عبدالله محمد عبدالله لفيف «زهرة الربيع»

بًعد المِسَاء والليل مَسَا جانِي
النَّسيِم حامِل عِطور ومأسِّسا

مِن الزّهور مِن الخِمول مِن
الورود من أحْلى طيبك جَنَّسا

جاب الرّبيع في يوم بَديع يَشْري
ويَبايع ومِن جَنايْنِك خَصَّصا

مِن طِيف خَيالك والسّحِر داخل
العِيون كَبْدي البِريق لي قَصَّصا

متى ياحبيب نَفسك تَطيب وتكون
قريب تلهب وشعوري تَحَسّسا

سامحْني ماك عارف العليّ فصّلت
لي أنا بدلة مِنْ نار لابِسا

مَرْهُونة رُوحِي معذبة في
سجُون غَرامِك حَابِسا

حُب الحَبيب ماشِي غَريب قِسْمَة
ونَصِيب الرّيدة والعَنا والأسَا

حُسْنك بًديِع للجُوف مُريح سَاكن مَعاي
أنا قلبي يُوم في الدنيا ما حاول نسا

مَفتون هَواك عايش مَعاك قلبي اصْطَفاك
أنا رُوحي طيفك كل ليلة بِيانسا

أنا قلبي راح شالوا المَعاك بِيَلعبو بِيهُ
وسوّوه كورة وإنت في القون حارِسا

عِنْدك ملامِح نَظرة سَامّة تَهَدّد
الكُون كلّو لو لا تَحْرِسا

بتْخوض مَعارِك وتنْتصِر وتَهْزِم
جُيوش الرّوم عُيونك وفارسِا