أبوعركي البخيت «كلمات الأغاني»

"كلمات أغنية عبدالحليم"


كلمات وألحان وأداء أبوعركى

عبد الحليم الزول القيم ومستقيم..

رحلت مننا دون متستأذن حبايبك ماشى وين؟؟

عبد الحليم الراحل الحاضر مقيم

كنت داير أغنى ليك ...

وأعرض بين صحابك وبين قبيلتك أهز وأتباهى بيك

أخواتك أنت يزغردن

طارق يهز من فوق عزيز

أمك أنت تجرتقك

شيخ مكى يحضنك ويحتويك

وصحابك فى الأبيض وفى المدائن بيدعو ليك

الليلة غناى بجيك حزين..فيهو أسى ومليان أنين

اتمنى من مولاى رب العالمين

برزخك يكون مع البررة الكرام المكرمين

كلمات د.عفاف الصادق وأبوعركى
ألحان وأداء أبو عركى

من زمن بعيد شديد خلاص أحساسى بيك فايت الحدود
وأنتى روحك سامية بى وكل يوم بتزيد تجـــود
غبت منك ورجعت ليك..لقيتك أنتى حبيبتى باقية على العهود
وعرفت أنك باقية لى وأنا باقى ليك
وعشت لوعة حب جميل غط المساحات والسدود
تاريك أنتى قدر كده..ومتغلة فينى بلا حدود..
تاريك أنتى الروعة الكلها فى الوجود
مشيت بعيد شلتك معاى سافرت بيك..لقيتك أنتى صباحى نور..
بيسبحى فى شرايينى وبستطعم حنين ريدك بخور
ومن قلبا شعوف وشفيق رسلت ليك الشوق عشان يشوفك كيف..
لاقاهو شوقك لى فارد جناحوالوريف.. ويتقالدو الأتنين...
بكو وبكو حتى دمع العين سأل شوقى قال ليهو رايح وين؟؟
رد شوقى وقال رسلنى زول ملهوف لزول حنين ولوف
تاريك أنتى قدر كده ومتوغلة فينى وبالألوف
تاريك أنتى الروعة الكلها فى الوجود ومتوغلة فينى بلا حدود

جسمي انتحل
ابوعركي
حسين حمزه

جسمي انتحل كيف العمل
وانت الطبيب عندك شفاي
لوكنت تبعد في زحل
أويوم بقيت قمه في سماي
لابد في يوم انا ليك أصل
واشرب براي منك دواي
حـن يا طبيب واكشف علي.
وريني مـاسبب الألم
اعطف علي وارحم عيني..
قالوا الشفادونك عدم
شوف الدموع ماليات عيني
.شوف الألم وين أنكتم
أنا يا طبيب قلبي أنجرح
بس كيف جراحوبتلتئم
العمرو ماضاق يوم فرح
ولاحتى في الدنيا أبتسم
كيف بس يعودليهو الفرح
.من بعد ما عاش الألم
قلبي العذب من زمن
يشكي وآهاتو التمن
حن ياطبيب داوي القليب
العاش حياتو مع الحزن
ضمد جراحو ومره سيبو
ينساها ويــــلات الشجن

"كلمات أغنية آه لو أعرف"


آه لو اعرف من آي الأفاق تهب الريح
لكنت سبقت الريح
وكنت نشرت علي جنبات الأفق ردائي
من أقصاه الي أقصاه
لحجب ريح الحزن القادم عن عينيك
وأنصب عرشك فوق الشمس
واعزف موسيقاي
محبا في ملكوت الله
آه لو أقجر
كنت ملأت حديقتنا الجرادء
بالزنبق و الدفلي
وكنت غسلت كآبات الفقراء
من أجلك يا عيني
لكني لا أملك إلا الكلمة في شفتي
اسطرها حينا في الضخر
وحينا مثل المجنون
علي صفحات الماء
زمني قاس
زمني جلاد لايرحم
زمني وجه يتفجر من شفتيه الدم
زمني يا آخت هواي ـأصم
يخنقني كس لا أتكلم
و أنا إنسان يتألم
وأنا أبصر أسمع أعلم
أعلم أن الحرية تحكمها القضبان
أعلم ان الثورات تموت وتولد في الإنسان
أعلم أن لاشئ سوي ظلمات
لاشئ سوي روح مظلم
لو ماتت في شفتي الكلمات و لو أطبقت عليها الفم
زمني قاس
زمني يا أخت هواي عجب
مؤسم جوع وجبال ذهب
زمني يا أخت هواي أصم

