تويت
الدكتور محمد حسن «ليه بريدك؟»
مـابــريـــدك
بريدك
واحتمالات التراجع عن مسارك
اصلو ما مكن تكون
من عرفتك
انتفت حالة السكون
شلت ازميل الهوى
نقشت في عصب الخواطر
وجوة في عمق الظنون
انك انت براك كون
من عرفتك
ارتعش
نشوة المسا
واكتسى الكون بالفنون
بريدك
ونحن بياتنا الصفا
المواثيق الوفا
واندياحات زول حنون.
احكي لي
كيف
بتزهر بينا كلمة
وكيف بتطربنا المزامير
لما تلتهب العواطف
ويكتسي الحرف الجنون
ليه بريدك ؟!
ماعشات ممشوقة قامة
و فيك قطعا احلى لون
اوملامحك احلى من كل الحلا
او
محاسن الربنا الاداك ساحرات العيون
مابريدك
لاعتبارات انو منك ياخد الفجر انشراحو.
ريدي ليك
لاعتبارات
انو في لحظات وجودك
بفرح النيل الحزين
والقماري تعود وتسكن
وانو في لحظة وجودك
الغمامة بزيد نداها وتبقى مطرانة وهتون
ريدي ليك
حاجة اكتر من خرافة
حاجة زي اسطورة
زي احلام ودنيا
ولوح موشح بالشرافة
وانت عارفة
بي غرامك كيف بكون
زول وشاعر
وليك شايل
ومن بروق القبلي شاهر
ومن نيازك
ومن نجوم الكون مسا
والقمر هيمان وساهر
ومن
غلالات الصباح
و الندى الفوق الازاهر
برسم المعنى المجافل
بي حروف مليان شوق
والكلام ما فيه انين
فيه الحنين
والغرام الفيني ليك
اصلو باين في الجبين
بريدك
واحتمالات التراجع عن مسارك
اصلو ما مكن تكون
من عرفتك
انتفت حالة السكون
شلت ازميل الهوى
نقشت في عصب الخواطر
وجوة في عمق الظنون
انك انت براك كون
من عرفتك
ارتعش
نشوة المسا
واكتسى الكون بالفنون
بريدك
ونحن بياتنا الصفا
المواثيق الوفا
واندياحات زول حنون.
احكي لي
كيف
بتزهر بينا كلمة
وكيف بتطربنا المزامير
لما تلتهب العواطف
ويكتسي الحرف الجنون
ليه بريدك ؟!
ماعشات ممشوقة قامة
و فيك قطعا احلى لون
اوملامحك احلى من كل الحلا
او
محاسن الربنا الاداك ساحرات العيون
مابريدك
لاعتبارات انو منك ياخد الفجر انشراحو.
ريدي ليك
لاعتبارات
انو في لحظات وجودك
بفرح النيل الحزين
والقماري تعود وتسكن
وانو في لحظة وجودك
الغمامة بزيد نداها وتبقى مطرانة وهتون
ريدي ليك
حاجة اكتر من خرافة
حاجة زي اسطورة
زي احلام ودنيا
ولوح موشح بالشرافة
وانت عارفة
بي غرامك كيف بكون
زول وشاعر
وليك شايل
ومن بروق القبلي شاهر
ومن نيازك
ومن نجوم الكون مسا
والقمر هيمان وساهر
ومن
غلالات الصباح
و الندى الفوق الازاهر
برسم المعنى المجافل
بي حروف مليان شوق
والكلام ما فيه انين
فيه الحنين
والغرام الفيني ليك
اصلو باين في الجبين
