تويت
الدكتور محمد حسن «وريني كيف»
وريــــنــــــــي كيـــــــــف
وريني كيف انظم هواك أجمل كلام؟
واختار حروف فيها البهاء
مصقول نداها من الغمام
واكتب وأقول
أوصاف جواهر حسنك الباهر
وكم عز المنام
وريني كيف يا حانية زى فرخ الحمام
اقدر أترجم للمشاعر
والحكايات الهيام
وريني كيف النيل حداك
من زلالك
اكتسب طعم الحلاة ،
ومن نور ضياك
كيف القمر
اخد التمام!!
وريني يا أروع بدايات القصيد
كيفن أعاند الاحتمال ؟!!
كيفن انم واسرح
وأدندن بي تباريح الغرام ؟
وريني يا منبع حنين الريد
ويا كل الحكايات النبيلة والوئام
يا جوهر الحسن الفريد
وريني بس
ليه الصباح ما ببقى باهر
الا من
رونق بهاكي
و يكتسب
لونو الجديد؟
بس قولي لي
كيفن بكون سحر المسا
لو ما شهق في جوفو
عود
يصدح نغم مليان جمالك
وليك اكيد.
وريني يا حبي المفرهد جوة في عرق الوريد
من وين بدايات انبعاثك ؟
مني؟ وفيني منك ريد بزيد.
جيتيني من وين يا هواي
من عمق النداءات في مسامات الرياح ؟!
وإلا من بين التوقع في خبايا الانتظار ؟!
وإلا من همس القلوب
الشايلة في جوف الفؤاد أجمل بواح ؟!
سافرت في عينيك
مدن
موجة بتضمد للجراح
وسرحت في حسنك لقيتك
أنت يا ست الحسان
نسمة بتعطر للرياح
وكتبت ليك
شلت الكلام من رنة القلب
المدوزنة بي ترانيم بهجتك
فيها المزازيك وانشراح،
عطنته في شريان بينتح بي هواك
ماج الحرف طربان وماح
وارتد لي
زي السهام الجاية من اشعاع عينيك
صابتني في جواي وختت
وشمة الريدة الصراح
خلت خلايا العشق
تنده لي طيور الشوق
وتلهج بالصياح
حيرانة تلحف في السؤال
مالو الوليد من يوم هواك
ليه استباح ،
شايلك سهاد؟
شايلك ظنون
أطياف تحلق بيه لي ابعد
نجوم قبل الصباح؟
اديه يديك يا البنية
والفجر يا دوبو
زي طفلا غرير
سوقيه للدنيا المطرزة
بحواشي الريدة والحب الصفا
لابس هواك
أجمل وشاح
خليه يغرق في تفاصيل الهوى
ويملا البراح
اجمل قصايد في هواك
ينظم كلام مليان سماح
وريني كيف انظم هواك أجمل كلام؟
واختار حروف فيها البهاء
مصقول نداها من الغمام
واكتب وأقول
أوصاف جواهر حسنك الباهر
وكم عز المنام
وريني كيف يا حانية زى فرخ الحمام
اقدر أترجم للمشاعر
والحكايات الهيام
وريني كيف النيل حداك
من زلالك
اكتسب طعم الحلاة ،
ومن نور ضياك
كيف القمر
اخد التمام!!
وريني يا أروع بدايات القصيد
كيفن أعاند الاحتمال ؟!!
كيفن انم واسرح
وأدندن بي تباريح الغرام ؟
وريني يا منبع حنين الريد
ويا كل الحكايات النبيلة والوئام
يا جوهر الحسن الفريد
وريني بس
ليه الصباح ما ببقى باهر
الا من
رونق بهاكي
و يكتسب
لونو الجديد؟
بس قولي لي
كيفن بكون سحر المسا
لو ما شهق في جوفو
عود
يصدح نغم مليان جمالك
وليك اكيد.
وريني يا حبي المفرهد جوة في عرق الوريد
من وين بدايات انبعاثك ؟
مني؟ وفيني منك ريد بزيد.
جيتيني من وين يا هواي
من عمق النداءات في مسامات الرياح ؟!
وإلا من بين التوقع في خبايا الانتظار ؟!
وإلا من همس القلوب
الشايلة في جوف الفؤاد أجمل بواح ؟!
سافرت في عينيك
مدن
موجة بتضمد للجراح
وسرحت في حسنك لقيتك
أنت يا ست الحسان
نسمة بتعطر للرياح
وكتبت ليك
شلت الكلام من رنة القلب
المدوزنة بي ترانيم بهجتك
فيها المزازيك وانشراح،
عطنته في شريان بينتح بي هواك
ماج الحرف طربان وماح
وارتد لي
زي السهام الجاية من اشعاع عينيك
صابتني في جواي وختت
وشمة الريدة الصراح
خلت خلايا العشق
تنده لي طيور الشوق
وتلهج بالصياح
حيرانة تلحف في السؤال
مالو الوليد من يوم هواك
ليه استباح ،
شايلك سهاد؟
شايلك ظنون
أطياف تحلق بيه لي ابعد
نجوم قبل الصباح؟
اديه يديك يا البنية
والفجر يا دوبو
زي طفلا غرير
سوقيه للدنيا المطرزة
بحواشي الريدة والحب الصفا
لابس هواك
أجمل وشاح
خليه يغرق في تفاصيل الهوى
ويملا البراح
اجمل قصايد في هواك
ينظم كلام مليان سماح
