عبدالله محمد عبدالله لفيف «الدنيا»

الدنيا
17/8/2004م

الخاتي في صدرو الوسام عز الشرف والابتسام

أبعدنا من قربو الزمان يا قلبي تنساهم حرام

هب النسيم من شندي جا وجاب لي كلام

قال في المتمة بضوي ذي برق الظلام

أرض المحنة ومجمع النيل والحمام بهديلا من دارفور تحياتي وسلام

خلانا في محنة وعذاب ما تم عام لو قفل السنة كان بتفجر

شراينا ونكون عايشين ظلام

الدنيا ما بتديك مرادك والأيام مداولة بين الناس وعاشين في خصام

الحب محنة وعاطفية وابتسام زينة الحياة المال والبنون وحسن المقام

بعيونا شايفين في العيون لغة الكلام الحرة من معدن أصيلا ما هو خام

ليه يا زمن حارمنا ليه هجرك حرام

ما عرفنا حيين ولا ميتين نحن ي بحر الغرام

يا ما تعبنا مع الحياة ياما لزمنا الاعتصام

مفروض علينا من الزمن مكتوب وما داير كلام

حار الفراق جمر أم لهيب صاروخَ سام

حرب العصابات في المغامرة والكلام

شندي الشرف شندي الكرم فوق شندي ما بنقول كلام

عصفورة في شندي وبقت لي لحست الكوع يا هشام