عقد الجلاد «كلمات الأغاني»

"كلمات أغنية كل الخير"



لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول

"كلمات أغنية ساجور"


ساجور ما انفكّ فى رحم الغيب ما انفكّ

ما باح الغيم بي سر الضيم والناس نضيم فى الفارغة

ساجور ما انفكّ سؤال فى القمر الخنق فى الحلة

ما اندق صفيح

ما انشدّ بليلة

بليلة وفال

ما اتغنى مديح

وما فكّ ضفايرك للريح

والناس بتصيح فى الفارغة

"كلمات أغنية حصار"


اقول باختصار لانك كانك هموم الحصار

اهو بعدت عنك فايه يعني صار

احبك تصور بكل الحواس

لانك كانك براك انت ناس

مشاعلك يضون بما لا يقاس

ويخبن تجاهي ويصيبن نعاس

احبك حمائم لاجل السلام

فوق الغمائم تحلق دوام

وما القى منك برغم الهيام

سوى طيف وعودك كلام في كلام

احبك تصور برغم الحواجز

برغم الاماني الوساع العواجز

اريدك تصور وافتح نوافذ

يجي الفجر باكر منور وناجز

"كلمات أغنية تبتبا"



تبتبا تبتبا تبتبا تبتب

باكر تعرف تقرا وتكتب

وياما ترتب

نحنا بنحلم وكم نتمنى

هي تحقق كل ما تحب

تبني حياتا الند بالند

اي مكانة وخانة تسد

هدهدا هدهد كل الورد ينوم ويفرهد

زي عصفورة تطير وترك

تحبا وتمسك وتاني تفك

سيبا تفكفك سيبا تلكلك عايزة تنطط

بكرة حترسم وياما تخطط

بكرة حا يبنوا مدائن ضو

ما بيعكر صفو الجو صفارة حرب

تشطب من قاموس الدنيا

الضرب الشك الخوف

ينعموا كم بالشم والشوف واغاني الحب

افتح بابك آمن تب

زي ما النهر بيلقى مصب

اي حمامة بتلقى الحب

تلقى الورده الندى في الكم

تلقى حداها جناها الام

يرضع صافي حليب الحب

نقدل نحنا الجد والعم

تملا عيونا كهارب سد

باباً جاب الهم والزم والصد ينسد

نفرح لما ندمع جد

مد البصر الامل يمتد

العمل يشتد البنا ينتم الغنا يمتد

هدهدا هدهد

اكتبي اكتبي الف المد

حمام وسلام وسعادة بجد

اكتبي اكتبي ياء المد

سرير وعصير وعبير ينشم

اكتبي اكتبي واو المد

حقول وعقول تقرا المجهول كتاب الغد

اكتبي علم وسلم

لا حد يئن لاتسمع بم

لا ينزف دم

لا يعجز رد

لا يعجز طب

لا دمعه في خد

تبتبا تبتبا تبتبا تبتب

"كلمات أغنية باب السنط"


ود باب السنط والدكة والنفاج

والحوش الوسيع للساكنين افواج

واللمة التى ربت جنا المحتاج

والنار الدغش

والريكة جنب الصاج

والسكسك المنضوم

حول الجبينة نجوم

والفنجرية تقوم

تقهوج الحجاج

طق طرق يا بن

القهوه كيف ومزاج

طق طرق يا بن

خلي النعدل الراس

ونحصل الترماى

"كلمات أغنية يابا مع السلامة"



