تويت
ينابيع النغم
كَتَبْتَ ليك...
مشتاق وبطَمَن عليك
نشوان وماليني العَشَم ..
ساهَرْتَ بيك...
ناسيني نايم وما عليك
ما قايلو في ريدك ألَمْ ..!!
ناديت عليك...
في لحظة الاسى بصطفيك
مهما الوصال بينا إتْعَدَم ..
بان لي وَشِيكْ...
في لحظة الوجع الوشيك
عُمْر المرارات إتْرَسَم..
كان ظني فيك...
ملهوف وشايلني في عينيك
داخِرْني للزمن البَسَمْ ..
رغم الظروف المارَّة بيك
انا عمري ماقَصَّرْت فيك
وانت المجَرِّعْني الالم ..
كل الحكاية صِفَتْ عليك
صاحي وبنوم وبَغَنِّي بيك
منَّك ينابيع النغم ..
إتْرَبَّى قلبي على ايديك
ودروبو كلها وادَّه ليك
ما كان مُؤمِّل في الندم ..
باعَدْتَ بيني وبين عينيك
لكني ما فَرَّطْتَ فيك
وخلّيت ظروفنا على القِسَم ..
احترت فيك
منك بخاف والخوف عليك
ما تْحَوِّلْ الآمال وَهَم ..