ست البيت { قصتها }

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ست البيت { قصتها }

    الشاعر محمد ود الرضي
    كتب قصائد كثيرة جدا في الغزل ويحكى ان
    زوجته زعلت منه
    وقالت ليهو كتبت قصائد كثيرة الا انا ما كتبت فيني اي قصيدة
    قام شاعرنا علي طول كتب قصيدة ست البيت و بدأ بالرمية ثم نص القصيدة وقال فيها:

    الرمية:
    قالت وداع لي قلوبنا صاح .. اتبكمو الناس الفصاح
    الجن صحا وجنو النصاح.. الجاهلة مي جاهلة نصاح
    جات من تقوم ترعى الضنى.. الربرباي يا حسبنا
    تــنت الكتيف في الانبنا.. الجاهلة يحفظا ربنا
    قلت ليه رف قال لي بعيد لوكان قريب يوم الوعيد
    قلت ليه درني اكون سعيد .. قال لي ولا في كل عيد
    يا جميل حي .. الليلة هوي ليلنا

    ست البيت

    اريدا براها ترتاح روحي كل مااطراها ست البيت

    قالت جارتا مجاوراها تجي شايله وتجي مزاوراها
    تلحظ احتياجنا براها نشكر سعيها بي وراها
    ست البيت
    ربنا بالجمال كافاها لامن قال قواما كفاها
    المسروره مي تافاها ياحلاة الكلام الكلام في فاها
    ست البيت
    راقيه سكوته من ميلادا مو سكاتاً تنوبوبلاده
    نضيفه ومنظمين اولادا برضها عندي حلوه جلاده
    ست البيت
    تتلاصف سرور وجناتا الرافيه الكتار حسناتا
    طيبة عشره مي غلاتا ماسابت الشباب لي بناتا
    ست البيت
    مابتحسب علي كليا تكرم كل منسوب لي
    اطوع من بناني الي واشفق من جنايا علي
    ست البيت
    ماقالت بقيت حبوبه وتركت بوختا المحبوبه
    لوجات من رياحا هبوبه بتحيي عروقك المهبوبه
    ست البيت
    من صابحتها وماسيتا طاعمه وناعمه لومسيتا
    ماقاستني ماقاسيتاوتشكر فضلي كل ماكسيتا
    ست البيت
    مي العزايه دايماًساقده ومي الغبشه المفبره حاده
    مي اللهفانه بي ورا الماده دي اللي شبابا ديمه موادا
    ست البيت
    فاضي البال حليللا جنابو مااتغضبن لمس اشنابو
    ولايوم سوء تفاهم نابو دي الامثالا نتغنابو
    ست البيت
    لو كان يوم حبيب واصلي الكرم العريض يوصلي
    منها قط خلاف ماحصلي بس ازعاجا لي قوم صلي
    ست البيت
    ليه ماشكرا مطاوعاني وحافظه لمتعتي وحافظاني
    حاويه من الانوثه معاني ومها ابقى مر بالعاني


    والغناء السوداني رائع ومتنوع في مواضيعه وفي ثقافاته و فى هذا النص تكريس للوفاء والامتنان من الشاعر لمحبوبته والتي هي زوجته .. والمدهش في هذا النص أن الشاعر كتب هذا النص ولم يكن في بداية حياته الزوجية أو في السنين الأولي لزواجه منها وهذا واضح من البيت ما قالت بقيت حبوبة ...

    التعليق
    (تلحظ أحتياجنا براها) لا تحتاج أن يطلب منها وهذا نكران الذات الذي تتمتع به
    المرأة السودانية بل تلاحظ وتتم فتكون حياتها مرتبة مكتملة غير ناقصة .

    المسرورة مي تافاهة : أي لا تتحدث بتافه الكلام ولاتهتم بتوافه الأمور وهذا
    أجمل الكلام في حق المرأة المتهمة من الرجل الشرقي بتفاهة التفكر
    يصفها بأنها سكوتة أي لا تكثر الكلام ويستدرك لأن الصمت ليس دائماً دليل
    حكمة يستدرك مو سكوتاً تنوبو بلادة بالله عليكم لاحظوا هذا المدح
    الجلاد قطعة من جلد أحد الحيوانات طيبة الرائحة تضعها النساء في زجاجة
    العطر لمزيد من الطيب وهو يشبهها بقطعة الجلاد التي يحلى بها العطر ما أطيبها وما أطيبه

    مي غلاته يقصد أنها لا تغضب أحد .. وما سابت الشباب لبناتها أي أن بناتها بلغن سن
    الشباب لكنها لم ترجع للصفوف الخلفية وإنما وقفت معهن في صف الشباب
    على الأقل في نظره.
    هذا حال أمهاتنا وجداتنا تعبِّر عن حبها للرجل واحترامها له بحبها واحترامها لكل
    ما له علاقة برجلها ترتب أشيائه وتكرم أصدقائه
    وتحفظ متعلقاته (إن غاب عنها حفظته)

    طاعمة وناعمة لو مسيته : وهذا تلخيص لكل معاني الجمال الحسي والمعنوي
    وأوسع وأجمل تعبير يصادفني في الغناء السوداني شافي وكافي

    دي الأمثالا نتغانابو : أي مثل هذه المرأة جدير بأن نتغني بها وهي أهل
    ذلك وتستحق
    بس إزعاجا لي قوم صلي : وهذا تأكيد المدح بما يشبه الذم
    ليه ما أشكرا مطاوعاني : وهي تستحق شكرك وتستحق شكرنا

    شاعرنا ود الرضي عليك رحمة الله..
    التعديل الأخير تم بواسطة ودالبشير; 03-14-2013, 04:28 PM.




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..


  • #2
    الفن الجميل

    زمان كان فى الصوت الجميل والكلمه المعبره والبليقه والالحان الشجيه وسمع النظيف ست البيت اعجوبه في عالم الفن السودانى حتى الان اتمنه اسمع اغنيه فى زمنا دا بى نفس قوة ست البيت

    تعليق


    • #3
      الخرطوم

      ودالرضي هو شيخ الشعراء لك الشكر

      تعليق

      يعمل...
      X