"كلمات أغنية ما بتشبه القمر"

للشاعر هاشم صديق

ما بتشبه
القمر
البتاوق من سما
لا بتشبه
البحر الخدار
وجمالها ماحاق
فى غنا
مشيها زى
قدل البشاير
بى مهل
وحديسها زي
همس النسايم
للنخل ايدينها
صابغن الورد
وسلامها زي
روق الجداول
فى الارض

"كلمات أغنية منو القال لى"


منو القال لى من اول

احب عينيك كان ما أسال

قليبي المرهف الحساس

قال لي تعال وامشي معاي

بريتو وقلت في خاطري

الاقي الحب والقي هناي

ولما خلاص بقيت غرقان

في بحرك انتي يا دنياي

رجعت اقول صحي الاقدار بتجبر ناس

وحكم الدنيا ما بي راي

شوفو الشوق حكايتو معاي

عشان لاقيني زول بكاي

هجر دنياه عشق دنياي

يصحي عيوني من النوم

يشيلها يعدي بيها نجوم

الاقي نجومي شايله الشوق

عشان ناسيها برضو نقول

شوفو الشوق حكايتو معاي

عشان لاقيني زول بكاي

هاجر دنياه عشق دنياي

من معزتك أنتي لي

من معزتك آنت لي
ختيتى قلبك فوق أيدي
وقتي ليهو عزيز على
عليك الله احرسو لي
فى صباح وفى عشى
وقتلى لي معاك سلامه

يوم رحيلك من البلاد
دارك مرصع بالسواد
غيم حزن كل اليتامى
وانشر بين كل العباد
وفارقت الناس السلامة

ست التوب
شفت التوب و ما لاقاني أجمل منو
بس التوب ... شوفو التوب
وسيد التوب يكون كيفنّو
***
نظرة سريعة مريت بيها ما أتمتعت
خطوة وحيدة بيني و بينها لو أسرعت
خلت طيبها مالي الساحة
زيها مافي لا شاهدت لاني سمعت
***
من جاراتها قادلة حلاتها
دخلت بيتها سرت حداها
داير ألقاها تب ما لقيتها
حتي الحنة ديك ما نسيتها
قادت ناري لو تطفيها ليّ يا ريتها
***
أستنيت و قلت أظن ترجع تاني
يمكن أشوفها
,أصلو الزول حياتو أماني
نظرة بريئة
مهما نابني ما هماني
لو ألقاها يرتاح بالي و يصبح هان

"كلمات انادي فيك"
انادي
انادي
انادي
انادي فيك كل غناي
يجيني غناي ويصبح لي صداهو الجاي
وعيونك.. آه .. تغني معاي
غناها جميل مشبع بي نغم عطاي
بعد فاضت موسيقتو بحور
وغسلت البلد بالنور
وهدهدت القلب لولاي
بقيت انا كلي منك وليك
وبقيتي انتي لي ضراي
وبقيت انا اغزل الالحان
وبقيتي انتي معني غناي
غني عيونك وصوت الناي بمثلو لي نغم واحد
غني عيونك وصوت الناي بمثلو لي نغم واحد
غني عيونك وصوت الناي بمثلو لي نغم واحد
غني عيونك وصوت الناي بمثلو لي نغم واحد
صوت الناي عميق وحزين
وصوت عينيك نغمو حنين
تهت كتير وبيناتهم بقيت بين بين
افسروا كيف نضم عينيك
واترجم كيف نغيمت الناي
ما عارف اترجمو كيف
وحاتك انتي يانغم البنات الغني في دنياي..

