تويت
محمد إسماعيل الرفاعي «تايه جُواي»
تــايه جُـواي
الساقيه المرقت من حلمك
شان تفرح بيها تقوم تزرع
شغّاله تجفّف في جوفك
شان كل بنيانك يتصدّع
والصوت الطالع ما صوتك
ما دام نبراتو بتتوزّع
تصبح نيران .. تهري الوجدان
وتشوف بي عينك كم مصرع
وإنت بتتحرٌق في جمرك
والمغسه الفيكا ابت تطلع
حواليك أطفال.. قابضين الجو
ساويين الحوش ملهى ومرتــع
بتمردغو في خيرات ونعيم
وشوشهم نــاعمه دوام تلمع
لابسين قفطان .. عايشين في أمان
والكل تريان
بتشافو كبار لكين شُفّع
لا شدّوا الحيل .. لا ضاقو الويل
لا بيمشو عديل .. لا بشوفوا الزول البتوجع
لا بيدو طحين .. لي زول مسكين
راجي التموين .. من غلبو الفيهو بتعتع
طول عمرو جريح .. يقبض في الريح
مالنّو وحيح.. في مُرّو بيشرب ويتجرّع
والعندو المال .. مستور الحال
شبعان .. تريان .. ياكل في المزه ويتوّع
شبعان بالحيل .. من حق الغير
ما عندو ضمير .. لكين بالزور مالك مصنع
وأنا لسه بلِف جوايا وأدور
في نفسي أتوه
كايسلي دريب .. يمرقني عديل
شان ناوي أهج .. تب ما أرجع
الساقيه المرقت من حلمك
شان تفرح بيها تقوم تزرع
شغّاله تجفّف في جوفك
شان كل بنيانك يتصدّع
والصوت الطالع ما صوتك
ما دام نبراتو بتتوزّع
تصبح نيران .. تهري الوجدان
وتشوف بي عينك كم مصرع
وإنت بتتحرٌق في جمرك
والمغسه الفيكا ابت تطلع
حواليك أطفال.. قابضين الجو
ساويين الحوش ملهى ومرتــع
بتمردغو في خيرات ونعيم
وشوشهم نــاعمه دوام تلمع
لابسين قفطان .. عايشين في أمان
والكل تريان
بتشافو كبار لكين شُفّع
لا شدّوا الحيل .. لا ضاقو الويل
لا بيمشو عديل .. لا بشوفوا الزول البتوجع
لا بيدو طحين .. لي زول مسكين
راجي التموين .. من غلبو الفيهو بتعتع
طول عمرو جريح .. يقبض في الريح
مالنّو وحيح.. في مُرّو بيشرب ويتجرّع
والعندو المال .. مستور الحال
شبعان .. تريان .. ياكل في المزه ويتوّع
شبعان بالحيل .. من حق الغير
ما عندو ضمير .. لكين بالزور مالك مصنع
وأنا لسه بلِف جوايا وأدور
في نفسي أتوه
كايسلي دريب .. يمرقني عديل
شان ناوي أهج .. تب ما أرجع