يابا مع السلامة يا سكة سلامة

في الحزن المطير

يا كالنخلة هامة

قامة واستقامة

هيبة مع البساطة

اصدق ما يكون



راحة ايديك تماماً متل الضفتين

ضلك كم ترامى حضناً لليتامى

خبزاً للذين هم لا يملكون

بنفس البساطة والهمس الحنون

ترحل يا حبيبي من باب الحياة لباب المنون



روحك كالحمامة بترفرف هناك

كم سيرة وسريرا من حولك ضراك

والناس الذين خليتم وراك

وعيونم حزينة بتبلل ثراك

ابواب المدينة بتسلم عليك

والشارع يتاوق يتنفس هواك



يا حليلك حليلك يا حليل الحكاوي

تتونس كانك يوم ما كنت ناوي

تجمع لم تفرق بين الناس تساوي

نارك ما بتحرق ما بتشد تلاوي

ما بتحب تفرق من جيبك تداوي

الحلم الجماعي والعدل اجتماعي والروح السماوي

والحب الكبير



في الزمن المكندك والحزن الاضافي

جينا نقول نفرق نجي نلقاه مافي

لا سافر مشرق لافتران وغافي

وين عمي البطرق جواي القوافي

يا كرسيه وسريرو هل ما زلت دافي

يا مرتبتو امكن في مكتبتو قاعد يقرا وزهنو صافي



يا تلك الترامس وينو الصوتو هامس

كالمترار يساسق يمشي كما الحفيف

كم في الذهن عالق ثرثرة المعالق والشاي اللطيف

تصطف الكبابي اجمل من صبايا

بينات الروابي والضل الوريف

احمر زاهي باهي يلفت انتباهي

هل سكر زيادة ام سكر خفيف

ينده للبنية يديها الحلاوة

والخاطر يطيب

يدخل جنو منو محبوب الشقاوة

يستنى النصيب



الدفو والنداوة السنا والعبير

كالغزلان هناك في الوادي الخصيب

حيث الموية عذبة والغصن الرطيب

كم تحت المخدة اكتر من مودة

للجنا والغريب

عش وعشب اخضر جدول من حليب

يابا ابوي يا يابا

الشمس البتطلع بلت منو ريقا

والنجمة البتسطع فيه تشوف بريقا

الندى في حركتو يطفيها الحريقة

ننهل من بركتو زي شيخ الطريقة

شاييهو وطرقتو والايدي الصديقة

يلا نسد فرقتو حب الناس درقتو

يا موت لو تركتو مننا قد سرقتو

كنا نقول ده وقتو لكنك حقيقة



النفاجو فاتح ما بين دين ودين

نفحة محمدية دفئاً كالضريح

ميضنة كم تلالي جيداً في اليالي

مجداً في الاعالي

مريم والمسيح



قلباً نبضو واصل ما بين جيل جيل

ما بين كان وحاصل او ما قد يكون

ما بتشوف فواصل الا الذكريات

وآلام المفاصل بعضاً من شجون

يابا مع السلامة يا سكة سلامة
في الحزن المطير

"كلمات أغنية اولاد المدارس"



يللا يا اولاد المدارس في ربي السودان وسهله
يللا شخبطوا في الكراريس اكتبوا الواجب وحله
دينق .. محمد احمد فاس وطوريه وزراعه
فاطمه .. ميرييبقي غنوه نيليه بشراعا
وردتين على يامبيو وورده ثالته على رفاعه
ييي بلادنا وكلنا اخوان سوداني بلادنا يايي
حرب .. بندقيه يخطفوا اللقمه الهنيه من اصابع طفل جائع امه حزنانه وشقيه
حرب بتضيع ولادنا وينطفي نوار بلادنا
يللا يا اولاد المدارس هاتوا من القلب اغنيه
للخضار والازدهار للسلام والتنميه
العصافير المهاجره تبني عشها مره تانيه

"كلمات أغنية فارس الحوبه"


ابوي يا فارس الحوبه .. دخر السنين لينا
أكان للكرم والجود ضيف الهجعه عشينه
ويا الفاتت فضايله حدود يتيم الحله ربيناه
يا الضل الضليل ممدود عنوان الكرم بيته
يا ركازة المسنود فيضك ديمه ساقينا
ظاهر جوه وسط الناس يضوي فوق جبينه صلاح
قاهر في وشي الفراس مرنا ما بيعقبوا الراح
علما بحره ما بينقاس موشح بالفضيله سلاح
سيرتك باقيه لينا الساس وخالد للابد فينا

"كلمات أغنية الله .. الله"


طهر جنابك بالاذكار ما فيك زل بها كل عيب كامن فيك
الذكر خير انيس تستريح به فهو الذي بكؤوس الحب يسقيك
يشربه العارف الشيخ الذي كملت اخلاقه وبنور الله يجليك
جالس اولي الخير واستأثر مودتهم ان لم تجدهم فذكر الله يكفيك
الصالحون اذا جالستهم نفعوك بين الوري وجليس السوء يؤذيك
وقف على قدم الاداب منكسرا مع التواضع لا تنسي مساويك
رد الحقوق لاهلها على عجل حتي ولو كانت مساويك
اعرف حقوق الذي يعلوك منزلة ان كان دونك او اضحي مساويك
كن ناصحا وامينا غير ذي ريب من غشنا ليس منا قول هاديك
وعامل الناس بالاحسان محتسبا عسي بذلك رب العرش يجزيك
افشي السلام وان في ما تقول وصن وكال حلالا يصلي في دياجيك

"كلمات أغنية جبنه"


يا بنيا سوي الجبنه فوق ضل الضحاويه
سويها الجبنه التسويها حالف ما بخليها
بي شماله فنجان جبنه بي شماله يسوي الدنيا بي حاله
جارتنا بت ام ريده جارتنا ما بتربح تجارتنا
بي ديشو بابور حربي بابور ماشي طوالي
يا اللوري عليك الله يا اللوري عليك الرسول بوري

"كلمات أغنية من ام در"


ام در يا ربوع سودانا نحييك وانت كل امالنا
في غربك عروس الرمال ..... وفي شرقك اية جمال
وجنوبك واسع مجال يا لاوة رطبك في الشمال
نحييك في القري والباديه وفي كل الاراضي الهاديه
وفي الخرطوم زهورك ناديه تهواك النفوس ليك راضيه
بنعيم الجنوب جود لينا ومن فيض كردفان اغنينا
وفي شرقط رصيد وادينا شمالك فيه بركاوينا
نحن اولاد بلد نقعد نقوم على كيفنا
في لقي في عدم دايما مخرف صيفنا
نحن اب حرز بنعلاه وبنكرم ضيفنا
نحن الفوق رقاب الناس مجرب سيفنا
تطرب بيك جميع اجيالك وفي كل البقع ترضي لك
طوالي الفرح في بالك يا ربوع شفنا استقبالك
سودانا فوق زحل مرفوع وخيراتك تفيض نوع نوع

