تويت
الدكتور محمد حسن «بين زمنين ايقاعهم فارق»
بين زمنين ايقاعهم فارق
وقفت ندهت ،
وليك شديت اوتار العصب
الفي اشواقه متيم وغارق .
ضبطت رزيم ايقاع النبض الهادر ،
فجيتها،
ستاير ظلمة ليلاً هالك
وطل جبينك زاهي وباهر
فيه ملاحة
وبسما بارق.
حينها
ماجت كل خواطر شايلها رؤاك،
واتوكلت
ليك اسرجت رياح الكلمة ،
لجمت صهاوي الشعر الجامحة
ركبت شعاع الضو الساطع من عينيكي
وجيتك مارق ...
شايل كل اشجان
احلام بتراود لي عصفور بيغني حداكي
كلام العاشق ،
شايل كل اشواق الزول السافر
فجأة ،
دون ما يوادع
زولو الكان خاتيه امان
للزمن الماحق.
واتلقيتي هواي
وقلت :
(دوبي القول الفيه بحسك
حبة قلبي ،
وفيه بقالد لي للنسمات الجاية صباح
شايلة عبيرك مسكا عابق.
دوبي وشيل النم
اشجان بتسابق )
نزلت من اعماق الروح الشايلة
هواك النمة،
ودمعا حارق.
اتناغمت على بابين
ضلفة قلبي،
وضلفة باب بيودي عليك .
وكان مشهاد الرحلة
الفيها بساسق ،
حرفين اتنين
الحاء ...
الحارة ونارها مجامر عاطفة
لهيباً باقق,
الباء
البيها بجر القافية قصيدة
وشعرا ،لي نفاسي ،
قصاد انفاسك
مؤكد سايق .
ولما عيونك عليك تطل
بحس اللوعة
وليك بقول،
قطعا ،
اني العاشق
وقفت ندهت ،
وليك شديت اوتار العصب
الفي اشواقه متيم وغارق .
ضبطت رزيم ايقاع النبض الهادر ،
فجيتها،
ستاير ظلمة ليلاً هالك
وطل جبينك زاهي وباهر
فيه ملاحة
وبسما بارق.
حينها
ماجت كل خواطر شايلها رؤاك،
واتوكلت
ليك اسرجت رياح الكلمة ،
لجمت صهاوي الشعر الجامحة
ركبت شعاع الضو الساطع من عينيكي
وجيتك مارق ...
شايل كل اشجان
احلام بتراود لي عصفور بيغني حداكي
كلام العاشق ،
شايل كل اشواق الزول السافر
فجأة ،
دون ما يوادع
زولو الكان خاتيه امان
للزمن الماحق.
واتلقيتي هواي
وقلت :
(دوبي القول الفيه بحسك
حبة قلبي ،
وفيه بقالد لي للنسمات الجاية صباح
شايلة عبيرك مسكا عابق.
دوبي وشيل النم
اشجان بتسابق )
نزلت من اعماق الروح الشايلة
هواك النمة،
ودمعا حارق.
اتناغمت على بابين
ضلفة قلبي،
وضلفة باب بيودي عليك .
وكان مشهاد الرحلة
الفيها بساسق ،
حرفين اتنين
الحاء ...
الحارة ونارها مجامر عاطفة
لهيباً باقق,
الباء
البيها بجر القافية قصيدة
وشعرا ،لي نفاسي ،
قصاد انفاسك
مؤكد سايق .
ولما عيونك عليك تطل
بحس اللوعة
وليك بقول،
قطعا ،
اني العاشق
