تويت
أنور ميرغني يوسف «أحلى زول»
أحلي زول
بعدما جارت الأيام
والدنيا مني قبلت وشها
قلت الأفراح زمانا راح
والمودة خلاص فارقتها
طويت آلامي في الأعماق
والآهة جواي دفنتها
فجأة طليت في دناي
يا أحلي زول يا مشتهي
وفي لمحة غادرني الحزن
وأجمل إحساسات عشتها
تسمح يا أحلي زول
أحكيلك حكاية ريدي ؟؟
تسمح يا أحلي زول
أدسك في وريدي ؟؟
أنا بيك صالحني الفرح
لحظة طلتك ياها عيدي
بتتذكر لحظة سالمتك
وإيدك ضمت إيدي ؟؟
من اللحظة ديك يا جميل
ريدك سكن وريدي !!
