تويت
حيدر الشيخ «منك لا»
منك لا ...
منك لا ... ومن غيرك بَدِسْ
زيي انته وكل من عندو حِسْ
الحديث مع غيرك أوزِن وأجِسْ
لكن معاك صراحة ورِقة وسَلِسْ
مرات إشاره ومرات هَمِسْ
ولي القلوب داعب لَمِسْ
سهم لحظك فينا مُنغرِسْ
ليهو الله .. الفي هواك اصبح مُنغمسْ
غيرك الجو جحيم وسَدَة نَفِسْ
ومعاك جميل هبهب نسيم طَقِسْ
زي فرحة الناس في الزمن اليِبِسْ
سيرة وزفة ولمة عِرِسْ
دمعة فرح إتعتق مُنحبسْ
من وجهو النَضَار طلعت شَمِسْ
اُستاذي كَمِل معاي باقي الدَرِسْ
