تويت
نبيل عبدالله الماحي «صخب الجمال»
صخب الجمال
عندك وقف صوت الكلام
عندك وقف همس الحديث
حتى القلم هذى المشاعر وارتبك
حبس الحبر عطش الورق
وكان يكفيهوا
بس
جملة فى طرف السطر
انك انت وانك بدر تمام
ولامن عبرتى حاجز
الرويا الظلام
بقى لى نهار
ولامن مشيتى بعيد هناك عاود
الحبر القلم هذى
المشاعر وارتبك
ياطالعة من كل المكان
هدهد
احساسى القديم لمتلاك بعض الحروف
امكن اعبر بيها
بس
ماراح توصفك يا طالعة
فى صدرى الحطام
شهق الصباح ومرقت شمس
زى الشمس
همسة بنورة على الزهور
الراجية كانت طلعتة
ومتعمدة كانت تنوم عشان تبقى فرِحهِ
بلمستة
مستحوزه قمة الفرح الجميل
متمكنة فى امتلاك كل القلوب
متناثرة منك
بتطلع سحب الحنان
متناسقة كانت خطاك على المكا ن
متواصلة بين كل جيل فكرة ودلال
متجمعة كل الحروف عندك تقيف
بكل ادب واحترام
عندك وقف صمت الكلام
رمز المشاعر والغنى
عندك وقف همس الحديث
عم السكون
لتكونى انت دنيا من صخب الجماال
