تويت
حمزة يوسف «معليش»
بتطلع من شفاه ما اتعوّدت غير تبتسم
معليش سمعتها إلا بس اتمنى لو كان تنقسم
كل مرّة يطلع نُص حرف حتى البيطلع ينقسم
لامن تكمِّلي للحروف معليش أقول لك ما فِهِم
تعيدي القُتِّي من تاني بدل اعتذار يصبح نضِم
عاد وقفتِك جنبي بتطول اسأل عن الحال والاسم
وسر البسيمي الدّايمي فوق وجه القمر وكتين يتم
اصلو الحديث ما ذو شجون يمتد معاك أجمل حلم
أبدِع وانوّع في الكلام ما عندي غير نضم الخشم
سبحان من سوّى القوام زان الخدود رسمن رسم
كحّل لحاظك بالدّلال محروسة بي أجمل نظم
بوراها ليل دافر الصباح نوّر ظلام ليلي العِتم
طيّب جسيمك عطرو فاح عمّ الأرض طال النّجم
غلطان أنا الما شُف وراي لو ما بشوف مفروض أشِم
ماكُتَّ وسَّعت الطريق لي زول رزين خِلقة ونضم
لمَّن كلامي كِتر شديد بي روقة قالت لِي التزم
جسمي ارتعش هضلم نشف اصبح خيال ساترو الهدم
آخر كلامي وصية ليك دلّي الخمار غتِّي الجسم
شان العيون ما تلحظك وترميكِ بي سهمَا المُسِم
أصلو الخلوق حاسدين خلاص ما بصلّوا ما بقلبوا الاسم
خايف ضحاياك يكتروا والمابيموت بك يتوهِم
يركب قصبتو مع البُطان وأبيات غُناك بيهن ينم
معليش سمعتها إلا بس اتمنى لو كان تنقسم
كل مرّة يطلع نُص حرف حتى البيطلع ينقسم
لامن تكمِّلي للحروف معليش أقول لك ما فِهِم
تعيدي القُتِّي من تاني بدل اعتذار يصبح نضِم
عاد وقفتِك جنبي بتطول اسأل عن الحال والاسم
وسر البسيمي الدّايمي فوق وجه القمر وكتين يتم
اصلو الحديث ما ذو شجون يمتد معاك أجمل حلم
أبدِع وانوّع في الكلام ما عندي غير نضم الخشم
سبحان من سوّى القوام زان الخدود رسمن رسم
كحّل لحاظك بالدّلال محروسة بي أجمل نظم
بوراها ليل دافر الصباح نوّر ظلام ليلي العِتم
طيّب جسيمك عطرو فاح عمّ الأرض طال النّجم
غلطان أنا الما شُف وراي لو ما بشوف مفروض أشِم
ماكُتَّ وسَّعت الطريق لي زول رزين خِلقة ونضم
لمَّن كلامي كِتر شديد بي روقة قالت لِي التزم
جسمي ارتعش هضلم نشف اصبح خيال ساترو الهدم
آخر كلامي وصية ليك دلّي الخمار غتِّي الجسم
شان العيون ما تلحظك وترميكِ بي سهمَا المُسِم
أصلو الخلوق حاسدين خلاص ما بصلّوا ما بقلبوا الاسم
خايف ضحاياك يكتروا والمابيموت بك يتوهِم
يركب قصبتو مع البُطان وأبيات غُناك بيهن ينم
