تويت
الدكتور محمد حسن «عينيك مرافئ»
عــيــنـيك مـــرافـــئ
لما يهزمني السفر
وتبدا تلفظني المنافي
البحار يتعالى موجا
ما بلقى غير عينيك مرافي
فيها احساس الامان
والكلام البينا خافي
اصلي عارف
انو قلبك ديمة نادي
وبالحنين مليان ووافي
يا بنية
جيتي من عمق السنين
كوني عارفة
لما انت تكوني مافي
برتحل عبر الاسافير
وامتطي سروج القوافي
انشد الكلمة التفرد
ولما في لحظة تصافي
حين تماس حسي وشعورك
والنسيم بيناتنا ناعم
تنتفي حدود التجافي
ويتبرعم الشوق المدكن
جوة في جوف السهر
وليك اغني
( ما هو عارف
قدم المسافر )
وليك بقدل
زاهي حافي
ويطرب القيف والنهر
ياليل ياعين
آهة تتموسق دلال
وزفرة تتناغم حنين
والقاك يا فرح الاماسي
لما يفتلني الانين
حاجة تفرح للرؤى
بلسم جروح
للروح وشافي
واشتهيك
لما يزداد الانين
الاهة تتسرسب وجع
ويتشد بين حرفي وقليبك
كم وتر تريان رنين
تسقيني من خمرك دنان
اسقيك شعر نديان وصافي
واسجع ارجع اغنيات
( يا قمر دورين)
واتمايل
جوة الجوة عريق النيل
والليل الهادي
فيه القمر اتدور و ضو
وكنا اتنين
ويلا
نقص القصة
ونحكي حكاية
من آهات الناس الصدحو
وآه يا ليل
وآه يا عين
لما يهزمني السفر
وتبدا تلفظني المنافي
البحار يتعالى موجا
ما بلقى غير عينيك مرافي
فيها احساس الامان
والكلام البينا خافي
اصلي عارف
انو قلبك ديمة نادي
وبالحنين مليان ووافي
يا بنية
جيتي من عمق السنين
كوني عارفة
لما انت تكوني مافي
برتحل عبر الاسافير
وامتطي سروج القوافي
انشد الكلمة التفرد
ولما في لحظة تصافي
حين تماس حسي وشعورك
والنسيم بيناتنا ناعم
تنتفي حدود التجافي
ويتبرعم الشوق المدكن
جوة في جوف السهر
وليك اغني
( ما هو عارف
قدم المسافر )
وليك بقدل
زاهي حافي
ويطرب القيف والنهر
ياليل ياعين
آهة تتموسق دلال
وزفرة تتناغم حنين
والقاك يا فرح الاماسي
لما يفتلني الانين
حاجة تفرح للرؤى
بلسم جروح
للروح وشافي
واشتهيك
لما يزداد الانين
الاهة تتسرسب وجع
ويتشد بين حرفي وقليبك
كم وتر تريان رنين
تسقيني من خمرك دنان
اسقيك شعر نديان وصافي
واسجع ارجع اغنيات
( يا قمر دورين)
واتمايل
جوة الجوة عريق النيل
والليل الهادي
فيه القمر اتدور و ضو
وكنا اتنين
ويلا
نقص القصة
ونحكي حكاية
من آهات الناس الصدحو
وآه يا ليل
وآه يا عين
