عبدالله محمد عبدالله لفيف «برّاق سنونا»

كُلّ الفِصُول بمَراجِعا
قَصْدِي ومُنايا مَطامِعا

مَنسُوبَة للنّيل سامِعا
وتِلميذة داخْل الجامِعا

تمْشي الوَحَل مُتْفَدّعا
وجدّل الحَرير مُتْجَدّعا

الفِي جَمالا مُبّدِّعا
وجَدْية غَزال مي مُرَضِّعا

يا نَفْسِي ما مُتْشَجّعا
تلقيهُو وين تاني الوَعا

جارْحَ الفُؤاد سِحْرو المَعَا
وشَالتْ القَلُب مي مرجعا

حِلوة والسّحر داخِل عِيُونا
والنَّساني بَرّاق من سِنونا

دي ياسمين ولاّ وَردة ولاّ تونا
ولاّ فَطيمَة الجَدِي حَيّرونا

أسْعَد يُوم دَه يُوم ما قابَلوُنا
وتركتَ الشايْلو ليْلي جَمالا دُونا

سهاما رَمَاني مِن ساعة قِدوما
وحَرَقت قَلبي يا ناس ما بَلوُما

مَشيت مِن عِنْدنا وشايل همُوما
أضاي إنْحَلّ والعين جافْيَة نُوما

في داخل الفُؤاد طَبَعَتْ رِسوما
جَمالا جَمال سِحر مالْكَاها روُما

بَريدُه وريدو فات حَدّو وحِدُودو
فِريع المًحْلب النّسَام يَقُودو

مَعبِّي زَخيرة خايفين منْ جِنودو
وَجَناتو البتَشْلَع فوق خِدودو

دا صَندل وصَندلية وعند هِنودو
وعاشقوا مَغيِّباَ فاقدِ وجُودو