تويت
الدكتور محمد حسن «شوقا مجرتق بالمُنى»
شـــوقـــا مــجـــرتــــق بــالـــمُـــــنى
اتقاطر سحاب
هتن مطر
شايل صبابات الهوى
قالد طمي النيل المشبع بالوفا
صدحت مسامات الضفاف
يانيل تعال نرقص سوا .
منك
بدايات القصيد
مني الحنين
والارتحال
وبداية الكلمة الجنون
هيمانة تتفتق نشيد
مليان جوى .
جيتيني من وين؟
في زمن شايل ملامح غربة
الزول بالسنين
سايقاه قافية النوى
دندن عذاباتو الانين
لا كل من طول السفر
لا في الاغاني
استعذب النغم الدوا .
( جيتك
من مكامن الريدة
في قلبك براك
ناديتني
من همسك علي
لمن يكون لون القمر فضة،
بوحك يرح يردح
يهز جوة القلب نبضة.
اصل القليب بيه انكوى)
برقك شلع
مابين مسارب الروح ..و اتدفق بهر
وفتحتي نفاج،
جواي، في شريان مؤكسج بي هواك
عطر قليب عاشق موله لي لماك
فتقتي جوة الروح مداين
من تباريح واندياح
انشودة تطمح لي سماك
والقاك
ياوجعا مدكن
في مسارات الغنا
ترنيمة لي زولا نوى
يسرج خيول جامح الشعر فجرا
يتوضى بي نور السحر
جهرا
يتنفل الاوراد ضحى
وجعا مجرتق بالمنى
شديني فيك وترا مدوزن للغنا
ختيني فيك
ايقونة للزمن الوعد
لي لحظة الفال السعد
اديني من ضي العيون مسدار هنا
اتقاطر سحاب
هتن مطر
شايل صبابات الهوى
قالد طمي النيل المشبع بالوفا
صدحت مسامات الضفاف
يانيل تعال نرقص سوا .
منك
بدايات القصيد
مني الحنين
والارتحال
وبداية الكلمة الجنون
هيمانة تتفتق نشيد
مليان جوى .
جيتيني من وين؟
في زمن شايل ملامح غربة
الزول بالسنين
سايقاه قافية النوى
دندن عذاباتو الانين
لا كل من طول السفر
لا في الاغاني
استعذب النغم الدوا .
( جيتك
من مكامن الريدة
في قلبك براك
ناديتني
من همسك علي
لمن يكون لون القمر فضة،
بوحك يرح يردح
يهز جوة القلب نبضة.
اصل القليب بيه انكوى)
برقك شلع
مابين مسارب الروح ..و اتدفق بهر
وفتحتي نفاج،
جواي، في شريان مؤكسج بي هواك
عطر قليب عاشق موله لي لماك
فتقتي جوة الروح مداين
من تباريح واندياح
انشودة تطمح لي سماك
والقاك
ياوجعا مدكن
في مسارات الغنا
ترنيمة لي زولا نوى
يسرج خيول جامح الشعر فجرا
يتوضى بي نور السحر
جهرا
يتنفل الاوراد ضحى
وجعا مجرتق بالمنى
شديني فيك وترا مدوزن للغنا
ختيني فيك
ايقونة للزمن الوعد
لي لحظة الفال السعد
اديني من ضي العيون مسدار هنا