"كلمات أغنية صوت الاستحاله"


المناظر هي ذاتها والصور نفس المشاهد
الشوارع والبيوت الاماكن والمقاعد
والزمان ثابت مكانه والرقم اللسه واحد
وحشة الليل البهيم ولمة الناس الحزاني
قصة الشوق القديم بي دموعها وبي حنانها
وقصة الولد اليتيم ونفس صوت الاسطوانه
بكره مقتول مقتول جاي مشلول في الدواخل
فجر كذاب كذاب طل من خلف المراحل
باب قصاد الباب انسدو للفرح المقابل
دنيا تتفجر ودنيا ادمنت عشق الثوابت
صوت ينادي الاستحاله والحقيقه صوتها خافت
جرح ينزف وقلب دامي ولسه صابر ولسه ساكت

"كلمات أغنية خطوه .. خطوه"

خطوه خطوه مشينا ... والقمر شاهد علينا

دامنا جماعه شباب .... ما نخاف من الصعاب

رحلة الحب الجميله .... جمعتنا بقلب واحد

نلتقي في كل ليله ... ربنا عالم وشاهد

ننشر الود والمحبه .... نجمع قلوب الاحبه

والحزن خلاه يسافر .... ما نبغي نوقف في دربه

"كلمات أغنية امونه"


ما ضهبت أقول لقيتك أقول لقيتك،،
انت في كل الخواتم و المياتم والنجيمات والعواتم والمغنين المطاليق
ما حزنت أقول لقيتك أقول بكيتك
انه حزن المخاليق المخاليق

الفرح جاييك وعد ،، غنوة اولادك تحاريك

كنت فى ليل الخوابى تهاتى بينات الطوابى
تحاتى فى قليب السعيد (2)
الوليدات خلو حجرك ريح يفوفي

وعين مزرزرة من شقا الفرح المهادى (2)
منية الوعد الدعى

انت فى خوفك تكاتل رفة الطير والحفير
انت فى شوقك تخاتل عينة الجلبك خريف (2)
انت فى اللالوبة مصلبة البنيات النسيمات الهفيف
انت فى اللالوبة مشنقة الوليات ناس نجومى ومحبس النفس الرهيف، انت

بطنك كرشت غي البنات نافي
دقنك حمست جلدك خرش ما فى (2)
وقت الوهم وافيت وقت العلم جافيت صدق الوعد نافيت مر الصدق وافى

ياديارى الوين انى دور عفينة الشينة انى ما اضينة وزين انى دور عفينة الشينة انى (2)

سنتا وانا اعيش بالقبضة قلبك شاباى للنبضة
جونى العشاء مالقونى جهدية ماكلا كتوفى
يا امونة الشن بتشوفى يا عيونى الشن بتشوفى(2)

شدرا دار اليمامة ولا الصقر الحمامة (2)
ولا الصقر الحمامة ولا البطن التفوفى
يا امونة الشن بتشوفى يا عيونى الشن بتشوفى(2)

جهدية وسيف وراية دبروكة وخيل وشاية
اذان بالجوع اذنلى ام خوفك فايت خوفى
يا امونة الشن بتشوفى يا عيونى الشن بتشوفى(2)

سنتا وانا العيش بالقبضه قلبك شاباى للنبضه جونى العشا مالقونى حهاديه ماكلا كتوفى
جهديه الاورتيه جهديه الحالة ابونا

شدوا جمالم جونا ...جلبنا ليهم سمسم السمسم ما كفاهم جلبنالم سعية

" كلمات أغنية كل ما نقول"
كل مانقول خلصنا الليل

يطلع باكر ليلا" أطــول

كل مانقول كملنا الشيل

تطلع شيلة باكر أتقل

بس نتحمل ونصبر ونأمل

انو الجاى صباحا" أجمل

لكــــــــــــــن كيـــــــــف

وطعم الريد في جوانا اتحول

مرة تشيلك فــــــوق الفوق

مرات تملاك فاقه وضيق

تلقى الدنيا تلم في هموما

تفتح جرحك وأنت تضو ق

تنسى تقول مامنها مـــــنى

دايما بحلم وانأ ممحـــــوق

قلنا كنير الشارع بقصــــر

لما نصــــبر نحنا نــكــون

لما الزول في يوم يتعـــتر

بكـــره القاسو الشافو يهون

وبكره بنمشي ألخطوه الأولي

التانيه التالته

الرابعة الخامسة

فــــــــــجــــــــــــــــــــــأة

نلقي الشارع قسي وأتحجر

نلقي الحلم الفينا أتكـــــــسر

ويبــــــــقى الـــــــــــــزول

مسجون مجــــــنون مغبون

بالــــــــــــهم مسكـــــــون

منحوس ويكوس ويـــكوس

هسه دا شارع ماشى لي وين

لينه عليه سنين وسنين

نمشى كأننا ما ماشين نفتح

سكه نسد اتنين

هوى يا شارع ماشى لي وين