تويت
الدكتور محمد حسن «طالعة منك»
طــالـــعـــــــــــة مــــنـــــــــك
وكم سرحت
لما من بين شفاه الليل مرق
خاطراطرق
سمعي وسال
طلعت لي من وين ؟!
عشان يغرقني فنك؟.
طلعت ليك
منك
لانك
ياجمال كل الفصول
حتى النجوم حكتني عنك
وقالوا لي
البت الموسة بي وشم ريدك
وبان
في جبينك نور هواها
وارتعشت
ومن جلال ضو الفجر
-لمن جهر حسنك بهر -
شلت عاصيات القوافي
وكتبت ليك احلى الكلام
احبك ؟
ما بتكفي..
اهواك
شالت عصير الامنيات
وجاني النسيم من طيب شذاك
شايل بشارات الهوى
فال البنية ..
قسموه ليك
ونظمت فيك الاغنيات
واديتي روحي الانفعال
حنت نواطير الغني
ودفقت انين الامنيات
بين الوصال
والاستحالة البين مسامات السفر
هردت حشاي
فرت تفاصيل الحديث
زي الارايل شاردات
اركز على ريدك واقيف
ارقد على قربك وانم
وصف البينة الطالعة من بين الفجر
زاهي السمات
ريدها الموكر بين ضلوعك
ما ليك جات
شايلة القوافي مع النسيم
في ايدها مسراج القصيد
وانت بترح
في الامسيات
ودرت دروب الرجعة
في عز السفر
احزم زكايبك جوة في جوف الزمن
اصلو الزمن
عداك وفات
وكم سرحت
لما من بين شفاه الليل مرق
خاطراطرق
سمعي وسال
طلعت لي من وين ؟!
عشان يغرقني فنك؟.
طلعت ليك
منك
لانك
ياجمال كل الفصول
حتى النجوم حكتني عنك
وقالوا لي
البت الموسة بي وشم ريدك
وبان
في جبينك نور هواها
وارتعشت
ومن جلال ضو الفجر
-لمن جهر حسنك بهر -
شلت عاصيات القوافي
وكتبت ليك احلى الكلام
احبك ؟
ما بتكفي..
اهواك
شالت عصير الامنيات
وجاني النسيم من طيب شذاك
شايل بشارات الهوى
فال البنية ..
قسموه ليك
ونظمت فيك الاغنيات
واديتي روحي الانفعال
حنت نواطير الغني
ودفقت انين الامنيات
بين الوصال
والاستحالة البين مسامات السفر
هردت حشاي
فرت تفاصيل الحديث
زي الارايل شاردات
اركز على ريدك واقيف
ارقد على قربك وانم
وصف البينة الطالعة من بين الفجر
زاهي السمات
ريدها الموكر بين ضلوعك
ما ليك جات
شايلة القوافي مع النسيم
في ايدها مسراج القصيد
وانت بترح
في الامسيات
ودرت دروب الرجعة
في عز السفر
احزم زكايبك جوة في جوف الزمن
اصلو الزمن
عداك وفات