"كلمات أغنية دبشـليم"


أرضك ظمـــــأي
والخريف شح هذا العام
والمتسولون يزحفون
والاقــــــزام….
يعربدون في نواحي المملكة
ياملكا متوجا علي حطام
ياقائدنا بغير معركة
هذا أوان المعركة
****
يادبشــــليم
الحق صوت الله
وكلمة الحق
هي الحياة
فلا تضق ذرعا
اذا تحركت به الشفاه
اسامعي يا بدبشليم ؟؟!!
الفجر منصوب الوشاح
وابتسامة الشفق مصفرة
ونحن والغيوم شاهدان تحت قبة الافق
أسامعي ؟!
اكاد ان اشم نفس الرائحة
اكاد ان المس باليدين
****
في الارض ثورة
وفي السماء ثورة
ياديشليم
الارض تطحن النجوم
والريح تمضغ الغيوم
وا تعذب نوم العين
فكيف تستغذب نوم العين
وانت بين بين ؟؟؟؟؟؟!
اعلم ان الموت حق
والحياة باطلة
والمرء يعيش
ومهما عاش الا ليموت
وكل صرخة
مصب نهرها السكوت
واروع النجوم
هاتيك التي تضئ درب القافلة

الزمن الملح

السر عثمان الطيب

يا كافي البلا

يا حايْدَ المِحَنْ

شيشَك . . يا زمن

شيشَك .. يا زمن

**

من كَمِّين سنة

السنة .. فوق سنة

مافيهِن نهار

ما شات .. ليل .. صُرُف

سادَّات في الحَلِق

عشراقات غُصصْ

فالحات في السُّكات .. جِرّيح الغنا .. وقِطّيع العشم

رمَّاضات هجير

منداحرات غُلُب

حلاَّبات سراب

فوق رملاتْ وَهَمْ

زانَّات فوقنا زَنْ

لو ما أخشى ظَنْ

زي مليون سنة

ديل مليون سنة ..آهـ ..يا اْم الحَسَنْ

**

آهـ .. يا اْم الحَسَنْ

البيناتنا دا

زي ما كان أبوي "ودَّ احمد" ..زمان

وامِّي "النِّعمِي"..كان

كُلْ ما جا التَّساب

شالوا من "البحر" أرزاق السنة

وقسَّمُوا كمْ قِموحْ

للجار والبعيد

خَتُّوا على السنة .. فوقا عيدينا ..عيد

وما خلُّوا البحر

آهـ .. يا اْم الحَسَنْ

شال الكان وكان.

**

آهـ .. يا اْم الحَسَنْ

البيناتنا دا

لا محدود مكان

لا محدود زمان

كان شِي كتير خلاص

أرحب من فضا

زي ساعت فراشة .. حامت حول زهرة

أخجلت إحمرارا

قبال ما ترك

زي ساعت يموت .. شافع بالضحك

مليان إنبهار

مسكون بالرضا

البيناتنا دا

زي رجع الصدى

لا انتهى .. لا ابتدا

لا وقع ارتطامو بي حايط المدى

فتت عنفوانو

أو صابو الصدا

البيناتنا دا

رعشة سنبله

طافت فوقا نسمة .. عن شق الصباح .. بلتا بالندى

**

آهـ .. يا ام الحسن

قالوا جناك غرق في بحر "الجريف"

شوف .. معكوسه كيف !!!

زي وش الزمن

السمحين .. مضوا

والزمن السمح

خلولنا الأسف .. والزمن الملح

**

حيرني السؤال

في الزمن الملح

ليه الليل يطول..

لا من يبقى حول

ويسكن في البيوت ؟

وليه ما الشمس تقلب قادوس الإفول

لو فد مره تشرق



وأصلا ما تفوت ؟؟؟

وليه الناس تكوس

في الزمن الملح .. ما تلقى الحكيم ساعت تنجرح؟؟

تشرب في السراب

تاكل في التراب

وتشحد بالفريق في حق الكفن ؟؟

ليه؟وعشان شنو؟

وشان خاطر منو؟

مظلوم الحسين ..

ومظلوم الحسن؟؟

ليه حلو الحديث .. موصوم زندقة؟؟

والسمر الطفولي .. راجا المشنقة؟؟

شيشك.. يا زمن

يا زمن الملح

ما هديتو .. هد ..كتف ام الحسن !!

