عبدالله محمد عبدالله لفيف «دهب شيبون»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عبدالله محمد عبدالله لفيف «دهب شيبون»

    دهب شيبون
    17/12/2005م

    قلبي تِلْتَ الليل يِلاقيك

    يِصْحي من النّوم مشتَهيك

    يا زَرِع قوز رَجَب الفَريك

    يا الأراك للنّاس مَسَاويك

    الغَزال حاسْدِك ومُشتهيك

    في الجَمال الوَهَبُوه ليك

    شُغْلو غِيرة وحاقِد عليك

    سِحْرِك الفي جوّه عِينيك

    ما بَتُرْكِك وما بَخليك

    يا دَهَب شَيْبون السّبيك

    ظاهْرَة لغَة الصّفا في وَشِيك

    قلبي خايف وَشَفْقان عليك

    من عُيون النّاس يغَطيك

    ربّي وأنا بي روحي فادِيك

    الهِموم في الدّنيا ما تجِيك

    والعَلَيْ يا ريت مُو عَليك

    قلبِي ما بِيَنساك طاريك

    عِلاّ ما قادِر يِوَريك

    الخِصايِل الشفناها فيك

    ساكْنة في جُوفي ابْتَليت بيك
يعمل...
X