تويت
عبدالناصر ميرغني «كتابك بطوي صفحاتو»
كتابك بطوي صفحاتو
بقيف واعلن على الأشهاد:
كتابك بطوي صفحاتو
واسطر في الغلاف من برة..
متروك للحساب يوم الحساب
والإمضا : واحد قاسية مأساتو..
لأنك طفلة عاشقة الذات
وعمرك ضايعة ساعاتو
واكيد الزيك المغرور
بيشنق نفسو بي زاتو..
وبكتب في المدى المفتوح
طلب إعلان عن الإنسان
مؤسَّس..
في ضميرو الناس
مشاعر عامرة بالإحساس
يكون طيب ومتواضع
يحس الوجعة في التانين
يكون حساس
يقرب من حصون حزنك
يفك العقدة بي ايديهو براحة
ويخش زي نسمة في الشريان
ويغسل جوفك المحروق
يكون وناس
وعندو البسمة تبقى أساس
وحتا كان ضِلال قطية
أو راكوبة
أو ضل شجرة في البرية
ينضح في المكان من عطرو
يضمخ..
ويصبح جنة بي إحساسو مروية
وجد جد عامرة بي إشراق
وحنية
بخت بالعشرة أبصم ليهو
وأنسى الدنيا
واشطب من حسابي زمان ملان أحزان
وأسافر في ملامح وجهو زي عصفور
برفرف في حدائق نور
واكتب اسمو في الأشجار
واحدث بي صفاتو أدور
على الروضات
وفي خطب الجوامع
في مجالس الذكر والأوراد
وأشيل في مدحو بالطمبور
عشان بس ربي قال:
( في البدء كانت كلمة..
كان النور )
واكيد الزول عجين من طين
ولكن بالأكيد الروح
وحسو العالي
يرفعو من مقامو وقدرو
يرسمو في طريق خطواتو جنة حور..
بقيف واعلن على الأشهاد:
كتابك بطوي صفحاتو
واسطر في الغلاف من برة..
متروك للحساب يوم الحساب
والإمضا : واحد قاسية مأساتو..
لأنك طفلة عاشقة الذات
وعمرك ضايعة ساعاتو
واكيد الزيك المغرور
بيشنق نفسو بي زاتو..
وبكتب في المدى المفتوح
طلب إعلان عن الإنسان
مؤسَّس..
في ضميرو الناس
مشاعر عامرة بالإحساس
يكون طيب ومتواضع
يحس الوجعة في التانين
يكون حساس
يقرب من حصون حزنك
يفك العقدة بي ايديهو براحة
ويخش زي نسمة في الشريان
ويغسل جوفك المحروق
يكون وناس
وعندو البسمة تبقى أساس
وحتا كان ضِلال قطية
أو راكوبة
أو ضل شجرة في البرية
ينضح في المكان من عطرو
يضمخ..
ويصبح جنة بي إحساسو مروية
وجد جد عامرة بي إشراق
وحنية
بخت بالعشرة أبصم ليهو
وأنسى الدنيا
واشطب من حسابي زمان ملان أحزان
وأسافر في ملامح وجهو زي عصفور
برفرف في حدائق نور
واكتب اسمو في الأشجار
واحدث بي صفاتو أدور
على الروضات
وفي خطب الجوامع
في مجالس الذكر والأوراد
وأشيل في مدحو بالطمبور
عشان بس ربي قال:
( في البدء كانت كلمة..
كان النور )
واكيد الزول عجين من طين
ولكن بالأكيد الروح
وحسو العالي
يرفعو من مقامو وقدرو
يرسمو في طريق خطواتو جنة حور..
