تويت
الدكتور محمد حسن «لهجك هجين»
لهجك هجين
شايل نداوة نيلنا في ساعة المشارق
وفيه رنة عود حنين
طبعك تحدي
و فيك رقة زول رزين
وكان القدر يوم جيت على بابك
شايل كل زكايب الغربة والليل الحزين
دقيت على استحياء
وخايف
من جواب
يصفع رجا حلم الظنون
وفتحت لي طاقات هوى
زخرفت اطراف القوافي
بي جمال حسنك
وبي كل الشجون
واتبدل اللون السواد
وانزاحت الآهة الانين
واتماوج الغزل الشعاع الفي العيون
اتراقصت ليك الحروف
بيك ازدهيت
دندت بي اجمل لحون
وبقيت
عديييل
عاشق موسم بالجنون
