عبدالله محمد عبدالله لفيف «أسأل»

أســــأل
13/10/2005م

أسْأل الله وعِنْدي الأمَل
الأزْمَة فِي دَارفُورنا تِنْحَل

قَفلوها مَنافِذ الخَلَل
خَلّو طَرف الوَادي يِنْبَل

تُومُو فيهو وبَصَلو انْشَتَل
والبَطاطِس فَرْعو إنْهَدَل

رِحْلَة اسْتِمْتاع بالجَبَل
فيهو أطْيَب عَسَل النَّحَل

تِنْدَهِش واضاك يِنْحَل في
قَلول وفي سُوني إنْ وَصًل

تَنْمِيَة وتَعْليم غير مَلَل
لِحّقونا الرّكب النّصَل

ما فِي قلباً جِسْمُو انْفَصَل
وما في صَدى بالدّم إنْغَسَل

العِقْد بِالحِكْمَة تِنْحَل
واليَبيس بالمُويَة يِنْبَل

الفِريع كان رَوْيان هَدل
بالشِّعَب كان سَنَدو انْعَدَل

جيلنا مُسْتَقْبَلوا في الأمَل
يَنْهَض السٌّودان بالعَمَل