تويت
عبدالناصر ميرغني «آسف كتير»
آسف كتير..
لو طال وقوفي بعيد
مشتت في المسافة
ما القصة أشبه بالخرافة
ما الفكرة جَدْ عنوان مخيف
كيفن ربيع يسكن خريف..؟
آسف كتير..
ما من زمان شال الأسى
وسكن الحروف
صبغ الأغاني اتوترت ماليها خوف
سِكرت أنين
مصلوبة في جمر المسافة
زي دموع في العين تطوف
والعتمة شالت في الدروب
ما من زمان
جربت كُلْ طرق الهروب
كل المتاريس والحصون
مليون سؤال اتسلسلو
أوراق خريف اتبعثرت
ورمال صحاري اتيبست أحلامها
في المحل الطويل
وطيور صغار تحلم تطير
أقفاصها يتمها في الحروب..
مرت دهور
لفيت بلاداً ساقطة من كل الخرايط
والتواريخ
والأساطير
والحكاوي
شربت هم كل المنافي
وما لقيت بلسم إجابة
رجعت مسكون بالمصير
ما من زمان
سبت التأرجح في الفضا المكسور
موشح بالظنون
بالحرقة
والأحلام يتيمة
تحس برودة الوحدة والوجع السخيف
والنبضة ضاعت في الزحام
آسف كتير..
ما من زمان
كسرت أشكال الروابط بيني ما بين الأنام
سميتها لحظة طيش..جنون
ختيت حدود
أسوار حديد
غابات ظنون أشجارها شوك
وانوارها نار
والغربة صبت في المسافة وأمطرت
رمل الصحارى
وأثمرت ملح البحار
آسف كتير..
لازم أكون صادق معاك
بالرغم من كل النجوم الفي سماك
رغم الحنان الفي نِداك
والرعشة في صوت الملاك
والسحر في البوح الخجول
بوح الفراش عِشْق الورود
يفضل يدور
والنار تكون آخر السطور
رغم الحنان في النظرة صامتة
وصمتها رعشة قزح راجي الإذن
يرسل دعاش..
والوقفة ديك
في زاوية المشهد
حضور مشحون شجن لحظة شروق
والكِلْمة تنبض
ساكنة في جوف التردد
نجمة تحلم بي مدار
وتموت حريق في الإنتظار
عالم ملان بالدهشة
والوعد الأكيد بي بكرة
والحلم الجميل
بي دنيا مفروشة بْمشاعر مابتموت
تنبض هناك
زي حقلِ مشتول بالنجوم
زي سربِ من أطيار
مزخرفة بي حروف كل الأغاني
الكان زمان غنوها في زمن العشق
مغروسة في نبض الزمن..
عن قيس وليلى
وفاطمة والشاطر حسن
آسف كتير..
مضطر أقول : دا المستحيل
كيفن ربيع يسكن خريف..؟
بالمختصر
تلفيق..
وهم..كل الحلول
ما النبضة لفاها الذهول
ورضيت خلاص أنا بالمصير
بي سبحة اللالوب
وجبة مرقعة..
وعنوان سراب
وجنون غبش لَوَّن تفاصيل الدروب
وبقيت حلم فاقد الأمل
زي غنية مجهولة البداية
بلا نهاية ..
بلا قوافي
وشاردة زي ليل المنافي
وماشي أعمى بلا دليل
ساكن خطاي وجع السواقي تئن
تحت رجليها جفت ريحة الطين القديم
آسف
بقيت تمثال بتزحف في تفاصيلو الشروخ
ساكنو الشتا
وماتت مواعيد الفصول
آسف كتير..
لو طال وقوفي بعيد
مشتت في المسافة
ما القصة أشبه بالخرافة
ما الفكرة جَدْ عنوان مخيف
كيفن ربيع يسكن خريف..؟
آسف كتير..
ما من زمان شال الأسى
وسكن الحروف
صبغ الأغاني اتوترت ماليها خوف
سِكرت أنين
مصلوبة في جمر المسافة
زي دموع في العين تطوف
والعتمة شالت في الدروب
ما من زمان
جربت كُلْ طرق الهروب
كل المتاريس والحصون
مليون سؤال اتسلسلو
أوراق خريف اتبعثرت
ورمال صحاري اتيبست أحلامها
في المحل الطويل
وطيور صغار تحلم تطير
أقفاصها يتمها في الحروب..
مرت دهور
لفيت بلاداً ساقطة من كل الخرايط
والتواريخ
والأساطير
والحكاوي
شربت هم كل المنافي
وما لقيت بلسم إجابة
رجعت مسكون بالمصير
ما من زمان
سبت التأرجح في الفضا المكسور
موشح بالظنون
بالحرقة
والأحلام يتيمة
تحس برودة الوحدة والوجع السخيف
والنبضة ضاعت في الزحام
آسف كتير..
ما من زمان
كسرت أشكال الروابط بيني ما بين الأنام
سميتها لحظة طيش..جنون
ختيت حدود
أسوار حديد
غابات ظنون أشجارها شوك
وانوارها نار
والغربة صبت في المسافة وأمطرت
رمل الصحارى
وأثمرت ملح البحار
آسف كتير..
لازم أكون صادق معاك
بالرغم من كل النجوم الفي سماك
رغم الحنان الفي نِداك
والرعشة في صوت الملاك
والسحر في البوح الخجول
بوح الفراش عِشْق الورود
يفضل يدور
والنار تكون آخر السطور
رغم الحنان في النظرة صامتة
وصمتها رعشة قزح راجي الإذن
يرسل دعاش..
والوقفة ديك
في زاوية المشهد
حضور مشحون شجن لحظة شروق
والكِلْمة تنبض
ساكنة في جوف التردد
نجمة تحلم بي مدار
وتموت حريق في الإنتظار
عالم ملان بالدهشة
والوعد الأكيد بي بكرة
والحلم الجميل
بي دنيا مفروشة بْمشاعر مابتموت
تنبض هناك
زي حقلِ مشتول بالنجوم
زي سربِ من أطيار
مزخرفة بي حروف كل الأغاني
الكان زمان غنوها في زمن العشق
مغروسة في نبض الزمن..
عن قيس وليلى
وفاطمة والشاطر حسن
آسف كتير..
مضطر أقول : دا المستحيل
كيفن ربيع يسكن خريف..؟
بالمختصر
تلفيق..
وهم..كل الحلول
ما النبضة لفاها الذهول
ورضيت خلاص أنا بالمصير
بي سبحة اللالوب
وجبة مرقعة..
وعنوان سراب
وجنون غبش لَوَّن تفاصيل الدروب
وبقيت حلم فاقد الأمل
زي غنية مجهولة البداية
بلا نهاية ..
بلا قوافي
وشاردة زي ليل المنافي
وماشي أعمى بلا دليل
ساكن خطاي وجع السواقي تئن
تحت رجليها جفت ريحة الطين القديم
آسف
بقيت تمثال بتزحف في تفاصيلو الشروخ
ساكنو الشتا
وماتت مواعيد الفصول
آسف كتير..