نظرات عيونك

كلمات ابوعركى البخيت
______________

نظرات عيونك
سورت بوميض مشع
اسرت القلب
مرتاح زمن
من لوعة العشق
البرسل من عيون مليانة حب..

نظرات عيونك
صحت الغنا فى فى الحنايا
وعمرت فينى الزوايا
وجددت فينى الطرب..

اهى دى العيون
الفيها كل الكون بتجمع ضياءهو..
واهو ده الجمال
الفيهو بنسى الزول شقاهو..
واهو ده الزمن
ونحنا عشاق لى زمنا..
باللفيهو وبالعليهو
وبالمعاهو
ونحنا عشاق ليكى انتى..

بخاف

بخاف أسال عليك الناس

بخاف أسال عليك الناس

وسر الريده بينا يذيع

بخاف أكثر كمان ياغالي

من إيديّ إنت تضيع

وأعيش بعدك حياتي جفاف

آه مواسم ريده بينا مافي ربيع


بخاف يا إنت لوجيتك

ألملم في خطاوي الشوق

وأزور بيتك

يقولو عليّ حبيتك

بخاف لوبرضي غبت عليك

تقول نسيت وجافيتك

بَهـِم لو صدفه لاقيتك

درب حِـِلـِّتنا جابك يوم

تشيل ياروحي ترمي اللوم

عليّ وتزيد همومي هموم

تقول جافيك وأنا نسيتك ؟؟؟

أريت تعرف

حنيني إليك ياريتك

كمان تعرف

لحد وين بعزك

وفي أعماقي حسيتك

ياريت انت تعرف

ياريت انت تعرف

وبس خايف إذا جيتك

حكاية الريده تمشي تذيع

ومن إيديَّ إنت تضيع

وأعيش بعدك آه حياتي جفاف

مواسم ريده مافي ربيع

"كلمات اغنية الجميل السادة"


الجميل السادة
وضاح المحيا
التفت يوم شفتو
ماقبلان تحية
من دلالو ولا مالو
خلا نيران قلبى حيه
ابتسامة الزول بتنبع من شعورو
كيف تزعل لو تعبر عن سرورو
والبقابلك بيتسم ليك من ضميرو
لو سمحت تجاملو بمجرد تحية
كان أملى تفرحنى منك ابتسامة
وابتسامتك حلوة بتزيدك وسامة
العيون تتلاقى ويتم انسجامها
وكل واحد بيحلم بلحظات هنيه

ياقوت العرش
محمد مفتاح الفيتوري


دنيا لا يملكها من يملكها
أغنى أهليها سادتها الفقراء
الخاسر من لم يأخذ منها
ما تعطيه على استيحاء
والغافل من ظنّ الأشياء
هي الأشياء!
تاج السلطان الغاشم تفاحه
تتأرجح أعلى سارية الساحة
تاج الصوفي يضيء
على سجادة قش
صدقني يا ياقوت العرش
أن الموتى ليسوا هم
هاتيك الموتى
والراحة ليست
هاتيك الراحة
**********
عن أي بحار العالم تسألني يا محبوبي
عن حوت
قدماه من صخر
عيناه من ياقوت
عن سُحُبٍ من نيران
وجزائر من مرجان
عن ميت يحمل جثته
ويهرول حيث يموت
لا تعجب يا ياقوت
الأعظم من قدر الإنسان هو الإنسان
القاضي يغزل شاربه !!!
وحكيم القرية مشنوق
والقردة تلهو في السوق
يا محبوبي ..
ذهب المُضْطَّر نحاس
قاضيكم مشدود في مقعده المسروق
يقضي ما بين الناس
ويجرّ عباءته كبراً في الجبانه
*********
لن تبصرنا بمآقٍ غير مآقينا
لن تعرفنا
ما لم نجذبك فتعرفنا وتكاشفنا
أدنى ما فينا قد يعلونا
يا قوت
فكن الأدنى
تكن الأعلى فينا
***
وتجف مياه البحر
وتقطع هجرتها أسراب الطير
والغربال المثقوب على كتفيك
وحزنك في عينيك
جبال
ومقادير
وأجيال
يا محبوبي
لا تبكيني
يكفيك ويكفيني
فالحزن الأكبر ليس يقال...