول القاسي قولو علي
بيكفيك قول عيني
باحت ليك بكل البي
ولا يحن قلبك علي
يا قاسي زيل البي


اقرر كيف مصيري براي
وقولي ولسه ما قلتو
سهمك في قلبي غرقتو
وجرحك لي ما شفتو
وحن يا قاسي اشفيهو
شيلو معاك بالفيهو


قلبي العمرو ما استسلم
وجاك الليلة وينزف دمو
حنانك لي احلا نغم
صمتك بعدو مافي امل
حياتي قبلك انت ندم
وبعدك سعادتي عدم

حلم
كلمات محمد نجيب محمد علي

وينو بالك مني اوع تبعد عني
في يفو هواك يا جميل قلبي خايفو يجن
***********************************
من رأيت عينيك قولي كلو عليك
مهما ارحل منك برضي بوصل ليك
الهوى ودار عقلي فيهو احتار
كنت قايلو الجنة وجيت لقيتو النار
*********************************
كل زول بسألني عن جفاك وظني
عن عمر عشناهو بيهو كنا نغني
قلت ليهم انت لا جفيت لا خنت
صورة برسم فيها وبيها ياما حلمت
********************************
وين بالك مني اوع تبعد عني
في هواك يا جميل قلبي خايفو يجن

تاني راجيين

وتاني راجيين مع الجايين خبيراتكم تجينا
ترقد روحنا في الغربة ساعة الهم تواسينا
*****************************************
انحنا عشان محبتكم بنهوى ونعشق الدنيا
نداري الهم والامو نشيل ريدكم جمال غنية
نقول في يوم بنلقاكم لو تتحقق المنية
*********************************************
بقينا نخاف بعادنا الطال ينسيكم معزتنا
وتنسوا الماضي وايامو وكيف كانت سامية عشرتنا
وديك الطيبة والالفة وصالنا وطيب مودتنا
********************************************
سألنا الجونا وما غبينا عرفوا الفينا والبينا
سألناهم كتير وكتير وليكم ياما وصينا
بس لمتين تكاتبوا انتو عشان تفرح قوافينا
****************************************
خبركم لينا لو عارفين رجوع الضاع سنين وسنين
يهدهد شوقنا وفرحنا نشوف الدنيا ناس حلوين
حلاتكم انتو يا ناسنا وحلاة الريدة في الطيبين
حليلهم اهلنا الطيبين

تواهة
كلمات عبد الرحمن بكراوي

تواهة عيونك تواهة
تواه الشوق البجبرنا
نزرع امال نحصد آهة

والهم الطل علي قلوبنا
دروبو وحاتك رواحة
والليل الهود عذبنا
ورجعنا نفتش في الواحة
عن الامال الاخضرت
عن بهجة ريدنا العشناها

والقلب العامر بي حبك
ينزف من ريدو واشواقو
والزهر الناضر حولينا
اسقط في حسرة اوراقو
والفجر الطل على الدنيا
اظلم وحياتك اشراقو

تواهة الدنيا الما بتحن
والكل عايشين في مغناها
والناس الصبحو زي الدنيا
هدموا الامال العشناها
وكتين الروح بتفارقنا
يعني الدنيا ايه معناها
تواها عيونك .... تواهة

ما اظن يجدي التمني

تاني يا ايامنا حني ما خلاص كملت دموعنا
ما اظن يجدي التمني
نحن من ما عشنا فيكي ما حصل في يوم فرحنا
مرة غايتو نقول مقادير مرة نتحمل جرحنا
ياما ضقنا المرة نحنا من عذابك ما استرحنا
برضو يا ايامنا تجني لا بتجاملي ولا بتحني
نحن ما كملت دموعنا ما اظن يجدي التمني
************************************
شيلي يا ايام عمرنا بس شوية علي هوانا
ياهو زادنا الباقي لينا ياهو في المشوار عزانا
نحنا لسع في ربيعنا دابنا نتحسس خطانا
انت يا ايامنا تجني لا بتجاملي ولا بتحني
نحنا ما كملنا دموعنا ما اظن يجدي التمني
*******************************************
يوم عرفنا الريدة مرة قلنا ياها الباقية لينا
وكنا خايفين من عوايدك تاني ترجعي تخدعينا
رحنا نفرح ما علينا والفرح بان في عينينا
انت يا ايامنا تجني لا بتجاملي ولا يتحني
نحنا ما كملت دموعنا وما اظن يجدي التمني
********************************************
جور لياليك ما رحمنا نحنا ياما صبرنا ياما
والصبر عذب قلوبنا برضو في وجوهنا ابتسامة
دايرة لي ريدنا السلامة ولا خايفة من الندامة
نحنا ماكملت دموعنا ما اظن يجدي التمني

الريد يا اهل

الريد يا اهل متين لي دياركم نصل

حليل ايامنا اللذاذ طريت المطر اب رزاز
انحنا هناك يا العزاز بنطلع فوق الحراز
الريد يا اهل متين لدياركم نصل
************************************
ولو ما قسوة ظروف نفارق طين الجروف
عزانا مقالة الاهل مصير الحي يوم يشوف
الريد يا اهل متين لدياركم نصل
************************************
تعبنا وضقنا الشقى كتير في درب اللقى
دا ما بنسى الكان قبيل مقيلنا الفوق في التقى
الريد يا اهل متين لدياركم نصل
************************************
بعد حار بينا الدليل بنرجع ليك يا الجويل
وبي زغرودة فرح يتم الزين والعديل
الريد يا اهل متين لدياركم نصل

حليوة
كلمات محمد نجيب محمد علي


سافرت ياما كتير من وادي لي وادي
عصفور وكنت بطير فوق للسحاب غادي
حليوة شن قولك قولي بصراح
انا من بقيت زولك اصبح مساي صباح
************************************
حنيت علي غصنك يا غالية عن اذنك
انا من زمن سواح رجعت لي بلادي
يا ريح اقيفي خلاص رسيني في الساحل
اهو داك نهري خلاص مطر الغرام هاطل
وانا من سنين مجروح ما كنت لاقي الروح
و الليلة شايف النور شايف الفرح نازل
******************************************
على باب هواك مشيت سابقت ليك خطاي
وتقولي لي جنيت انا في هواكي غناي
يا حليوة دابي نسيت جنبك معاكي لقيت
طال الحلم والشوق طعم الفرح والبين
يا غالية شن قولي قولي صراح
انا من بقي زولك اصبح مساي صباح

صياد في النجوم

صياد في النجوم يا قلبي يا حلي لك
أهدوك سهاد وشقا وأدوا الفرحة لي غيرك
& & &
زول ألدنية دي ما بدوم في حاله
زي ضل الضحى زي غيمه رحالة
مقسوم ليك تسهر ليل وتصحالى
نايمة هانيه ما بتخطر على بالى
& & &
تايه في الغنى ايه الغنى ب يفيدك
مادمت بتموت في ريده …ما بيريدك
أغرب حاجه حسادك تجاويدك
يا المسكين شقاك … جبته بأيدك
ياحليل الغرام أيامه ما ولت
يا حليل ليلة عن قيس ما تخلت
يا قلبي شوف الريده كيف قلت
قوم صيد النجوم ديك النجوم طلت
قوم صيد النجوم ديك النجوم طلت