تويت
أنور ميرغني يوسف «قالت لا !!! »
قالت لا !!!
أقول شنو ؟؟؟
ما كل الغناوي
إتقالت فيك
وأي شاعر إتغزل
قلت شاف عينيك
حتي الغيوم !!
منشرة في الأفق
بتفتش عليك
شافك القمر إتلاشي
وساب مكانو ليك
دي الطيور لما غنت
كانت فرحانة بيك
والنيل الشاقي بلدنا
كان بحكي روعة مشيك
***
بس كان مناي جنبك
أنسي عذاب سنيني
ووكتين تشع بسمتك
تذوب جليد أحزاني
ونظرة من عيونك
تطفي نار حرماني
ولو شفتي كيف ؟؟
حبك سكن فيني
وبعدك صبحت تائه
ديمة ذائد أنيني
ما كان قلتيها لا
وللألام وراك سبتيني
***
برغم الحب الباين
في عيونك ؟؟؟
بتقوليها لا ؟؟؟
تحكمي علي أسيبو كونك
أسيبك ؟ وين أقبل ؟؟
ما خلاص بقيت مجنونك
ويشهد الصباح !!!
الشال صفاهو من لونك
والشمس السرقت ضوها
من نور جبينك
محال أسيبو دربك
أو أقول
أمشيهاخطوة دونك
محال أهدم قصور أمال
شيدتها في مدن عيونك
محال !!!!!!!!!!!
