الشاعرة زينب ترثي الفنان محمود عبد العزيز

في رثاء الفنان الراحل محمود عبد العزيز
01-18-2013 12:03 am
=====================

رحل صوت الغُنا و سافر
بدون لا مرسى لا شطآن ..
رحل لا قيف يصد الموج
ولا البحر الغشاه أمان ..
رحل محمود وكان محمود
فتر صوت الغنا النديان ..
رحل ورحيلو كلو ألم
غياب المغني والانسان ..
رحيلو وجع قلوب الناس
ضياع للكلمة والألحان ..
ولا بحركنا تاني وتر
ولا لحن وغنا وأشجان ..

يا محمود غناك سليم
سليم المعني والأوزان ..
عشان غبت وغيابك طال
سكت حس الرباب حيران ..
سكت واعلن عليك حداد
سكت واتيتمت أزمان ..
وناحت في المدينة عيون
وناح نبض الوتر وكمان ..
و يوم غاب الجسد بُحنا
وصرخنا رحلت ليه يا جان ..
صحيح انو الرحيل جبرا
رحلت ومارحيلك هان ..
بكت كل البيوت نائحة
هطل سيل الدمع هتان ..
عشان انت الغنا الصادق
بكاك سودانا كلو الآن ..
ومهما كان شكل نبضك
حيفضل أعزب الالحان ..
حيفضل في غنانا خلود
خلود الفكرة والانسان ..

==============

================
واخيراً لا نملك الا ان نقول ما يرضي الله تعالى
لله ما اعطى ولله ما اخذ - "إنا لله وإنا إليه راجعون"